މޯލްޑިވްސް ނޭޝަނަލް ޕާޓީ (އެމްއެންޕީ) އަކީ ކުރީގެ ޑިފެންސް މިނިސްޓަރު މުހައްމަދު ނާޒިމް އިސްވެ ހުންނަވައި އުފެއްދެވި ޕާޓީ އެކެވެ. އޮކްޓޯބަރު 25، 2021 ގައި ރަޖިސްޓްރީކުރި މި ޕާޓީން ކުރު މުއްދަތެއްގެ ތެރޭގައި 10،000 މެންބަރުން ހަމަކުރި އެވެ. ރައްޔިތުންގެ މަޖިލީހުގައި އެ ޕާޓީ ތަމްސީލް ކުރައްވާ ތިން މެމްބަރަކު އެބަ ތިއްބެވި އެވެ. އެއީ ޖުމްހޫރީ ޕާޓީގެ ޓިކެޓުގައި ދަގެނތި ދާއިރާއަށް އިންތިހާބުވި މުހައްމަދު ނާޒިމުއާއި، ތިމަރަފުށީ ދާއިރާގެ މެންބަރު އަބްދުﷲ ރިޔާޒުއާއި، ވިލިމާލޭ ދާއިރާއަށް އަމިއްލަގޮތުން އިންތިހާބުވި އަހުމަދު އުޝާމް އެވެ. އެ ޕާޓީ އުފެދުނު ފަހުން ބޭއްވި ހުރިހާ ބައި އިލެކްޝަންތަކެއްގައި ބައިވެރިވެފައިވެ އެވެ. ނަމަވެސް މާބޮޑު ކާމިޔާބެއް ލިބިފައެއް ނެތެވެ. އެ ޕާޓީން މި އަހަރުފެ ރިޔާސީ އިންތިހާބުގައި، ޕާޓީގެ ރައީސް މުހައްމަދު ނާޒިމު ވާދަ ކުރައްވަން ވަނީ ނިންމަައިފަ އެވެ. ރިޔާސީ އިންތިހާބުގެ ކެމްޕެއިން ޝިޔާރު: އުޖާލާ ޒަމާން ޕާޓީ އުފެއްދި ތާރީހު: 25 އޮކްޓޯބަރު 2021 ޕާޓީގެ ރައީސް: މުހައްމަދު ނާޒިމް ޕާޓީގެ މެމްބަރުން އަދަދު: 9800 މަޖިލިސް މެމްބަރުން: 3