މޯލްޑިވްސް މީޓިއޮރޮލޮޖިކަލް ސާވިސްއިން މިއަދު ވަނީ ރާއްޖޭގެ ބޮޑު ސަރަހައްދަކަށް މޫސުން ގޯސްވާނެ ކަމަށް ލަފާކޮށް ރީނދޫ ސަމާލު ނެރެފަ އެވެ.
މި ސަމާލު ނެރެފައިވަނީ ކާފު އަތޮޅުން ފެށިގެން ލާމު އަތޮޅާ ހަމައަށް ހިމެނޭ ސަރަހައްދުތަކަށެވެ. މެޓް އޮފީހުން ހާމަކޮށްފައިވާ ގޮތުގައި މި ސަމާލު ދެމިއޮންނާނީ މިއަދު ހަވީރު 5:00 އަކުން ފެށިގެން ރޭގަނޑު 9:00 ޖަހާއިރަށް ކަމަށެވެ.
މި މުއްދަތުގެ ތެރޭގައި މި ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް މޫސުމާ ބެހޭ އިދާރާއިން ލަފާކުރެ އެވެ. އަދި ވިލާގަނޑުގައި ގަޑިއަކު ސާޅީސް ފަސް މޭލަށް ވައިގަދަވާނެ ކަމަށް ވެސް އެ އިދާރާއިން ވަނީ ބުނެފަ ދީފަ އެވެ.
މޫސުމީ ޗާޓުން ދައްކާ ގޮތުގައި ރާއްޖޭގެ މެދުތެރޭގެ އަތޮޅުތަކަށް މިވަގުތު މޫސުން ވަރަށް ބޮޑަށް ގޯސްވެފައިވާއިރު، މީގެ ތެރޭގައި މާލެ ސިޓީ އާއި އއ. އަތޮޅާއި އއ. އަތޮޅާއި އދ. އަތޮޅާއި ފ. އަތޮޅާއި ދ. އަތޮޅާއި މ. އަތޮޅު އަދި ތ. އަތޮޅު ހިމެނެ އެވެ.
މޫސުން ގޯސްވުމުގެ ސަބަބުން ކަނޑުދަތުރުފަތުރު ކުރާ ފަރާތްތަކުން މޫސުމަށް ވަރަށް ބޮޑަށް ސަމާލުވުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފަ އެވެ. ހާއްސަކޮށް ކުދި އުޅަނދުފަހަރުގައި ދަތުރުކުރާ ފަރާތްތަކުން ސަލާމަތީ ކަންކަން ފުރިހަމަކުރުމަށާއި، މޫސުމާ ބެހޭ އެންމެ ފަހުގެ މައުލޫމާތު ހޯދުމަށް ވަނީ އަންގާފަ އެވެ.
