ގައުމީ ކްރިކެޓް ޓީމުގެ ކެޕްޓަން ހާޒިގު 16 އަހަރަށް ފަހު ރިޓަޔާކޮށްފި

Oct 14, 2026, 3:55 PM
ރާއްޖޭގެ ކްރިކެޓް ޓީމުގެ ކެޕްޓަން، ހަސަން ހާޒިގު ރަޝީދު

ރާއްޖޭގެ ކްރިކެޓް ޓީމުގެ ކެޕްޓަން، ހަސަން ހާޒިގު ރަޝީދު

މެލޭޝިއާގައި ކުރިއަށްދިޔަ އައިސީސީ ޓީ20 ކްރިކެޓް ވޯލްޑް ކަޕް ކޮލިފައިންގައި ރާއްޖޭގެ ގައުމީ ޓީމުގެ ކެޕްޓަންކަން ކުރި، ހަސަން ހާޒިގު ރަޝީދު، ގައުމީ ޓީމުން ރިޓަޔާކޮށްފި އެވެ. 

ގައުމީ ޓީމަށް ހާޒިގު ކުޅެދިން ފަހު މެޗަކީ، އައިސީސީ ޓީ20 ކްރިކެޓް ވޯލްޑް ކަޕް ކޮލިފައިންގައި މިއަދު ރާއްޖޭން ސައުދީ އަރަބިއްޔާއާ ދެކޮޅަށް ކުޅުނު މެޗެވެ. ރާއްޖެ ވަނީ މި މެޗުން، 125 ލަނޑުން ބަލިވެފަ އެވެ. އުމުރުން 33 އަހަރުގެ ހާޒިގު ވަނީ މި މެޗަށް ފަހު ރިޓަޔާމަންޓް އިއުލާނުކޮށްފަ އެވެ. 

ކްރިކެޓް ބޯޑް އޮފް މޯލްޑިވްސް (ސީބީއެމް) އިން ބުނީ، ގައުމީ ޓީމުގައި ހާޒިގު އެންމެ ފުރަތަމަ ހިމެނި، ރާއްޖެ ތަމްސީލްކުރިއިރު އުމުރަކީ 16 އަހަރު ކަމަށެވެ. އެއީ ދިގު ކެރިއަރެއް  ބިނާކުރުމަށްޓަކައި އޭނާގެ ފަރާތުން ފެނުނު ތަފާތެއް ކަމަށް ސީބީއެމް އިން ދެކެ އެވެ. ހާޒިގު އަކީ 2010 ވަނަ އަހަރުގެ އޭސީސީ ޗެލެންޖް ޓްރޮފީ ހޯދި ރާއްޖޭގެ ކްރިކެޓް ޓީމުގެ ކުޅުންތެރިއެކެވެ. ޓީމު ލީޑުކުރުމާއި އެހެނިހެން ގޮތްގޮތުން ބެލިޔަސް ކްރިކެޓްގައި ނަމޫނާ ކުޅުންތެރިއެއްގެ ގޮތުގައި ހާޒިގު ފާހަގަވެގެންދެ އެވެ. ހާއްސަ ގޮތެއްގައި ގައުމީ ޓިމުގައި ހިމެނޭ ކޮންމެ ފަހަރަކު، 100 ޕަސެންޓް ޓީމަށްޓަކައި ދެ އެވެ. 

ކްރިކެޓް ބޯޑްގެ ރައީސް، މުހައްމަދު ފައިސަލް ވަނީ ރާއްޖޭގެ ކްރިކެޓަށް ހާޒިގު ކޮށްދީފައިވާ އަގުހުރި ހިދުމަތަށް ޝުކުރު އަދާކޮށްފަ އެވެ. ރާއްޖޭގެ ގައުމީ ކްރިކެޓް ޓީމުގައި އެތައް އަހަރެން ވަންދެން ކުޅުމަކީ ކުޑަ ކަމެއް ނޫން ކަމަށާއި އެއީ ވަރަށް ހިތްވަރާއި ކުޅިވަރުގެ އަހުލާގު ރަނގަޅަށް ދަމަހައްްޓައިގެން ހާސިލްކުރެވޭނެ ކަމެއްގެ ގޮތުގައި ފައިސަލް ފާހަގަކުރެއްވި އެވެ. 

ގައުމީ ޓީމުގެ ކެރިއަރު 16 އަހަރަށް ފަހު ނިންމާލާއިރު، ހާޒިގު ނެތުން ވާނީ ގައުމީ ޓީމަށް އަންނާނެ އުނިކަމެއްގެ ގޮތުގައި، ކްރިކެޓް ބޯޑްގެ ނައިބު ރައީސް، އަހުމަދު އިޝްއާގު ފާހަގަކުރެއްވި އެވެ. އަދި، ސީބީއެލް ސްޕޯޓްސްގެ ކެޕްޓަނެއްގެ ގޮތުގައި ފެނިގެންދާ ހާޒިގު، ޑޮމެސްޓިކް ކްރިކެޓްގައި ދެން ފެނިގެންދާއިރު، އުންމީދަކީ 17 ތަށި ހޯދާފައިވާ އެ ކެރިއަރު އިތުރަށް ފުރިހަމަ ވެގެންދިއުން ކަމަށް ވެސް އިޝްއާގު ވިދާޅުވެފައިވެ އެވެ. 

ހާޒިގުއާ އެކު، ގައުމީ ޓީމަށް ކުޅެފައިވާ، އަހުމަދު ނީޝާމް އާއި އިސްމާއިލް ނިހާދު ވަނީ، ގައުމީ ކްރިކެޓް ޓީމުގައި އޭނާގެ މުހިންމު ދައުރު ފާހަގަކޮށް ޝުކުރުއަދާކޮށްފަ އެވެ. 

މެލޭޝިއާގައި ކުރިއަށްދިޔަ އައިސީސީ ޓީ20 ކްރިކެޓް ވޯލްޑް ކަޕް ކޮލިފައިންގައި ރާއްޖޭން ކުޅުނު ފުރަތަމަ މެޗުގައި، 10 ވިކެޓުން ޗައިނާ އަތުން މޮޅުވި އެވެ. އެކަމަކު، ދެން ކުޅުނު މެޗުތަކުން ކާމިޔާބެއް ލިބިފައިނުވެ އެވެ. ސިންގަޕޫރު އަތުން 33 ލަނޑުން ބަލިވިއިރު، މެލޭޝިއާ އަތުން ބަލިވީ ހަ ވިކެޓުންނެވެ. ހޮންގް ކޮންގާއި ރާއްޖޭން ކުޅެން އޮތް މެޗު ވިއްސާރައާ ހެދި ކުރިއަށް ނުގެންދެވިގެން ނިންމީ "ނޯ ރިޒަލްޓް" މެޗެއްގެ ގޮތުގަ އެވެ. އަދި، ފަހު މެޗުގައި މިއަދު ސައުދީ އަރަބިއްޔާ އަތުން ބަލިވީ އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox