ވިލިމާލެއާ ދިމާ ބޭރުން ލޯންޗަކާއި ދޯންޏެއް ޖެހި އެކްސިޑެންޓެއް ވެއްޖެ އެވެ.
ފުލުހުން ބުނި ގޮތުގައި މި ހާދިސާ ހިނގައިގެން އުޅޭ ކަމުގެ މައުލޫމާތު އެ އިދާރާއަށް ލިބުނީ މިއަދުގެ ހާވިރު 16:50 އެހައިކަށްހާއިރު ކަމަށެވެ.
މި އެކްސިޑެންޓްގައި ލޯންޗުގެ ކެޕްޓަނަށާއި ފަޅުވެރިއަކަށް އަނިޔާ ލިބުނު ނަމަވެސް، އެއްވެސް މީހަކަށް ސީރިއަސް އަނިޔާއެއް ލިބިފައެއް ނުވެ އެވެ.
ފުލުހުން ބުނީ މި އެކްސިޑެންޓާ ގުޅިގެން ދެ އުޅަނދަށް ވެސް އެކިވަރުގެ ގެއްލުންތައް ވެފަައިވާ ކަމަށެވެ. އަދި، މި ހާދިސާ ތަހުގީގު ކުރަމުން އަންނަ ކަމަށް ވެސް ބުންޏެވެ.
މި ފަހުން މި ގޮތަށް ލޯންޗެއްގައި ޖެހުން ދޯންޏެއްގައި ތިބި ބަޔަކު ވަނީ އެ ސަރަހައްދުން ފިލައިގެން ގޮސް، ގިނަ ދުވަސްތަކެއް އެ ދޯނި ފޮރުވައިގެން ގެންގުޅެފަ އެވެ. އެ ދޯނި ހޯދާތާ މަހަކަށް ވުރެ ގިނަ ދުވަސް ފަހުން ފެނުނީ ހުޅުމާލޭ ފަޅުތެރޭގައި އަޅާފައި އޮއްވަ އެވެ.
