ފިލްމީ ދާއިރާގެ މަޝްހޫރު ޕްރޮޑިއުސަރު މުހައްމަދު އަބްދުﷲ (މުހަންމާ) ޕްރޮޑިއުސްކޮށް ޔޫސުފް ޝަފީއު (ޔޫއްޕެ) ޑައިރެކްޓް ކޮށްފައިވާ މީޑިއާނެޓު އޮރިޖިނަލްސް ދިވެހި ސީރީޒް، "އެރެއަށްފަހު" ސީރީޒް މީޑިއާނެޓުގެ ވީޑިއޯކްލަބަށް މިއަދު ލައިފި އެވެ.

މީޑިއާނެޓުން ބުނީ ވީޑިއޯކްލަބަށްލީ އެ ސީރީޒްގެ ފުރަތަމަ ދެ އެޕިސޯޑެވެ. އެ ދެ އެޕިސޯޑް ހިލޭ ބަލާލެވުނު ނަމަވެސް، ކުރިއަށް ހުރި އެޕިސޯޑުތައް ބަލާލުމަށް ސަބްސްކްރިޕްޝަނެއް ނަގަން ޖެހޭނެ ކަމަށެވެ.

ޖުމްލަ 15 އެޕިސޯޑުގެ މައްޗައް އެކުލެވޭ އެ ސީރީޒްއަކީ ހުނަރުވެރި ލިޔުންތެރިޔާ މަރިޔަމް މޫސާ (މަރީ) ގެ މޮޅު ވާހަކައެއްގެ މައްޗަށް ތައްޔާރުކޮށްފައިވާ ސީރީޒްއެކެވެ.

މި ސީރީޒްގައި ފެނިގެންދާނީ މީހެއްގެ މަރުގެ ހަގީގަތް ދެނެގަތުމަށްޓަކައި އޭނާގެ އާއިލާއިން ކުރާ މަސައްކަތާއި އެ މަސައްކަތުގެ ތެރެއިން ދިމާވާ އެކި އެކި ހާދިސާތަކެވެ. ސަސްޕެންސުން ފުރިގެންވާ މި ސީރީޒުގެ ކޮންމެ އެޕިސޯޑެއްގައި ވެސް ބެލުންތެރިން ޝައުގުވެރިވާފަދަ ތަފާތު ހާދިސާތަކެއް އެކުލެވެ އެވެ.

ފިލްމުގެ މައި ރޯލުތަކުން ދިވެހި ފިލްމީދުނިޔޭގައި މަގްބޫލު ގިނަ ތަރިންތަކެއް ފެނިގެންދާނެއެވެ. އޭގެ ތެރޭގައި ޔޫސުފް ޝަފީއު (ޔޫއްޕެ) އަދި އިބްރާހިމް ޖިހާދު (ޖިމީ) ގެ އިތުރުން ދިވެހި ފިލްމު އިންޑަސްޓްރީގައި ކުރިއަރަމުން އަންނަ ގިނަ ބައެއްގެ ލޯބި ލިބިފައިވާ ތަރިން ކަމުގައިވާ އައިމިނަތު ރަޝްފާ (އާޝާ) އަދި މަރިޔަމް ޝިފާ އެކި ރޯލުތަކުން ފެނިގެންދެ އެވެ.

ވީޑިއޯކްލަބަކީ މީޑިއާނެޓުގެ ވީޑިއޯ އޮން ޑިމާންޑް ސާވިސްއެވެ. މީޑިއާނެޓުގެ އެމްއެސް ޓީވީ އަދި އެމްއެސް ލައިޓް ހިދުމަތް މެދުވެރިކޮށް ޓީވީއިން ވީޑިއޯކްލަބުގައި ހިމެނޭ ކޮންޓެންޓް ބެލެ އެވެ. އަދި އެމްއެސް ޑިޖިޓަލް ހިދުމަތް މެދުވެރިކޮށް މޯބައިލް ޑިވައިސްތަކުން ވީޑިއޯކްލަބުގައި ހިމެނޭ ކޮންޓެންޓް ބެލޭނެ އެވެ.

އެ ސީރީޒްއަކީ އެމް އޮރިޖިނަލްސް ބެނާގެ ދަށުން ދިވެހިންނާއި ހަމައަށް ގެނެސްދެމުން އަންނަ ދިވެހި އަމިއްލަ ފިލްމާއި ސީރީޒް ލައިބްރަރީއަށް އިތުރުވެގެންދާ ކޮންޓެންޓެކެވެ. ދިވެހިންގެ މެދުގައި މަގްބޫލު ފަހުގެ މޮޅު ފިލްމާއި ސީރީޒް އެމް އޮރިޖިނަލްސް ބެނާރގެ ދަށުން ވީޑިއޯކްލަބް ހިދުމަތް މެދުވެރިކޮށް އަންނަނީ ދިވެހިންނާއި ހަމައަށް ގެނެސްދެމުންނެވެ.

އެމްއެސް ޓީވީ / އެމްއެސް ލައިޓް / އެމްއެސް ޑިޖިޓަލްއަށް އޮންލައިންކޮށް ރަޖިސްޓާކުރެވެ އެވެ. އަދި ވީޑިއޯކްލަބް ކޮންޓެންޓް ޕެކޭޖަށް ވެސް އޮންލައިންކޮށް އެކްޓިވޭޓް ކުރެވެ އެވެ.