ބަލިވިޔަސް އިންޑިއާގެ ޕްލޭނެއް ފެނުނު ކަމަށް ބުނެ އަންޗެލޮޓީ ތައުރީފުކޮށްފި

Oct 4, 2026, 1:43 PM
ބްރެޒިލްގެ ކޯޗު އަންޗެލޮޓީ އާއި އިންޑިއާގެ ކޯޗު ހާލިދު ޖާމިލް.

ބްރެޒިލްގެ ކޯޗު އަންޗެލޮޓީ އާއި އިންޑިއާގެ ކޯޗު ހާލިދު ޖާމިލް.

ކަލްކަތާ (އޮކްޓޫބަރު 4) - ބައިނަލްއަގުވާމީ އެކުވެރިކަމުގެ މެޗެއްގައި ރޭ ކަލްކަތާގައި ބްރެޒިލް އަތުން 4-0 އިން އިންޑިއާ ބަލިވި ކަމުގައި ވިޔަސް އެ ޓީމުގެ ފަރާތުން މުސްތަގުބަލުގައި ކުރިއަށްދެވިދާނެ ފުޓްބޯޅައިގެ ޕްލޭނެއް ފެނުނު ކަަމަށް ބްރެޒިލްގެ ކޯޗު ކާލޯ އަންޗެލޮޓީ ބުނެފި އެވެ. 

އިންޑިއާ ކޮޅަށް ބްރެޒިލުން ފުރަތަމަ ހާފުގައި ދެ ގޯލުގެ ލީޑެއް ނެގީ އެސްޓެވާއޯ އާއި ޕެޑްރޯ ޖެހި ގޯލުތަކުންނެވެ. ދެ ވަނަ ހާފުގައި ބްރެޒިލްގެ ދެ ލަނޑު ޖެހީ ވެސް ޕެޑްރޯ ލީނޯ އެވެ. މި މެޗުގައި ބްރެޒިލުން ލަނޑު ޖަހާނެ ގިނަ ފުރުސަތުތަކެއް ހޯދި އެެވެ. އަނެއްކޮޅުން، ޒުވާން ގިނަ ކުޅުންތެރިންތަކަކަށް ފުރުސަތު ވެސް ދިނެވެ. 

ބްރެޒިލް ޓީމާ މެދު ގިނަ ކަންތައްތަކެއް ފާހަގަކުރުމަށް ފަހު، އަންޗެލޮޓީ ވަނީ އިންޑިއާއާ ބެހޭގޮތުން ވެސް ވާހަކަ ދައްކައިފަ އެވެ.

އެ ގޮތުން، އިންޑިއާގެ ކޯޗު ހާލިދު ޖާމިލް އެ ޓީމު ގޮވައިގެންކުރަން ބޭނުންވާ މަސައްކަތާއި، އެ ޓީމުގެ ކުޅުން ބިނާކުރަން ބޭނުންވަނީ ކިހިނެއްކަން މި މެޗުގެ އެކި ހިސާބުގައި ފެނިގެންދިޔަ ކަމަށެވެ. 

"ސްކޯ އަށް ބެލުމުގެ އިތުރުން ވެސް މި މެޗަށް ނަޒަރު ހިންގާލަން ޖެހޭ ގިނަ ކަންކަން ހުންނާނެ. އަަހަރެމެންނަށް ވެސް ގިނަ ކަންތައްތަކެއް ދަސްވި، ޔަގީނުން އެކަން އިންޑިއާގެ ކޯޗާއި ޓެކްނިކަލް ސްޓާފުން ވެސް ކުރާނެ. ދެން، އަހަރެން ވަރަށް ސަޕޯޓް ދެން އިންޑިއާ އިން ރަނގަޅު މެޗެއް ކުޅެން މަަސައްކަތްކުރީމަ. އޭގެ ފައިދާ އެ ޓީމަށް ކުރިއަށް އޮތްތަނުގައި ކުރާނެ ކަމަށް ވެސް ދެކެން،" އަންޗެލޮޓީ ބުންޏެވެ. 

ފަންސާސް ހާހަށް ވުރެން ގިނަ ސަޕޯޓަރަުންގެ ކުރިމަތީގައި ދުނިޔޭގެ ވަރުގަދަ ބާރަކާ ދެކޮޅަށް އިންޑިއާ އިން އުންމީދުތަކެއް ހިފައިގެން މަސައްކަަތް ކުރި ކަމަށް ޖާމިލް ވަނީ ބުނެފަ އެވެ. އަދި، ދާދި ފަހުން، ޕެނަމާއާ 1-1 އިން އިންޑިއާ އެއްވަރުވި މެޗުން ލިބުނު ހިތްވަރާ އެކު، ބްރެޒިލް މެޗުގައި ވެސް ރަނގަޅަށް ކުރި ކަންތައްތަކެއް އެބަހުރިކަން ޖާމިލް ފާހަގަކުރި އެެވެ. 

"މި މަސައްކަތް ކުރިއަށްގެންދަން ބޭނުން. އެއީ، ކުރިއަށް ދެވެން އޮތް ގޮތަކީ،" ޖާމިލް ބުންޏެވެ. 

އިންޑިއާ އަށް ދެން އޮތް މެޗަކީ އަންނަ އަންގާރަ ދުވަހު އުރުގުއޭއާ ދެކޮޅަށް ކުޅޭ މެޗެވެ. އެއީ، މި އިންޓަނޭޝަނަލް ބްރޭކުގައި އިންޑިއާގެ ފަހު މެޗެވެ. ދެން، އޮތް ނޮވެމްބަރު އިންޓަނޭޝަނަލް ބްރޭކުގައި އިންޑިއާ އިން ކުޅެނީ ނިއު ޒީލެންޑާ ދެކޮޅަށް އެ ގައުމުގަ އެވެ. އަދި، އިންޑިއާގެ ޓީމެއް ސާފް ޗެމްޕިއަންޝިޕަށް ވެސް ދާނެ އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox