ލޫތުގެ ރެކޯޑާ އެކު، ސްވިމިން ޓީމުން އޭޝިއަން ގޭމްސްގައި ތިން ގައުމީ ރެކޯޑް

Sep 26, 2026, 8:39 AM
އޭޝިއަން ގޭމްސްގެ އިވެންޓްގެ ތެރެއިން ލޫތު: އޭނާ ވެސް ވަނީ އަމިއްލަ އަތުގައި ކުރިން ވެސް އޮތް ގައުމީ ރެކޯޑެއް އާ ކޮށްފައި.--- ފޮޓޯ: މޯލްޑިވްސް އޮލިމްޕިކް ކޮމިޓީ

އޭޝިއަން ގޭމްސްގެ އިވެންޓްގެ ތެރެއިން ލޫތު: އޭނާ ވެސް ވަނީ އަމިއްލަ އަތުގައި ކުރިން ވެސް އޮތް ގައުމީ ރެކޯޑެއް އާ ކޮށްފައި.--- ފޮޓޯ: މޯލްޑިވްސް އޮލިމްޕިކް ކޮމިޓީ

ޖަޕާނުގެ އައިޗީ/ނަގޯޔާގައި މިހާރު ކުރިއަށްދާ 20 ވަނަ އޭޝިއަން ގޭމްސްގެ ސްވިމިން އިވެންޓުގައި، ލޫތު މުހައްމަދު ހުސެއިން، ފިރިހެނުންގެ 50 މީޓަރު ބްރެސްޓް ސްޓްރޯކުން ގައުމީ ރެކޯޑް އާ ކޮށްފި އެވެ. 

އައިޗީ/ނަގޯޔާ އަކީ އޭޝިއަން ގޭމްސްގެ މައި ދެ ހޯސްޓުން ކަމުގައި ވިޔަސް، ސްވިމިން އިވެންޓްތައް ކުރިއަށްދަނީ، ޖަޕާނުގެ ވެރި ރަށް ޓޯކިޔޯގަ އެވެ. 

ޓޯކިޔޯ އެކުއަޓިކް ސެންޓަރުގައި އިއްޔެ ކުރިއަށްދިޔަ ފިރިހެނުންގެ 50 މީޓަރު ބްރެސްޓް ސްޓްރޯކު އިވެންޓުގައި ލޫތު ރޭސް ނިންމީ 30.98 ސިކުންތުންނެވެ. ޖުމްލަ އެކު، 10 ފެތުންތެރިން ފެތި މި ހީޓު ލޫތު ނިންމީ 7 ވަނައިގަ އެވެ.

މި އިވެންޓުގެ ގައުމީ ރެކޯޑު އެންމެ ފަހުން ވެސް އާ ކުރީ މި ފަހުން ބައިނަލްއަގުވާމީ ގިނަ މުބާރާތެއްގައި ވާދަކޮށްފައިވާ ލޫތު އެވެ..

އެ ގޮތުން، ލޫތު އެންމެ ފަހުން، މި އިވެންޓުގެ ގައުމީ ރެކޯޑް އާ ކުރީ، މި އަހަރު ސްކޮޓްލެންޑްގެ ގްލާސްގޯގައި ކުރިއަށްދިޔަ 23 ވަނަ ކޮމަންވެލްތު ގޭމްސްގަ އެވެ. އެ ގޭމްސްގެ މި އިވެންޓުގައި ލޫތުގެ ޓައިމިން އަކީ 31.54 އެވެ.

އޭޝިއަން ގޭމްސްގައި ލޫތުގެ އިތުރުން، ދެން ވާދަކުރި ގައުމީ ސްވިމިން ޓީމުގެ އެތުލީޓުންނަކީ، މެރާލް އައިން ލަތީފް، މުހައްމަދު ރިހާން ޝިހާމް އަދި މަލައިކާ ލިންޑާ އިމްރާން އެވެ. ރާއްޖޭގެ ފެތުންތެރިންގެ އިވެންޓްތައް ނިމިފައިވާއިރު، މި ޓީމުން ވަނީ ޖުމްލަ އެކު، ތިން ގައުމީ ރެކޯޑެއް މި ފަހަރުގެ އޭޝިއަން ގޭމްސްގައި އާ ކޮށްފަ އެވެ. 

މެރާލް އާ ކޮށްފައިވަނީ، ރާއްޖޭގެ އަންހެނުންގެ ލޯންގް ކޯސް 100 މީޓަރު ބްރެސްޓް ސްޓްރޯކް އިވެންޓުގެ ގައުމީ ރެކޯޑް އެވެ.  މެރާލް، މި ރެކޯޑް އާކޮށްފައިވަނީ، އޭޝިއަން ގޭމްސްގެ އަންހެނުންގެ ލޯންގް ކޯސް 100 މީޓަރު ބްރެސްޓް ސްޓްރޯކް އިވެންޓު، 01:22.06 އިން ފުރިހަމަ ކޮށްގެންނެވެ.

މި އިވެންޓުގެ ގައުމީ ރެކޯޑް އެންމެ ފަހުން އާކޮށްފައިވަނީ 2025 ވަނަ އަހަރު ހަންގޭރީގައި ބޭއްވުނު އެ ގައުމުގެ 127 ވަނަ ނޭޝަނަލް ޗެމްޕިއަންޝިޕްސްގައި ހަމްނާ އަހުމަދު އެވެ. ސްކޮލަޝިޕެއްގައި ހަންގޭރީގައި ތަމްރީނު ވަމުން އަންނަ ހަމްނާ މި އިވެންޓްގެ ގައުމީ ރެކޯޑް އާ ކުރީ، 01:23.38 އިން ރޭސް ފުރިހަމަ ކޮށްގެންނެވެ.

މި ފަހަރުގެ އޭޝިއަން ގޭމްސްގައި ރާއްޖޭން އާ ކުރި ފުރަތަމަ ގައުމީ ރެކޯޑަކީ،  ފިރިހެނުންގެ ލޯންގް ކޯސް 400 މީޓަރު އިންޑިވިޖުއަލް މެޑްލޭ އިވެންޓުގައި ރިހާން އާ ކުރި ރެކޯޑެވެ.

ގައުމީ ގިނަ ރެކޯޑްތަކެއް މީގެ ކުރިން ވެސް އާ ކޮށްފައިވާ ރިހާން އަކީ ވެސް ސްކޮލަޝިޕެއްގައި ތަމްރީން ވަމުން އަންނަ އެތުލީޓެކެެވެ. އޭނާ މި ފަހަރުގެ އޭޝިއަން ގޭމްސްގެ ފިރިހެނުންގެ ލޯންގް ކޯސް 400 މީޓަރު އިންޑިވިޖުއަލް މެޑްލޭ އިވެންޓުގެ ގައުމީ ރެކޯޑް އާކޮށްފައިވަނީ އޭޝިއަން ގޭމްސްގެ މި އިވެންޓް، 05.06.92 އިން ފުރިހަމަކޮށްގެންނެވެ. މި ރެކޯޑް އެންމެފަހުން ވެސް އާކޮށްފައިވަނީ ރިހާން އެވެ. އެއީ، ސްކޮޓްލަންޑްގެ ގްލާސްގޯގައި ދާދި ފަހުން ކުރިއަށްދިޔަ 23 ވަނަ ކޮމަންވެލްތް ގޭމްސްގައި 05.09.68 އިން އިވެންޓު ފުރިހަމަ ކޮށްގެންނެވެ.

އޭޝިއަން ގޭމްސްގައި، ރާއްޖޭން ހަތް ކުޅިވަރަކުން ވާދަކުރާއިރު، ގޭމްސްގައި ހަރަކާތްތެރިވާ ރާއްޖޭގެ ކޮންޓިންޖެންޓްގެ ޖުމްލަ އަދަދަކީ، 81 އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox