އަބުޗާ މިނިވަންކުރުން: ޕެރޯލް ބޯޑުގެ ހަ މެންބަރަކު ވަކިކޮށް, ޕެރޯލްގެ ކަންކަން ހުއްޓުމަކަށް ގެނެސްފި

ހޯމް މިނިސްޓަރު އަލީ އިހުސާން: ޕެރޯލް ބޯޑުން ވަކިކުރި މެންބަރުން ހާމަކުރަން މިނިސްޓަރު ވަނީ ދެކޮޅު ހައްދަވާފައި -- ފޮޓޯ؛ ރައީސް އޮފީސް

ހޯމް މިނިސްޓަރު އަލީ އިހުސާން: ޕެރޯލް ބޯޑުން ވަކިކުރި މެންބަރުން ހާމަކުރަން މިނިސްޓަރު ވަނީ ދެކޮޅު ހައްދަވާފައި -- ފޮޓޯ؛ ރައީސް އޮފީސް

އައްޑޫގައި މަސްތުވާތަކެތީގެ ވިޔަފާރި ފުޅާ ދާއިރާއެއްގައި ކުރާ ކަމަށް ފުލުހުން ތުހުމަތުކުރާ އަބްދުﷲ އިބްރާހިމް (އަބުޗާ) ޝަރުތުތަކާއެކު މިނިވަންކުރަން ޖަލުތަކާއި ޕެރޯލްގެ ގާނޫނުން އުފައްދާފައިވާ ޕެރޯލް ބޯޑުން ނިންމުމުން އެ ބޯޑުގެ ހަ މެންބަރަކު ވަކިކުރަން ރައީސް މުހައްމަދު މުއިއްޒު ނިންމަވައިފި އެވެ. 

ޕެރޯލް ބޯޑުގައި ޖުމްލަ ތިބެނީ އަށް މެންބަރުންނެވެ. އެހެންކަމުން މިވަގުތު ޕެރޯލް ދިނުމުގެ އެއްވެސް ކަމެއް ކުރިއަކަށް ނުދާނެ އެވެ. 

ރައީސް އޮފީހުން ބޭއްވި ނޫސްވެރިންގެ ބައްދަލުވުމުގައި ހޯމް މިނިސްޓަރު އަލީ އިހުސާން ވިދާޅުވީ ޕެރޯލް ބޯޑުން ވަކިކުރަން ނިންމީ އަބުޗާ މިނިވަން ކުރަން ނިންމުން ނިންމި ހަ މެންބަރުން ކަމަށެވެ. އަބުޗާ މިނިވަން ކުރީ ގާނޫނާ ހިލާފަށް ކަމަށް ވެސް އިހްސާން ވިދާޅުވި އެވެ. 

"މިދެންނެވި ކަމުގައި [އަބުޗާ މިނިވަންކުރުމުގައި] އަޅުގަނޑުމެން ބެލިއިރުގައި ދެންމެ މިދެންނެވިހެން އެ މުއްދަތު ބެލުމުގައި އެބައޮތް ޕެރޯލް ބޯޑުން އަޅުގަނޑުމެން ދެކޭގޮތުގައި ގާނުގައި އެކަން ބަލަންޖެހޭ ގޮތަކަށް ނޫން ބެލިފައި ވަނީ. އަދި މިފަދަ ކަންކަމަކީ މުޖުތަމައުއަށާއި ސަރުކާރުގެ ސިޔާސަތާވެސް އެލައިން ނުވާ ކަމަކަށްވާތީވެ، އަޅުގަނޑުމެން ވާނީ ޕެރޯލް ބޯޑުގެ މި ނިންމުން ނިންމެވި ހަ ފަރާތް ޕެރޯލް ބޯޑުން ވަކިކުރަން މިއަދު ރައީސުލްޖުމްހޫރިއްޔާ ވަނީ ނިންމާފައި،" އިހުސާން ވިދާޅުވި އެވެ. 

ނަމަވެސް އިހުސާން ވިދާޅުވީ މިހާތަނަށް ބެލި ބެލުމުން އަބުޗާ ދޫކޮށްލުމުގައި ގަސްދުގައި ކަމެއް ގޯސްކޮށް ކުރުމުގެ އެއްވެސް ނިޔަތެއް ޕެރޯލް ބޯޑުގައި އޮތް ކަމަށް ނުފެންނާތީއާއެކު، ވަކިކުރަން ނިންމި ބޭފުޅުންގެ ނަންތައް ހާމަނުކުރަން ނިންމާފައިވާ ކަމަށެވެ. 

"އަޅުގަނޑުމެން މިހާތަނަށް ބެލި ބެލުމަކުން އަޅުގަނޑުމެންނަކަށް ގަބޫލެއް ނުކުރެވޭ އިންޓެންޝަނަލީ އެއިން އެއްވެސް ފަރާތަކުން ގޯހެއް ހަދާފައި އޮތް ކަމަކަށް އެނގޭތޯ. އެހެންވީމަ އަޅުގަނޑުމެން ގަސްތެއް ނުކުރަން އެބޭފުޅުންގެ ނަންތަކާއި އެ އެއްޗެހި، އެހެންމަވެސް އަޅުގަނޑުމެން ގަބޫލުކުރަނީ މިފަދަ ގާނޫނީ ބައެއް ކަންކަން ބަލަންޖެހޭ ވަރަށް ނުބެލި ކަމަށް ގޮސްފައި އެއޮތީ،" އިހުސާން ވިދާޅުވި އެވެ. 

މީގެއިތުރުން ޕެރޯލްގެ ގާނޫނަކީ 2013 ވަނަ އަހަރު ވުޖޫދަށް އައި ގާނޫނަކަށްވެފައި، އޭގެ ފަހުން މަސްތުވާތަކެއްޗާބެހޭ ގާނޫނުތަކަށާއި އެހެން ގާނޫނުތަކަށް ބޮޑެތި ބަދަލުތަކެއް އައިސްފައިވާތީ ޕެރޯލްގެ ގާނޫނު ވެސް އިސްލާހުކުރަން ނިންމާފައިވާ ކަމަށް އިހުސާން ވިދާޅުވި އެވެ. 

އިހުސާން ވިދާޅުވީ ޕެރޯލް ބޯޑުން އަބުޗާ ދޫކޮށްލުމުގައި ބަލަންޖެހޭ ބައެއް ކަންކަން ބަލާފައި އޮތީ ރަނގަޅަށް ކަމަށް ނުވާތީ އެ ނިންމުން ބަދަލުކުރަން އެންގި ކަމަށެވެ. އެއާއެކު ޕެރޯލް ބޯޑުގެ ނިންމުން ބަދަލުކޮށް އަބުޗާ މިއަދު ހަވީރު 16:48 ގައި ހައްޔަރުކޮށްފައިވާ ކަމަށް މިނިސްޓަރު ވިދާޅުވި އެވެ. 

ދިވެހިރާއްޖެއަށް 98 ކިލޯގެ މަސްތުވާތަކެތި އެތެރެކުރަން އުޅުނު މައްސަލައިގައި 25 އަހަރަށް އަބުޗާ ޖަލަށް ލާން ހުކުމް ކުރީ މިދިޔަ އަހަރުގެ މެއި 19، ގަ އެވެ. އެ މައްސަލައިގައި އޭނާގެ މައްޗަށް ކޮށްފައި ވަނީ 12.5 އަހަރުގެ ތިން ހުކުމެވެ. ޕެރޯލަށް އޭނާ ޝަރުތު ހަމަވީ 6.5 އަހަރު ޖަލުގައި ހޭދަ ކުރި ކަމަށް ބުނެ އެވެ. ނަމަވެސް އެ މުއްދަތު އޭނާ ހަމައެއްނުކުރެ އެވެ. 

ޖަލުތަކާއި ޕެރޯލްގެ ގާނޫނުގެ 125 ވަނަ މާއްދާގައި ބަޔާންކޮށްފައި އޮންނަނީ މަސްތުވާތަކެތި ވިއްކުމާއި ވިޔަފާރިކުރުމާއި އެ ތަކެތި ދިވެހިރާއްޖެއަށް އެތެރެކުރުމުގެ ކުށް ސާބިތުވެފައިވާ މީހަކަށް ޕެރޯލްގެ ފުރުސަތު ލިބޭނީ އެ މީހަކަށް ކޮށްފައިވާ އެންމެ ދިގު ހުކުމުގެ ދެބައިކުޅަ އެއްބައި ތަންފީޒުކޮށް ނިމުމުން ކަމަށެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox