އިންޑިއާ މެޗަކީ ބްރެޒިލަށް ފުރުސަތެއް، ޓެސްޓެއް ނޫން: އަންޗެލޮޓީ

Oct 3, 2026, 6:04 AM
އިންޑިއާގައި ބްރެޒިލުން ކުރިއަށްގެންދިޔަ ޕްރެކްޓިހުގެ ތެރެއިން އަންޗެލޮޓީ

އިންޑިއާގައި ބްރެޒިލުން ކުރިއަށްގެންދިޔަ ޕްރެކްޓިހުގެ ތެރެއިން އަންޗެލޮޓީ

ކަލްކަތާ، އިންޑިއާ (އޮކްޓޫބަރު 3) - ބައިނަލްއަގުވާމީ އެކުވެރިކަމުގެ މެޗެއްގައި ބްރެޒިލުން އިންޑިއާއާ ދެކޮޅަށް ކުޅޭ މެޗަކީ އެ ޓީމުގެ ލެވަލް ދައްކަން ކުރިމަތިލާ ޓެސްޓަކަށް ވުރެން ކުރިއަށްދާން ބޭނުންވާ މިސްރާބުން ދިއުމަށްޓަކައި ލިބިފައި އޮތް ފުރުސަތެއް ކަމަށް ބްރެޒިލްގެ ކޯޗު، ކާލޯ އަންޗެލޮޓީ ބުނެފި އެވެ. 

އާބާދީގެ ގޮތުން ބިލިއަނަކަށް ވުރެން ގިނަ މީހުން ދިރިއުޅުނު ކަމުގައި ވިޔަސް ފީފާ ވޯލްޑް ރޭންކިންގައި އިންޑިއާ އަކީ ދަށް ގައުމެއްގެ ގޮތުގައި އޮންނަ މައިގަނޑު އެއް ސަބަބަކީ އިންޑިއާ އަކީ ފުޓްބޯޅައިގެ ގައުމެއް ކަމަށް ނުވާތީ ކަމަށް މީގެ ކުރިން އަންޗެލޮޓީ ވަނީ ބުނެފަ އެވެ. 

އެކަމަކު، މިރޭ ސޯލްޓް ލޭކް ސްޓޭޑިއަމްގައި އިންޑިއާއާ ދެކޮޅަށް ކުޅޭ މެޗުގެ ކުރިން އިޓަލީ އަށް އުފަން މަޝްހޫރު ކޯޗު، އަންޗެލޮޓީ ބުނީ، ކްރިކެޓްގެ ފޯރި ބޮޑު ސަރަހައްދެއްގެ ގޮތުގައި ދެކުނު އޭޝިއާ އޮތް ކަމުގައި ވިޔަސް މި ސަރަހައްދުގައި ފުޓްބޯޅަ އަށް އޮތް ލޯބި ވެސް ކުޑައެއް ނޫން ކަމަށެވެ. އަދި، ބްރެޒިލަށް ސަޕޯޓްކުރާ ގިނަ އަދަދެއްގެ ބަޔަކު އިންޑިއާގައި ވެސް އެބަތިބި ކަމަށާއި އެހެންކަމުން، ބްރެޒިލްގެ އެންމެ މޮޅު ކުޅުން ބަލާލަން އެންމެން ވެސް ޝައުގުވެރިވާނެ ކަމަށެވެ. 

އިންޑިއާގެ މައްސަލަ އަކީ ފުޓްބޯޅައިގެ ގައުމަކަށް ނުވުން: އަންޗެލޮޓީ

އިންޑިއާގެ އާބާދީ ބޮޑުވި ނަމަވެސް ފުޓްބޯޅައިގައި އެ ގައުމު ފަހަތުގައި އޮތީ ފުޓްބޯޅައިގެ ސަގާފަތެއް ނެތުމުން ކަމަށް ބްރެޒިލްގެ ކޯޗު އަންޗެލޮޓީ ބުނެފި. އޭނާ ފާހަގަކުރި ގޮތުގައި އިންޑިއާގެ ފުޓްބޯޅަ ކުރިއެރުވޭނީ އާ ޖީލުތަކެއް ބިނާކޮށް، ކުޅިވަރަށް ދޭ އަހައްމިއްޔަތުކަން އިތުރުކޮށްގެން

"އެންމެން ވެސް ދައްކާ ވާހަކަ އަކީ 2002 ގެ ފަހުން ބްރެޒިލަށް ވޯލްޑް ކަޕެއް ނުލިބެޔޭ، އެންމެން ވެސް މިހާރު ބްރެޒިލް މިނެކިރަނީ ވޯލްޑް ކަޕްގައި ހާސިލްކުރާ ކަމެއްގެ މައްޗަށް. އެހެންވީމަ، މި ފަަހަރުގެ ވޯލްޑް ކަޕް ދިޔަ ގޮތުން. ދެން، އަހަރެމެން ކުރިއަށްދާންވީ މިސްރާބު ކަނޑައެޅުމަށްޓަކައި މި މެޗަކީ ފުރުސަތެއް،" އަންޗެލޮޓީ ބުންޏެވެ. 

"އެއްގޮތަކަށް ވެސް މިއީ ޕްރެޝަރުތަކެއް ލައިގެން ކަންކަން ސާބިތުކޮށްދޭން އޮތް ޓެސްޓެއް ނޫން،" 

ބްރެޒިލުން ވަނީ މި ފަހަރުގެ އިންޓަނޭޝަނަލް ބްރޭކުގައި އޮސްޓްރޭލިއާއާ ދެކޮޅަށް ދެ މެޗު ކުޅެފަ އެވެ. އެ މެޗުތަކުން 1-1 އިން އެއްވަރުވެ، 4-2 އިން ބްރެޒިލް ވަނީ މޮޅުވެފަ އެވެ. އިންޑިއާ އިން ވަނީ ޕެނަމާއާ 1-1 އިން އެއްވަރުވެފަ އެވެ. މި މެޗުތަކަށް އިޝާރާތްކޮށް، އަންޗެލޮޓީ ވަނީ އިންޑިއާއާ ދެކޮޅަށް ކުޅެން ލިބޭ މެޗުގައި ބްރެޒިލުން ވިސްނާނެ ގިނަ ކަންތައްތަކެއް އެބަހުރި ކަމަށެވެ. 

"އިންޑިއާގެ ކޯޗު (ހާލިދު ޖާމިލް) ވަރަށް ރަނގަޅަށް ޓީމު ރާވާތަން މި ފެންނަނީ. ދެން، އެ މީހުންގެ ވިލިއަމްސް އަކީ ވެސް ނުރައްކާކުރާނެ ކުޅުންތެރިއެއް ގޮތުގައި ފެންނަނީ،" އަންޗެލޮޓީ ބުންޏެވެ. 

ބްރެޒިލްގެ އަންނަން އޮތް ޖީލުގައި މުހިންމު ރޯލެއް ކުޅޭނެ ބައެއް ކުޅުންތެރިން މި މެޗުގައި ފެންނާނެ ކަމަށް އަންޗެލޮޓީ ވަނީ ބުނެފަ އެވެ. 

ބްރެޒިލާއި އިންޑިއާ ކުޅޭ މެޗު ފަށާނީ މިރޭ 7 ޖަހާއިރު އެވެ. 

ކޮމެންޓް

ފަހުގެ ޚަބަރު

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

ޕާކިސްތާނުން ފައިނަލަށް ދިޔައީ ޕްލޭން ކާމިޔާބުކޮށްގެން

ސާފް ޗެމްޕިއަންޝިޕްގެ ސެމީ ފައިނަލުގައި 1-0 އިން ބަންގްލަދޭޝް ބަލިކޮށް، ޕާކިސްތާނުން ފުރަތަމަ ފަހަރަށް މުބާރާތުގެ ފައިނަލަށް ދަތުރުކޮށްފި. ބަންގްލަދޭޝްގެ ކޯޗު ތޯމަސް ޑޫލޭ ބުނިގޮތުގައި ޕާކިސްތާނުން މި މެޗު ކާމިޔާބުކުރީ އެމީހުންގެ ކުޅުން ދިރާސާކޮށް، ވަރަށް ރަނގަޅު ޕްލޭނަކާއެކު ތައްޔާރުވެގެން އައިސްގެން. ފައިނަލުގައި ކުޅޭނީ ޕާކިސްތާނާއި އިންޑިއާ

ބްރެޒިލް ބަލިވި މެޗުގައި އަންޗެލޮޓީ އާއި ރަފީނިއާ އަށް ރަތެއް

ބައިނަލްއަގުވާމީ އެކުވެރިކަމުގެ މެޗެއްގައި 3-2 އިން ޖަޕާން އަތުން ބްރެޒިލް ބަލިވިއިރު، ރެފްރީގެ ނިންމުންތަކާ ހިތްހަމަނުޖެހުން ފާޅުކުރުމުން ބްރެޒިލްގެ ކޯޗު އަންޗެލޮޓީ އާއި ކެޕްޓަން ރަފީނިއާ އަށް ރަތް ކާޑު ދައްކައިފި. ޖަޕާނުން މެޗުގެ ކުރީކޮޅު ދެ ލަނޑުގެ ލީޑެއް ނަގާފައިވަނިކޮށް ވިނީޝިއުސް ދެ ލަނޑު ޖަހައި މެޗު އެއްވަރުކުރި،

ރޮނާލްޑޯ ރިޓަޔާކުރި ފަހުން ޕޯޗުގަލް ކުޅުނު ފުރަތަމަ މެޗުން ބަލި

ކްރިސްޓިއާނޯ ރޮނާލްޑޯ ގައުމީ ޓީމުން ރިޓަޔާކުރި ފަހުން ޕޯޗުގަލް ކުޅުނު ފުރަތަމަ މެޗުގައި، ނޭޝަންސް ލީގުގައި ރޭ ޑެންމާކް އަތުން 4-1 އިން އެ ޓީމު ވަނީ ބަލިވެފައި. ރޮނާލްޑޯގެ ޝަރަފުގައި ހުރިހާ ކުޅުންތެރިން ހަތް ނަމްބަރު ޖޯޒީގައި ކުޅުނު މި މެޗުން ބަލިވި ނަމަވެސް، ޕޯޗުގަލް ވަނީ މުބާރާތުގެ ކުއާޓާ ފައިނަލުން ޖާގަ ހޯދާފައި

ކޮޅުނބު ފުޓްސަލް ކަޕްގައި މި ފަހަރު 16 ޓީމު

ސްރީ ލަންކާގެ ކޮލަމްބޯގައި 16 ޓީމާއެކު "ކޮޅުނބު ފުޓްސަލް ކަޕް" ފަށާފައިވާއިރު، މުބާރާތުގެ ގްރޫޕް ސްޓޭޖުގެ ގިނަ މެޗުތަކެއް ކުޅެ ބައެއް ޓީމުތަކުން މިހާރު ވަނީ ކުއާޓާ ފައިނަލުގެ ޖާގަތައް ކަށަވަރުކޮށްފައި. އެމްއީސީސީން އިންތިޒާމުކުރާ މި މުބާރާތުގެ އެންމެ ފަހުގެ ޗެމްޕިއަން ޖޭޖޭ ސްޕޯޓްސް ކްލަބް ވެސް ވަނީ ކުއާޓާ އިން ޖާގަ ހޯދާފައި

ޕާކިސްތާން ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލަށް

މުބާރާތް ބާއްވާ ބަންގްލަދޭޝް 1-0 އިން ބަލިކޮށް، ޕާކިސްތާނުން ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލުން ޖާގަ ހޯދައިފި. މެޗުގެ ފަހުކޮޅު އަބްދުލް އަރްޝަދު ކާމިޔާބުކުރި ލަނޑާއެކު ފައިނަލަށް ދިޔަ ޕާކިސްތާން، އަންގާރަ ދުވަހު ނުކުންނާނީ އެންމެ ފަހުގެ ޗެމްޕިއަން އިންޑިއާއާ ދެކޮޅަށް.

Newsletter

Get the latest news delivered straight to your inbox