އޭޝިއަން ގޭމްސްގެ ސިންގަލްސް އިވެންޓުގައި ރަފާ އަށް މޮޅެއް

Sep 23, 2026, 4:07 PM
އޭޝިއަން ގޭމްސްގެ މެޗެއްގެ ތެރެއިން ރަފާ ޕޮއިންޓެއް ހޯދުމަށް ފަހު އުފާފާޅުކުރަނީ،--- ފޮޓޯ: މޯލްޑިވްސް އޮލިމްޕިކް ކޮމިޓީ މީޑިއާ

އޭޝިއަން ގޭމްސްގެ މެޗެއްގެ ތެރެއިން ރަފާ ޕޮއިންޓެއް ހޯދުމަށް ފަހު އުފާފާޅުކުރަނީ،--- ފޮޓޯ: މޯލްޑިވްސް އޮލިމްޕިކް ކޮމިޓީ މީޑިއާ

ޖަޕާނުގެ އައިޗީ/ނަގޯޔާގައި މިހާރު ކުރިއަށްދާ 20 ވަނަ އޭޝިއަން ގޭމްސްގެ ޓޭބަލް ޓެނިސް އިވެންޓުގައި، ގައުމީ ޓޭބަލް ޓެނިސް ޓީމުގެ އައިޝަތު ރަފާ ނާޒިމް އަންހެން ސިންގަލްސް މެޗަކުން މޮޅެއް ހޯދިއިރު، މިކްސް ޑަބަލްސް އިވެންޓުގެ ގަދަ 16 އަށް ރަފާ އާއި މޫސާ މުންސިފް އަހުމަދުގެ ޕެއާ އިން ވާދަކޮށްފި އެވެ. 

ނަގޯޔާގެ ސްކައި ހޯލް ޓޮޔޯޓާގައި ކުރިއަށްދާ ޓޭބަލް ޓެނިސްގެ އިވެންޓްތަކުގައި މިއަދު ކުޅުނު ސިންގަލްސް އިވެންޓުގައި ރަފާ ވަނީ، ބަނގްލަދޭޝްގެ ނޮވްރިން މާހީ އަތުން 4-2 ސެޓުން މޮޅުވެފަ އެވެ. މި މެޗުގެ ސެޓުތައް ނިމުނީ  09-11، 12-10، 07-11، 11-06، 11-05، 11-09، އިންނެވެ. 

ރަފާ، ދެ ވަނަ ބުރު (ގަދަ 32 ކުޅުންތެރިން ވާދަކުރާ ބުރު)ގެ މެޗުގައި ކުޅޭނީ ތައިލެންޑުގެ އޮރަވާން ޕަރަނަންގްއާ އެވެ. އޭނާ އަކީ ޓީޓީގެ ސިންގަލްސް ގަދަ 100 ތެރޭގައި ހިމެނޭ ކުޅުންތެރިއެކެެވެ. 

ސިންގަލްސް އިވެންޓުގައި، ގައުމީ ސިންގަލްސް ޗެމްޕިއަން، ފާތިމަތު ދީމާ އަލީގެ މައްޗަށް ނޯތު ކޮރެއާގެ ކުމް ޔޮންގް ކިމް ވަނީ ކާމިޔާބު ހޯދައިފަ އެވެ. ކުމް މި މެޗު ކާމިޔާބުކުރީ ސީދާ 4-0 ސެޓުންނެވެ. 

މިކްސް ޑަބްލަސް އިވެންޓުގައި، ރާއްޖޭގެ މުންސިފް އާއި ތަފާގެ ޕެއާ އިން މޮންގޯލިއާގެ ބިލްގޫން އަންކްބަޔަރު އާއި އަންކްމާ ސެރް-އޮޑްގެ ޕެއާ ބަލިކުރީ ފަހަތުން އަރަ އެވެ.  މެޗުގެ ފުރަތަމަ ދެ ސެޓް ބިލްގޫން އާއި އަންކްމާގެ ޕެއާ އިން ކާމިޔާބުކުރީ 07-11 އަދި 05-11 އިންނެވެ. އެކަމަކު، ފަހަތުން އަރައި، މުންސިފާއި ރަފާގެ ޕެއާ އިން ތިން ސެޓު ގެންގޮސްގެން މެޗުން މޮޅުވީ އެވެ. އެ ތިން ސެޓު ވެސް ކާމިޔާބު ކުރީ 11-09 އިންނެވެ. 

މިކްސް ޑަބަލްސް ގަދަ 16 ގައި މުންސިފް އާއި ރަފާގެ ޕެއާ އިން އިންޑިއާގެ ޝާހް މަނޫޝް އާއި ޑިޔާ ޗިޓަލެގެ ޕެއާއާ ކުޅެގެން ވަނީ 3-0 ސެޓުން ބަލިވެފަ އެވެ. ސެޓުތައް ގެންދިޔައީ، 11-0، 11-7 އަދި 11-6 އިންނެވެ. 

ފިރިހެން ޑަބަލްސް އިވެންޓުގައި މުހައްމަދު ޝައްފާން އިސްމާއިލާއި މުންސިފް ޕެއާ ވާދަކުރީ އީރާނުގެ ބެންޔާމީން ފަރަޖީ އާއި އަރްޔަން ޣައްފާރީގެ ޕެއާއާ އެވެ.  މެޗުގެ ފުރަތަމަ ސެޓު، އީރާނުގެ ޕެއާ ބެންޔާމީން އާއި އަރްޔަންގެ ޕެއާ  ކާމިޔާބުކުރީ 05-11 އިންނެވެ. ދެ ވަނަ ސެޓު މުންސިފާއި ޝައްފާން ހޯދީ 11-08 އިންނެވެ. ތިން ވަނަ ސެޓުވެސް ބެންޔާމީން އާއި އަރްޔަންގެ ޕެއާ އިން ކާމިޔާބުކުރީ 05-11 އިންނެވެ. މުންސިފާއި ޝައްފާން ހަތަރު ވަނަ ސެޓު ވެސް ކާމިޔާބުކުރީ 11-08 އިންނެވެ. ނަތީޖާނެރުމަށް ކުޅުނު ފަހު ސެޓު ވެސް ވަރަށް ވާދަވެރި ކުޅުމަކަށްފަހު ބެންޔާމީން އާއި އަރްޔަންގެ ޕެއާ 08-11 އިން ގެންގޮސް މެޗުން މޮޅުވި އެވެ. 

މިކްސް ޑަބަލްސްގައި ޝައްފާން އާއި ދީމާގެ ޕެއާ އަތުން، އިންޑިއާގެ ހަރްމީތު ދެސާއީ އާއި ޔަޝަސްވިނީ ގޮރްޕަޑޭގެ ޕެއާ ވަނީ މޮޅުވެފަ އެވެ. އެއީ، 3-2 ސެޓުންނެވެ.  މެޗުގެ ފުރަތަމަ ސެޓު ޝައްފާނާއި ދީމާ ކާމިޔާބުކުރީ 11-09 އިންނެވެ. ނަމަވެސް ދެ ވަނަ ސެޓާއި ތިން ވަނަ ސެޓު ޔަޝަޝްވީ އާއި ހަރްމީތުގެ ޕެއާ ކާމިޔާބުކުރީ 06-11 އަދި 07-11 އިންނެވެ. ހަތަރު ވަނަ ސެޓުވެސް ޝައްފާނާއި ދީމާ ކާމިޔާބުކުރީ 11-09 އިންނެވެ.  ނަތީޖާނެރުމަށް ކުޅުނު ފަހު ސެޓު ވާދަވެރި ކުޅުމަކަށް ފަހު ޔަޝަޝްވީ އާއި ހަރްމީތުގެ ޕެއާ އިން ކާމިޔާބުކުރީ 06-11 އިންނެވެ. ޔަޝަސްވިނީ އަކީ މި އަހަރު ސްކޮޓްލެންޑުގައި ބޭއްވި، ކޮމަންވެލްތު ޓީޓީ އިވެންޓުން ޗެމްޕިއަންކަން ހޯދި ކުޅުންތެރިޔާ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox