ސައުދީ، ތުރުކީ އަދި ޕާކިސްތާނުގެ ވެރިން އީރާނުގައި ބައްދަލުވުމެއް

Oct 27, 2026, 8:00 AM
ފޮޓޯ: ރޮއިޓާސް

ފޮޓޯ: ރޮއިޓާސް

މެދުއިރުމަތީގައި އުފެދިފައިވާ ހަމަނުޖެހުންތައް ކުޑަކުރުމަށް ބާރުއެޅުމުގެ ގޮތުން، ސައުދީ އަރަބިއްޔާ އާއި ތުރުކީ އަދި ޕާކިސްތާނުގެ އިސް އޮފިޝަލުން ހޯމަ ދުވަހު ތެހެރާންގައި އީރާނުގެ އޮފިޝަލުންނާ ބައްދަލުކުރައްވައިފި އެވެ.

މި ބައްދަލުވުންތައް ބާއްވާފައި މިވަނީ، ޔަމަނުގެ ހޫތީން ސައުދީ އަރަބިއްޔާއަށް އަމާޒުކޮށް އަލުން ހަމަލާތައް ދޭން ފަށާފައިވާ ދަނޑިވަޅެއްގަ އެވެ. އަދި ހަމަ އެއާއެކު، ސައުދީ އަރަބިއްޔާގެ ދިފާއީ ކަންކަމަށް އެހީތެރިކަން ފޯރުކޮށްދިނުމަށް މިސްރުން ވަނީ ނިންމާފަ އެވެ.

މިއީ މިދިޔަ އޯގަސްޓް މަހު މައްކާގައި ސޮއިކުރި "މިއުޗުއަލް ޑިފެންސް ޕެކްޓް" ނުވަތަ ދިފާއީ އެއްބަސްވުމުގައި ބައިވެރިވާ ތިން ގައުމާއި އީރާނާ ދެމެދު ބޭއްވުނު މަތީ ފަންތީގެ ފުރަތަމަ ބައްދަލުވުމެވެ. އެމެރިކާ އާއި އިސްރާއީލުން އީރާނަށް ދިން ހަމަލާތަކާ އެކު ފެށުނު މި ހަނގުރާމަ މިހާރު ވަނީ ސައުދީ އަރަބިއްޔާ އާއި ޔަމަނާ ހަމައަށް ފެތުރިފަ އެވެ.

ސައުދީ ފޮރިން މިނިސްޓްރީން ބުނި ގޮތުގައި، މި ދަތުރުގެ މައިގަނޑު މަގްސަދަކީ އަސްކަރީ ކުރިމަތިލުންތައް އިތުރަށް ވަރުގަދަވިޔަ ނުދިނުމަށްޓަކައި މަޝްވަރާގެ މަގުތައް ހުޅުވާލުމެވެ.

ސައުދީ އަރަބިއްޔާ އާއި އީރާނުގެ އޮފިޝަލުން މައުލޫމާތު ދެއްވި ގޮތުގައި، މި ބައްދަލުވުންތަކުގައި ސައުދީ އަރަބިއްޔާގެ ފަރާތުން ބައިވެރިވެވަޑައިގަތީ ވަލީއަހުދު މުހައްމަދު ބިން ސަލްމާންގެ ކޮއްކޯފުޅު، ދިފާއީ ވަޒީރު ޕްރިންސް ޚާލިދު ބިން ސަލްމާން އެވެ.

ޕާކިސްތާނުގެ ފަރާތުން އަސްކަރިއްޔާގެ ވެރިޔާ ފީލްޑް މާޝަލް އާސިމް މުނީރު ބައިވެރިވެވަޑައިގެންނެވި އިރު، ތުރުކީގެ ފަރާތުން ބައިވެރިވެވަޑައިގަތީ އެ ގައުމުގެ އިންޓެލިޖެންސް އިދާރާގެ ވެރިޔާ އިބްރާހީމް ކަލިން އެވެ.

އީރާނުގެ ރައީސް މަސްއޫދު ޕެޒެޝްކިއާން އާއި ފޮރިން މިނިސްޓަރު އައްބާސް އަރާގްޗީގެ އިތުރުން ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ މުހްސިން ރެޒާއީ މި ބައްދަލުވުންތަކުގައި ބައިވެރިވެވަޑައިގަންނަވާ މަންޒަރު ފެންނަ ފޮޓޯތައް އެ ގައުމުގެ ދައުލަތުގެ މީޑިއާއިން ވަނީ އާންމުކޮށްފަ އެވެ.

ދައުލަތުގެ މީޑިއާއިން ރިޕޯޓްކޮށްފައިވާ ގޮތުގައި، ބައްދަލުވުންތައް ނިންމާލުމަށް ފަހު ހަތަރު ގައުމުން ވަނީ ސަރަހައްދީ ސުލްހަ އާއި ސަލާމަތްތެރިކަން ގާއިމުކުރުމަށްޓަކައި އެއްބާރުލުން އިތުރުކުރުމުގެ ގޮތުން މަޝްވަރާތައް ކުރިއަށް ގެންދިއުމަށް އެއްބަސްވެފަ އެވެ.

މި ހަނގުރާމައިގައި މެދުވެރިއެއްގެ ދައުރު އެންމެ ބޮޑަށް އަދާކުރަމުންދަނީ ޕާކިސްތާނާއި ގަތަރެވެ. ރޮއިޓާސް ނިއުސް އެޖެންސީއަށް މައުލޫމާތު ދިން އޮފިޝަލަކު ބުނި ގޮތުގައި، ގަތަރުގެ މެދުވެރިން އާދިއްތަ ދުވަހު ވަނީ ތެހެރާނަށް ޒިޔާރަތްކޮށްފަ އެވެ.

މީގެ ކުރިން ކުރެވުނު މަސައްކަތްތަކުން މިދިޔަ ޖޫން މަހު ވަގުތީ ސުލްހައިގެ އެއްބަސްވުމަކަށް އާދެވުނު ނަމަވެސް، އީރާނާއި އެމެރިކާއާ ދެމެދު އޮތް ކުރިމަތިލުންތައް ވަނީ ކުޑަ ދުވަސްކޮޅެއްގެ ތެރޭގައި އަލުން ފެށިފަ އެވެ.

މީގެ އިތުރުން، އީރާނަށް ތާއީދުކުރާ ހޫތީންނާއި އެމެރިކާގެ ބައިވެރިއެއް ކަމަށްވާ ސައުދީ އަރަބިއްޔާއާ ދެމެދު ހަމަލާތައް ބަދަލުކުރަން ފެށުމާއެކު، މި ހަނގުރާމައިގެ އާ ކުރިމަތިލުންތަކެއް ވަނީ ފެންމަތިވެފަ އެވެ.

ކޮމެންޓް

ފަހުގެ ޚަބަރު

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

އެޕްސްޓީން އަމިއްލަ އަށް މަރުވީއެއް ނޫން: ފޮރެންސިކް މާހިރު

ޖެފްރީ އެޕްސްޓީންގެ ހަށިގަނޑުން ފެންނަން ހުރި ނިޝާންތަކަށް ބަލާއިރު، އޭނާ މަރުވީ އަމިއްލައަށް ނޫން ކަމަށާއި މީހަކު އޭނާ މަރާލީ ކަމަށް ފޮރެންސިކް މާހިރު ޕްރޮފެސަރު މައިކަލް ފްރީމަން ބުނެފިއެވެ. ނަމަވެސް، އެޕްސްޓީންގެ އޮޓޯޕްސީ ހެދި މެޑިކަލް އެގްޒެމިނަރު އަދިވެސް ވިދާޅުވަނީ އެއީ ދަންޖެހިގެން އަމިއްލައަށް މަރުވުމެއް ކަމަށެވެ. މި އާ ދިރާސާ ކުރިއަށް ގެންގޮސްފައިވަނީ އެޕްސްޓީންގެ ބޭބެ ފޯރުކޮށްދިން މެޑިކަލް ފައިލްތަކާއި ފޮޓޯތަކުގެ އެހީގައެވެ.

މެކްސިކޯގެ އެންމެ ބޮޑު އެއް ޑްރަގު ލޯޑު ފީލިކްސް ގަޔާޑޯ މަރުވެއްޖ

މެކްސިކޯގެ މަސްތުވާތަކެތީގެ ވިޔަފާރި ކޮންޓްރޯލްކުރި "ގުއަޑަލަހާރާ ކާޓެލް" ގެ ބާނީ، މިގޭލް އަންހެލް ފީލިކްސް ގަލާޑޯ އުމުރުން 80 އަހަރުގައި މަރުވެއްޖެއެވެ. "ދަ ގޯޑްފާދާ" ގެ ނަމުން މަޝްހޫރުވި ގަލާޑޯ މަރުވީ، އެމެރިކާގެ ޑީއީއޭ އެޖެންޓަކު މަރާލި މައްސަލައިގައި 40 އަހަރުގެ ޖަލު ހުކުމެއް ތަންފީޒުކުރަމުން ދަނިކޮށް ސިއްހީ ހާލަތު ގޯސްވެގެންނެވެ. އޭނާއަކީ މެކްސިކޯ އާއި ކޮލަމްބިއާގެ ކާޓެލްތައް ގުޅުވައިދީ، އެމެރިކާއަށް މަސްތުވާތަކެތި އެތެރެކުރުމުގެ ނިޒާމު އެންމެ ފުޅާދާއިރާއެއްގައި ހިންގި ނުފޫޒުގަދަ ލީޑަރެވެ.

ޖެންސެން ހުއާން އަނބުރާ މަގާމަށް ގެނައުމަށް ކެމްޕޭނެއް

އެންވީޑިއާގެ ސީއީއޯ ޖެންސަން ހުއާން، އޭނާގެ އަމިއްލަ ދިރިއުޅުމާ ގުޅޭ މައްސަލަތަކެއް ފަޅާއަރައި މަގާމުން އިސްތިއުފާ ދެއްވުމާ ގުޅިގެން، އޭނާ އަނބުރާ މަގާމަށް ގެނައުމަށް ބޮޑު ކެމްޕޭނެއް ވަނީ ފަށާފަ އެވެ. އީލޮން މަސްކް ފަދަ މަޝްހޫރު ޝަޚުސިއްޔަތުންނާއި ގިނަ އަދަދެއްގެ މުވައްޒަފުން ބައިވެރިވާ މި ކެމްޕޭނުގައި ގޮވާލަނީ، މިނިވަން ތަހުގީގެއް ނިމެންދެން އޭނާ މަގާމުގައި ބެހެއްޓުމަށެވެ.

Newsletter

Get the latest news delivered straight to your inbox