ދީންތަކާ ދެކޮޅުވުމާއި ގައްދާރުވުން ކުށަކަށް ހަދާ ބިލު މަޖިލީހުގެ އެޖެންޑާއިން ނަގައިފި

Oct 26, 2026, 9:59 PM
ރައްޔިތުންގެ މަޖިލިސް އިދާރާ: މާދަމާގެ ޖަލްސާގެ އެޖެންޑާއިން ބިލު އުނިކުރި ސަބަބެއް ނޭނގޭ - ފޮޓޯ: އަބްދުﷲ އިޔާން / އަދަދު

ރައްޔިތުންގެ މަޖިލިސް އިދާރާ: މާދަމާގެ ޖަލްސާގެ އެޖެންޑާއިން ބިލު އުނިކުރި ސަބަބެއް ނޭނގޭ - ފޮޓޯ: އަބްދުﷲ އިޔާން / އަދަދު

ގައުމަށް ގައްދާރުވުމާއި އިގްތިސާދަށް ގެއްލުން ދިނުމަކީ ޖިނާއީ ބޮޑެތި ކުށްތަކަކަށް ހަދަން ގާނޫނުލްއުގޫބާތަށް އިސްލާހު ގެނައުމަށް ސަރުކާރުން ހުށަހެޅި ބިލު، ރައްޔިތުންގެ މަޖިލީހުގެ މާދަމާގެ ޖަލްސާގެ އެޖެންޑާއިން ކުއްލި ގޮތަކަށް އުނިކޮށްފި އެވެ.

ރައްޔިތުންގެ މަޖިލީހުގެ އިދާރާއިން މާދަމާގެ ޖަލްސާއަށް ފުރަތަމަ އާންމުކުރި އެޖެންޑާގައި، ސަރުކާރުގެ ފަރާތުން މާފަންނު ދެކުނު ދާއިރާގެ މެންބަރު އަބްދުﷲ ރިފާއު (ބޮޗޭ) ހުށަހެޅުއްވި މި ބިލުގެ ފުރަތަމަ ކިޔުން އިއްވުން އޮތީ ތާވަލުކޮށްފަ އެވެ. ނަމަވެސް އޭގެ ފަހުން ނެރުނު އާ އެޖެންޑާއިން އެ ބިލު ވަނީ އުނިކޮށްފަ އެވެ.

މި ބިލު އެޖެންޑާއިން ނެގި ސަބަބެއް މަޖިލީހުގެ އިދާރާއިން އަދި ހާމައެއް ނުކުރެ އެވެ.

މި ބިލު މަޖިލީހަށް ހުށަހެޅިއިރު، ސަރުކާރުގެ ރަސްމާލެ މަޝްރޫއާ ދެކޮޅަށް އާންމުންނާއި ސިޔާސީ ފަރާތްތަކުން އަންނަނީ ވަރަށް ބޮޑަށް އަޑުއުފުލަމުންނެވެ. ބިލުގައި ހުރި ބައެއް މާއްދާތައް މާނަކުރެވޭ ގޮތުން، އެ މަޝްރޫއާ ދެކޮޅަށް ވާހަކަ ދެއްކުމަކީ ބޮޑު އަދަބެއް ލިބިދާނެ ކަމެކެވެ. .

މި ގޮތުން މި ބިލުގައި އިގުތިސޯދަށް ގެއްލުން ބޮޑު ކަންކަން އަމަލުކުރުން ކުށަކަށް ހެދުމަށް ހިމަނާފައިވެ އެވެ. މިކަން ބަޔާންކޮށްފައި އޮތް މާއްދާގެ ދަށުން، ދައުލަތަށް އާމްދަނީ ލިބޭ މައިގަނޑު ދާއިރާއެއްގެ ހިންގުން ހުއްޓުވާލުމަށް އަމަލެއް ކުރުމަކީ ކުށެކެވެ.

މިއީ ރަސްމާލެ މަޝްރޫއާ ދެކޮޅު ހެދުމާއި، ޓޫރިޒަމް ފަދަ މުހިންމު ސިނާއަތްތަކުގައި ހިންގާ އިހުތިޖާޖުތައް ކުށަކަށް ހެދުމަށް ހުޅުވައިލެވޭ ދޮރެއް ކަމަށް ބެލެވެ އެވެ. މުހިންމު ކަމަށް ބަލާ ކޮންމެ ސިނާއަތެއްގައި އިހުތިޖާޖު ކުރިޔަސް، މި ކުށުގެ މިންގަނޑަށް ފެއްތުމުގެ ބާރު ސަރުކާރަށް ލިބިގެންދެ އެވެ.

ދައުލަތް ނުވަތަ ސަރުކާރު ހިންގުމުގެ އިސް މަގާމެއްގައި ހުރި މީހަކު މިފަދަ އަމަލެއް ކޮށްފިނަމަ، އެއީ ޖިނާޔަތުގެ ދެ ވަނަ ދަރަޖައިގެ ކުށެއް ކަމަށް ބިލުގައި ބުނެ އެވެ. އާންމު މީހުންނަށް އޮތީ ތިން ވަނަ ދަރަޖައިގެ އަދަބެކެވެ.

މިހެންކަމުން މަޖިލިސް މެންބަރުންނާއި ކައުންސިލަރުން ފަދަ އިންތިހާބީ މަގާމުތަކުގައި ތިބޭ ފަރާތްތަކުން މިފަދަ ކަންކަމާ ދެކޮޅަށް އަޑުއުފުލައިފި ނަމަ، އަދަބު އެތައް ގުނައަކަށް ބޮޑުވެ އެވެ. މިއީ ސިޔާސީ ފަރާތްތަކުގެ އަނގަ ބަންދުކުރުމަށް އޮތް ބޮޑު ނުރައްކަލެކެވެ.

މީގެ އިތުރުން ގަތުލުއާންމު ހިންގުމާއި، އެފަދަ ކަމަކަށް ސީދާ ގޮތުގައި އަދި ފާޅުގައި ގޮވާލުމަކީ ޖިނާޔަތުގެ އެއް ވަނަ ދަރަޖައިގެ ކުށެއްގެ ގޮތުގައި ބިލުގައި ހިމަނާފައިވެ އެވެ. އެ މާއްދާ އޮތް ގޮތުން، ޒަޔަނިސްޓުންނާ ދެކޮޅަށް ދިވެހިން ދައްކާ ބައެއް ވާހަކަތައް ވެސް، ވަކި ބަޔަކު ނައްތާލަން ގޮވާލުން ކަމަށް މާނަކޮށް ފިޔަވަޅު އެޅުމުގެ ފުރުސަތު އޮވެ އެވެ.

ދައުލަތަށް ގައްދާރުވުމާއި ދުޝްމަނުންނަށް އެހީތެރިވުން ވެސް ކުށަކަށް ހަދާއިރު، އެފަދަ މީހުންނަށް ދައުލަތުގެ މަގާމުތައް ދުވަހަ ކުވެސް އަދާނުކުރެވޭ ގޮތަށް ވެސް ބިލުގައި ވަނީ ހިމަނައިފަ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox