ރާއްޖެއަށް މަސްތުވާތަކެތި އެތެރެކުރުމުގެ ތުހުމަތުގައި ނޭޕާލްގެ ދެ މީހުން ހައްޔަރުކޮށްފި އެވެ.
ހައްޔަރުކޮށްފައިވަނީ އުމުރުން 47 އަހަރުގެ ނިއްކަ ތަމަންގު އާއި 40 އަހަރުގެ އީތުރާނީ ގަލެ އެވެ. އެ ދެ މީހުން ހައްޔަރުކުރީ ރާއްޖެ އައިއިރު ހަށިގަނޑުގައި މަސްތުވާތަކެތި ރައްކާކޮށްފައި ހުރިކަމަށް ތުހުމަތުކުރެވިގެން ކަސްޓަމްސްއިން ޑްރަގު އެންފޯސްމަންޓަށް އެންގުމުންނެވެ.
އެ ދެ މީހުން ބަލައިފާސްކުރިއިރު 142 ބުލެޓް ފެނިފައިވާ ކަމަށް ފުލުހުން ބުނެ އެވެ. އޭގެ ބަރުދަނުގައި ދޮޅު ކިލޯ ހުރި ކަމަށް އެ އިދާރާއިން ބުނެ އެވެ. އެ މީހުން ރާއްޖެއަށް އައީ މި މަހުގެ 25 ވަނަ ދުވަހު އެވެ.
އެ މީހުންގެ ބަންދަށް ކޯޓުން ވަނީ 30 ދުވަސް ޖަހައިދީފަ އެވެ. މި މައްސަލައާ ގުޅިގެން މިހާތަނަށް އިތުރު މީހަކު ހައްޔަރުކޮށްފައި ނުވެ އެވެ.
