ތައިލެންޑުގެ 20 އަހަރުގެ ބޫންސަން އޭޝިއަން ގޭމްސްގެ ރެކޯޑާ އެކު ސްޕްރިންޓް ދެ އިވެންޓުން ރަން މެޑަލް ހޯދައިފި

Sep 27, 2026, 8:31 PM
ތައިލެންޑުގެ ސްޕްރިންޓަރު، ޕުރިޕޯލް ބޫންސޮން: އޭނާ ވަނީ އޭޝިއަން ގޭމްސްގެ 100 މީޓަރާއި 200 މީޓަރުގެ ގޭމްސް ރެކޯޑް މުގުރާލައި، ދެ އިވެންޓުން ރަން މެޑަލް ހޯދައިފައި.

ތައިލެންޑުގެ ސްޕްރިންޓަރު، ޕުރިޕޯލް ބޫންސޮން: އޭނާ ވަނީ އޭޝިއަން ގޭމްސްގެ 100 މީޓަރާއި 200 މީޓަރުގެ ގޭމްސް ރެކޯޑް މުގުރާލައި، ދެ އިވެންޓުން ރަން މެޑަލް ހޯދައިފައި.

ނަގޯޔާ، ޖަޕާން (ސެޕްޓެމްބަރު 27) - ޖަޕާނުގެ އައިޗީ/ނަގޯޔާގައި މިހާރު ކުރިއަށްދާ އޭޝިއަން ގޭމްސްގެ އެތުލެޓިކްސްގައި، ތައިލަންޑުގެ 20 އަހަރުގެ ސްޕްރިންޓަރު، ޕުރިޕޯލް ބޫންސަން، 100 މީޓަރާއި 200 މީޓަރު ދުވުމުން ގޭމްސް ރެކޯޑަކާ އެކު ރަން މެޑަލް ހޯދައިފި އެވެ. 

މިދިޔަ ހުކުރު ދުވަހު ބޫންސަން ވަނީ، 100 މީޓަރުގެ ފައިނަލް ހީޓުގައި، 9.90 ސިކުންތުން ރޭސް ނިންމައި، ގޭމްސް ރެކޯޑަކާ އެކު މި އިވެންޓުން ރަން މެޑަލް ހޯދައިފަ އެވެ. ބޫންސަން ވަނީ ސެމީ ފައިނަލުގައި 9.91 ސިކުންތުން ދުވެ، 2018 ވަނަ އަހަރު ޖަކާޓާގައި ބޭއްވި އޭޝިއަން ގޭމްސްގައި، ޗައިނާގެ ސޫ ބިންގްޓިއާން ހެދި ރެކޯޑް މުގުރާލައިފަ އެެވެ. ސޫ އެ ފަހަރު އިވެންޓު ނިންމީ، 9.92 ސިކުންތުންނެވެ. ފައިނަލް ހީޓުގައި، ބޫންސަން ވަނީ އޭނާ ސެމީ ފައިނަލް ނިންމި ޓައިިމިން އަށް ވުރެ އެއް މިލި ސިކުންތު އަވަސްކޮށް ނިންމައިފަ އެވެ. އޭޝިއާގެ އެންމެ ބާރު ދުވުންތެރިއަކީ، 2021 ވަނަ އަހަރުގެ އޮލިމްޕިކްސްގައި ނިންމި ޓައިމިންއާ އެކު ސޫ އެވެ. އޭނާ ވަނީ އެ ފަހަރު 100 މީޓަރު އިވެންޓުގެ ސެމީ ފައިނަލުގައި، 9.83 ސިކުންތުން ދުވެފަ އެވެ. 

ބޫންސަން ފަހަތުން މި ފަހަރުގެ އޭޝިއަން ގޭމްސްގެ 100 މީޓަރު ފައިނަލުގައި ނިންމީ އޮމާންގެ ދެ ދުވުންތެރިންނެވެ. އެ ގޮތުން ދެ ވަނަ އަށް ދިޔަ އަލީ އަލް ބަލޫޝީ ވަނީ 10.4 ސިކުންތުން ރޭސް ނިންމައިފަ އެވެ. އަދި، ތިން ވަނަ ހޯދި މަލްހަމް އަލް ބަލޫޝީ ވަނީ 10.11 ސިކުންތުން ރޭސް ނިންމައިފަ އެވެ. 

ތައިލެންޑުގެ ސްޕްރިންޓަރު، ޕުރިޕޯލް ބޫންސޮން: އޭނާ ވަނީ އޭޝިއަން ގޭމްސްގެ 100 މީޓަރާއި 200 މީޓަރުގެ ގޭމްސް ރެކޯޑް މުގުރާލައި، ދެ އިވެންޓުން ރަން މެޑަލް ހޯދައިފައި.
ތައިލެންޑުގެ ސްޕްރިންޓަރު، ޕުރިޕޯލް ބޫންސޮން: އޭނާ ވަނީ އޭޝިއަން ގޭމްސްގެ 100 މީޓަރާއި 200 މީޓަރުގެ ގޭމްސް ރެކޯޑް މުގުރާލައި، ދެ އިވެންޓުން ރަން މެޑަލް ހޯދައިފައި.

ސަތޭކަ މީޓަރު ރޭހުން އެއް ވަނަ ހޯދިތާ ދެ ދުވަސް ފަހުން، ބޫންސަން މި ވަނީ، އޭޝިއަން ރެކޯޑަކާއި ގޭމްސް ރެކޯޑު ޓައިމިން އަކާ އެކު، 200 މީޓަރު ރޭހުން ވެސް ރަން މެޑަލް ހޯދައިފަ އެވެ.  ބޫންސަން އެއް ވަނަ ހޯދި ޓައިމިން އަކީ 19.88 ސިކުންތުން ރޭސް ނިންމައިގެންނެވެ. 

ދުއިސައްތަ މީޓަރު އިވެންޓުގެ ސެމީ ފައިނަލުގައި، ބޫންސަން ވަނީ، 20.10 ސިކުންތުން ނިންމައި، ގޭމްސް ރެކޯޑް އާ ކޮށްފަ އެވެ. އަދި، ފައިނަލަށް ނުކުމެ، ސެމީ ފައިނަލަށް ވުރެ 0.22 ސިކުންތު އަވަހަށް ނިންމައި، ބޫންސަން ވަނީ، 19.88 ސިކުންތުގެ ޓައިމިންއަކާ އެކު، ޗައިނާގެ ޒީ ޒެންޔޭ، 2019 ގައި ހެދި އޭޝިއާގެ ރެކޯޑާ ހަމަކޮށްފަ އެވެ.

ބޫންސަން، 200 މީޓަރުގެ އިވެންޓުން ރަން މެޑަލް ހޯދުމަކީ ބައިގަރުނުގެ ތެރޭގައި މި އިވެންޓުން ތައިލެންޑަށް ލިބުނު ތާރީހީ ކާމިޔާބެކެވެ. އެ ގޮތުން، ބޫންސަން އަކީ މިދިޔަ 52 އަހަރު ތެރޭ އޭޝިއަން ގޭމްސްގެ މި އިވެންޓުން ރަން މެޑަލް ހޯދި ތައިލެންޑުގެ ފުރަތަމަ ސްޕްރިންޓަރެވެ. މީގެ ކުރިިން، ތައިލެންޑަށް އެންމެ ފަހުން މި އިވެންޓުން ރަން މެޑަލް ހޯދައިދިނީ 1974 ވަނަ އަހަރުގެ ގޭމްސްގައި، އަނަތު ރަތަނަޕޯލް އެވެ.  

މި ފަހަރުގެ ގޭމްސްގެ 200 މީޓަރު ރޭހުގައި، ބޫންސަންގެ ފަހަތުން ދެ ވަނަ ހޯދި ޗައިނާގެ ޔޯވެން ހުއަންގެ ޓައިމިން އަކީ 20.45 ސިކުންތެވެ. އަދި، ތިން ވަނަ އަށް ދިޔަ ޖަޕާނުގެ މިޒުކޫބޯގެ ޓައިމިން އަކީ، 20.56 ސިކުންތެެވެ. 

ސަތޭކަ މީޓަރު އިވެންޓުގައި އޭޝިއަން ގޭމްސްގައި ވާދަކުރި 38 އެތުލީޓުންގެ  ތެރެއިން ރާއްޖޭގެ އެންމެ ބާރު ދުވުންތެރިޔާ، ހަސަން ސާއިދު، 34 ވަނައިގައި އޮތީ 10.85 ސިކުންތުގެ ޓައިިމިން އަކާ އެކު އެވެ. ދެން ރާއްޖޭން ވާދަކުރި އިބާދުﷲ އާދަމް އޮތީ 36 ވަނައިގައި 11.06 ސިކުންތުގެ ޓައިމިން އަކާ އެކު އެވެ. 

ދުއިސައްތަ މީޓަރު އިވެންޓުގައި، 31 ދުވުންތެރިން ރޭންކު ކުރެވުނުއިރު، ރާއްޖޭގެ އިބްރާހިމް ނާހިލް ނިޒާރު، 28 ވަނައިގައި އޮތީ 22.62 ސިކުންތުގެ ޓައިމިން އަކާ އެކު އެވެ. އަދި، 29 ވަނައިގައި އޮތް ރާއްޖޭގެ ޒުއިޒު މުހައްމަދު ސުއާދުގެ ޓައިިމިން އަކީ، 22.70 ސިކުންތެެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox