ރާއްޖޭގައި ކާމިޔާބީ، އާސިއާންގައި ތަޖުރިބާ، ޕާކިސްތާން ސާފަށް ތައްޔާރު

Oct 29, 2026, 11:04 AM
އާސިއާން ކަޕްގެ މެޗެއްގެ ތެރެއިން ސޮލާނޯ، ޕާކިސްތާންގެ ބެންޗުގައި.

އާސިއާން ކަޕްގެ މެޗެއްގެ ތެރެއިން ސޮލާނޯ، ޕާކިސްތާންގެ ބެންޗުގައި.

ރާއްޖޭގައި ބޭއްވި ޑައިމަންޑް ޖޫބިލީ ފުޓްބޯޅަ މުބާރާތުގެ ޗެމްޕިއަންކަން ލިބުމާއި ފީފާ އާސިއާން ކަޕްގައި ކުޅުނު ވަރުގަދަ މެޗުުތަކަށް ފަހު، އަންނަ މަހުގެ ސާފް ޗެމްޕިއަންޝިޕް ފުޓްބޯޅަ މުބާރާތަށް ޕާކިސްތާނަށް ރަނގަޅަށް ތައްޔާރުވެވޭނެ ކަމަށް ޕާކިސްތާން ފުޓްބޯޅަ ޓީމުގެ ކޯޗު، ނޮލްބާޓޯ ސޮލާނޯ ބުނެފި އެވެ. 

މިދިޔަ ޖޫން މަހު ރާއްޖޭގައި ބޭއްވި ޑައިމަންޑް ޖުބިލީ މުބާރާތުގެ ފުރަތަމަ މެޗުގައި ޕާކިސްތާނުން 0-0 އިން ބަންގްލަދޭޝްގެ 23 އަހަރުން ދަށުގެ ޓީމާ އެއްވަރުވި އެވެ.

އޭގެ ފަހުން، ދެ ވަނަ މެޗުގައި ރާއްޖެ އަތުން 3-0 އިން މޮޅުވިއިރު، މިއީ، 1991 ވަނަ އަހަރުގެ ސާފް ގޭމްސް ފައިނަލަށް ފަހު، ޕާކިސްތާނަށް ރާއްޖެ ބަލިކުރެވުނު ފުރަތަމަ ފަހަރެވެ. އަދި، ރާއްޖޭގައި ކުޅެގެން މުޅިން އަލަށް ޕާކިސްތާނަށް ރާއްޖެ ބަލިކުރެވުނުއިރު، މިއީ، 2023 ވަނަ އަހަރުގެ އޮކްޓޫބަރުގެ ފަހުން ޕާކިސްތާން މެޗަކުން މޮޅުވި ފުރަތަމަ ފަހަރެވެ. 

ރާއްޖެ މެޗަށް ފަހު، ޕާކިސްތާނުން ދެން ކުޅުނު ދެ މެޗުގައި ވެސް އަފްގާނިސްތާންގެ މައްޗަށް 2-0 އިން ކުރިހޯދި އެވެ. އެއީ ލީގު ބުރުގެ ފަހު މެޗާއި ފައިނަލުގަ އެވެ.

އަދަދު ސްޕޯޓްސް އެކްސްކްލޫސިވް: ޕާކިސްތާނަށް ކާމިޔާބު ލިބުނީ މަސައްކަތުން، ރާއްޖެ އަށް ވެސް އެ ފުރުސަތު އެބައޮތް

ރާއްޖޭގެ ފުޓްބޯޅަ އަށް 75 އަހަރު ފުރުމުގެ މުނާސަބަތުގައި ބޭއްވި ޑައިމަންޑް ޖުބިލީ މުބާރާތުގެ ޗެމްޕިއަންކަން ޕާކިސްތާނުން ހޯދުމާ ގުޅިގެން، އެ ގައުމުގެ ކޯޗު ސޮލާނޯ ރާއްޖެ އަށް ޝުކުރު އަދާކުރި. މި މުބާރާތުގައި ޕާކިސްތާނުން ވަނީ ރާއްޖެއާއި އަފްގާނިސްތާން ބަލިކޮށް، ގިނަ ދުވަސްތަކަކަށްފަހު ބައިނަލްއަގުވާމީ މައިދާނުގައި ތާރީހީ ކާމިޔާބީތަކެއް ހޯދާފައި.

އޭގެ ފަހުން، ސެޕްޓެމްބަރު/އޮކްޓޫބަރު ފީފާ ބްރޭކްގައި ޕާކިސްތާނުން ވަނީ ފީފާ އާސިއާން ކަޕްގައި ކުޅެފަ އެވެ. އެ މުބާރާތުގައި ފުރަތަމަ މެޗުން ތައިލެންޑް އަތުން 4-0 އިން ބަލިވި ނަމަވެސް ދެން ކުޅުނު ދެ މެޗުގައި ރަނގަޅު ފައިޓެއް ދިނެެވެ. އެ ގޮތުން، ފިލިޕީންސްއާ 2-2 އިން އެއްވަރުކުރިއިރު، ވިއެޓްނާމް ކައިރީގައި ރަަނގަޅު ކުޅުމެއް ދައްކައި، 4-2 އިން ވީ ބައްޔެވެ. 

ޕާކިސްތާނުން މި ފަހަރުގެ ސާފް ޗެމްޕިއަންޝިޕްގައި ހިމެނެނީ، ރާއްޖެ އާއި އިންޑިއާއާ އެކު ގްރޫޕް ބީގަ އެވެ. ތޭވީސް ކުޅުންތެރިންނާ އެކު، ޕާކިސްތާނުން މި ހަފްތާގައި ޕްރެކްޓިސްތައް ސާފް ޗެމްޕިއަންޝިޕަށް ތައްޔާރުވާން ވަނީ ފަށައިފަ އެވެ. 

ސޮލާނޯ ބުނީ، އިސްލާމްއާބާދުގައި ޓްރެއިނިންތައް ކުރިއަށް ގެންދެވުނު ކަމުގައި ވިޔަސް، މި އަހަރު އިންޓަނޭޝަނަލް ފުޓްބޯޅައިގައި ޕާކިސްތާނަށް ހާސިލްކުރެވުނު ކަންކަމަށް ބަލާއިރު، ސާފް ޗެމްޕިއަންޝިޕާ މެދު އުންމީދު އެބައޮތް ކަމަށެވެ. 

"ކާމިިޔާބެއް ހޯދުމަށް ފަހު، އަހަރެމެންނަށް ވަރަށް ރަނގަޅަށް ފީފާ އާސިއާން ކަޕް ދިޔައީ.  ދެން، މިހާރު މި ތައްޔާރުވަނީ ސާފް ޗެމްޕިއަންޝިޕަށް، މި ކުރަމުން އަންނަ މަސައްކަތް އިތުރަށް ރަނގަޅުކުރަން ބޭނުމީ،" ސޮލާނޯ ބުންޏެވެ. 

ސާފް ޗެމްޕިއަންޝިޕްގައި ޕާކިސްތާންގެ ފުރަތަމަ މެޗު އަންނަ މަހު ފަސް ވަނަ ދުވަހު އޮތީ އިންޑިއާއާ ދެކޮޅަށެވެ. ދެ ވަނަ މެޗު އަންނަ މަހު އަށް ވަނަ ދުވަހު ރާއްޖެއާ ދެކޮޅަށެވެ. ރާއްޖޭން އަންނަަނީ އިންޑޮނޭޝިއާގައި ކޭމްޕްކޮށްގެން ސާފް ޗެމްޕިއަންޝިޕަށް ތައްޔާރުވަމުންނެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox