ތޯރިގު ފާހަގަކުރެއްވީ ސާފް ޗެމްޕިއަންޝިޕް ކާމިޔާބުުކުރުމުގެ ފުރުސަތު އޮތްގޮތް

Oct 27, 2026, 7:57 AM
އެފްއޭއެމްގެ ރައީސް އަހުމަދު ތޯރިގު (ޓޮމް) ވާހަކަ ދައްކަވަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

އެފްއޭއެމްގެ ރައީސް އަހުމަދު ތޯރިގު (ޓޮމް) ވާހަކަ ދައްކަވަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

އަންނަ މަހު ބަންގްލަދޭޝްގެ ޑާކާގައި ބާއްވާ ސާފް ޗެމްޕިއަންޝިޕް ފުޓްބޯޅަ މުބާރާތުގެ ތަށި ހޯދުމަށް ކުރާ މަސައްކަތުގެ ތެރެއިން، ރާއްޖޭން ކުރިއަށް އޮތް ހަފްތާއެއްހާ ދުވަސްތެރޭ އިންޑޮނޭޝިއާގައި ކުރިއަށްގެންދާ ޓްރެއިނިން ކޭމްޕްގެ ބޭނުންހިފުން މުހިންމު ކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ރައީސް، އަހުމަދު ތޯރިގު (ޓޮމް) ވިދާޅުވެއްޖެ އެވެ. 

އަންނަ މަހު ދެ ވަނަ ދުވަހުގެ ނިޔަލަށް އިންޑޮނޭޝިއާ އަށް ޓްރެއިނިން ކޭމްޕަކަށް އިއްޔެ ގައުމީ ޓީމު ފުރުމުގެ ކުރިން، މާލޭ ބަސް ޓާމިނަލްގައި ޓީމާ ބައްދަލުކުރުމަށް ފަހު، ޕީއެސްއެމް އަށް ދިން އިންޓަވިއުއެއްގައި ތޯރިގު ވިދާޅުވީ، މި ކޭމްޕް ހަމަޖައްސައިދިނީ ގައުމީ ޓީމުގެ ކޯޗު، ހަންގޭރީގެ އިސްޓަވާން އުރްބާނީ އަށް ޓީމު އެކުލަވާލުމުގެ ފުރުސަތު ދިނުމުގެ ގޮތުން ކަމަށެވެ. 

"ދެން ހާއްސަކޮށް މާލޭގެ މާހައުލުން ބޭރުވުމުން ވެސް ޓީމު އެކަމަށް ފޯކަސް ކޮށްގެން މަސައްކަތް ކުރަން އެ ލިބޭ ވަގުތުގައި، ދެން، ކޮމްޕެޓިޓިވް ދެ މެޗު ދީގެން،" ތޯރިގު ވިދާޅުވި އެވެ. 

މިދިޔަ ސެޕްޓެމްބަރު/އޮކްޓޫބަރު ފީފާ ބްރޭކްގެ ތެރޭގައި ގައުމީ ޓީމުގެ ކޯޗު އަދި އެފްއޭއެމްގެ ޓެކްނިކަލް ޑިރެކްޓަރު އުރްބާނީ ވަނީ ސާފްގެ ކުރިން ތައްޔާރުވާން ދެ މެޗު ކުޅުން މުހިންމު ކަމަށް ބުނެފަ އެވެ. ތޯރިގު ވަނީ އިންޑޮނޭޝިއާ ކޭމްޕްގެ ތެރެއިން ރާއްޖޭން ވާދަވެރި ދެ މެޗު ކުޅޭނެ ކަމަށް ވިދާޅުވެފަ އެވެ. 

ރާއްޖޭން އެންމެ ފުރަތަމަ 2008 ވަނަ އަހަރު ސާފް ޗެމްޕިއަންޝިޕް ކާމިޔާބުކުރިއިރު، ޓީމުގައި ހިމެނުނު ތޯރިގު ވިދާޅުވީ، މި ފަހަރުގެ ސާފް ޗެމްޕިއަންޝިޕްގައި ރަނގަޅު ނަތީޖާ އަކަށް އުންމީދުކުރާއިރު، ސަރަހައްދުގެ ފުޓްބޯޅައިގެ ކަންކަން މި ވަގުތު ހުރި ގޮތުން ރާއްޖެ އަކީ ފޭވަރިޓެއްގެ ގޮތުގައި ނުގުނަފާނެ ކަަމަށެވެ. 

"އެކަމަކު، އަޅުގަނޑުމެންނަކީ މިހާރު ސާފް ޗެމްޕިއަންޝިޕް މި ވަގުތު މި ސަރަަހައްދުގެ ފުޓްބޯޅަ ރޭވިފައި އޮތް ގޮތާއި ތަރުތީބު ވެފައި އޮތް ރޭންކަށް ބަލާއިރު، އިންޑިއާ އަށް ވުރެން ދަށުގައި ރޭންކިން އޮތަސް ވެސް މިހާރު މި ހުރި  ޓީމުތަކަށް ބަލާއިރު، ފޭވަރިޓެއް ނޫން،" ތޯރިގު ވިދާޅުވި އެވެ. 

"އޭގެ މާނަ އަކީ އަޅުގަނޑުމެން ނަތީޖާ އަށް މަސައްކަތް ނުކުރާނެ ވާހަަކައެއް ނޫން. ހަމަ ސާފް ޗެމްޕިއަންޝިޕްގައި މި ލިބޭ ފުރުސަތުގައި ހަމަ ތަށްޓައް މަސައްކަތްކުރާނެ މި ޓީމު، ޓީމު އިރާދަކުރެއްވިއްޔާ، ޓްރެއިނިން ކޭމްޕް ނިމިގެން އޮންނާނީ އެ ރޫހުގައި، ތިން ވަނަ ފަހަރަށް ސާފް ޗެމްޕިއަންޝިޕް ކާމިޔާބު ކުރުމަށްޓަކައި އެ ޓީމު ބައްޓަން ކުރުމަށް ކޯޗަށް ހޯދައިދިން ފުރުސަތެއް މިއީ، ޓީމު އެކުލަވާލުމަށް،" 

ބަންގްލަދޭޝްގައި މިހާތަނަށް ސާފް ޗެމްޕިއަންޝިޕް ބޭއްވި ތިން ފަހަރު ވެސް ރާއްޖޭން ފައިނަލަށް ދަތުރުކުރި އެވެ. އެ ގޮތުން، 2003 ވަނަ އަހަރު ޕެނަލްޓީ ޖަހައިގެން ބަންގްލަދޭޝް އަތުން ބަލިވިއިރު، 2009 ވަނަ އަހަރު ޕެނަލްޓީ ޖަހައިގެން އިންޑިއާގެ ޒުވާން ޓީމު އަތުން ބަލިވީ އެވެ. އެކަމަކު، 2018 ވަނަ އަހަރު ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ތަށި ރާއްޖޭން ހޯދީ ފައިނަލުގައި އިންޑިއާ ބަލިކޮށްފަ އެވެ. 

އެންމެ ފަހުން، 2023 ވަަނަ އަހަރު ބޭއްވި ސާފް ޗެމްޕިއަންޝިޕަކީ ރާއްޖޭގެ ނަތީޖާ އެންމެ ދަށް މުބާރާތެވެ. އެ މުބާރާތުގެ ގްރޫޕް ސްޓޭޖުން ރާއްޖެ ކެޓިއިރު، މިއީ، ސާފް ޗެމްޕިއަންޝިޕެއްގެ ގްރޫޕް ސްޓޭޖުން ރާއްޖެ އަށް މުބާރާތް ނިމުނު ފުރަތަމަ ފަހަރެވެ. 

ހަ ގައުމުން ކުޅޭ މި ފަހަރުގެ ސާފް ޗެމްޕިއަންޝިޕްގައި ރާއްޖެ އޮތީ އިންޑިއާ އާއި ޕާކިސްތާނާ އެއް ގްރޫޕެއްގަ އެވެ. އިންޑިއާ އިން ދެ ވަނަ ފަންތީގެ ޓީމެއް ސާފް ޗެމްޕިއަންޝިޕަށް ފޮނުވާއިރު، ޕާކިސްތާނުން މިއަދު ވަނީ އެ ގައުމުގައި ޕްރެކްޓިސް ފަށައިފަ އެވެ. ރާއްޖޭގެ ފުޓްބޯޅަ އަށް 75 އަހަރު ފުރުން ފާހަގަކުރަން މިދިޔަ ޖޫން މަހު ބޭއްވި ޑައިމަންޑް ޖުބިލީ އިންޓަނޭޝަނަލް މުބާާރާތުގައި ޕާކިސްތާނުން 3-0 އިން ރާއްޖެ ބަލިކުރި އެވެ. މިއީ، 1991 ވަނަ އަހަރަށް ފަހު، ޕާކިސްތާނުން ރާއްޖެ ބަލިކުރި ފުރަތަމަ ފަަހަރެވެ. ޑައިމަންޑް ޖުބިލީ އެ މުބާރާތުގެ ޗެމްޕިއަންކަން ހޯދި ޕާކިސްތާނުން ވަނީ ދާދި ފަހުން ބޭއްވި ފީފާ އާސިއާން ކަޕްގައި ވާދަކޮށް ރަނގަޅު ނަތީޖާތަކެއް ނެރެފަ އެވެ. 

ސާފް ޗެމްޕިއަންޝިޕްގައި ރާއްޖެ ކުޅޭ ފުރަތަމަ މެޗު އޮތީ އަންނަ މަހުގެ އަށް ވަނަ ދުވަހު ޕާކިސްތާނާ ދެކޮޅަށެވެ. އަދި، ދެ ވަނަ މެޗުގައި އަންނަ މަހު 11 ވަނަ ދުވަހު އިންޑިއާއާ ކުޅޭނެ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox