މީދަލުގެ ސިކުނޑީގެ ތެރޭގައި އިންސާނުންގެ ސިކުނޑީގެ ސެލްތައް އަށަގަންނުވައިފި

Sep 17, 2026, 11:52 AM
ފޮޓޯ: ރޮއިޓާސް

ފޮޓޯ: ރޮއިޓާސް

އެމެރިކާގެ ނިއުރޯސައިންޓިސްޓުން މީދަލުގެ ސިކުނޑީގެ ތެރޭގައި އިންސާނުންގެ ސިކުނޑީގެ ސެލްތައް މަސައްކަތްކުރާ ގޮތަށް އަށަގަންނުވައި، ކާމިޔާބު ތަހުލީލެއް ކޮށްފި އެވެ.

ދިރާސާކުރާ ފަރާތްތަކުން އުންމީދު ކުރަނީ، ހަމައެކަނި އިންސާނުންނަށް މެދުވެރިވާ ނަފްސާނީ އަދި ސިކުނޑީގެ ކުރިއެރުމާ ގުޅުންހުރި ބަލިތަކަށް ހޯދޭ ފަރުވާތައް، މި ތަހުލީލީ މީދާތައް ބޭނުންކޮށްގެން ދެން ޓެސްޓު ކުރެވޭނެ ކަމަށެވެ.

އިންސާނުންގެ ސިކުނޑީގެ ބައެއް ހިމެނޭ މީދާތައް އުފެއްދުމަކީ ބިރުވެރި ނުވަތަ އާދަޔާ ހިލާފު ކަމެއްގެ ގޮތުގައި ސިފަވި ނަމަވެސް، މިއީ "އިންސާނުން ފަދައިން ވިސްނާ" މީދާތަކެއް ނޫން ކަމަށް ސައިންސްވެރިން ބުނެ އެވެ.

މި މީދާތަކަކީ ޖެނެޓިކް އިންޖިނިއަރިން ބޭނުންކޮށްގެންނާއި ސާޖަރީ ހަދައިގެން، އޭގެ ސިކުނޑީގެ ބައެއް ޓިޝޫތަކަކީ އިންސާނީ ޓިޝޫތަކަށް ވާނެހެން ބަދަލު ގެނެސްފައިވާ މީދާތަކެކެވެ.

"ނޭޗާ" ޖާނަލްގައި ޝާއިޢުކޮށްފައިވާ މި ދިރާސާއާ ގުޅޭގޮތުން ސައިންސްވެރިން ބުނީ، މި މަސައްކަތް ކުރިއަށް ގެންގޮސްފައިވަނީ މިނިވަން ފަރާތްތަކުން އެތިކްސް މިންގަނޑުތައް ބަލައި ފާސްކުރުމަށްފަހު ކަމަށެވެ.

އެތިކްސްއާ ގުޅޭ ގިނަ ސުވާލުތަކެއް އުފެދޭ މި ހޯދުމުގެ މައިގަނޑު ބޭނުމަކީ، މިހާތަނަށް އެދެވޭ ފަރުވާއެއް ހޯދިފައިނުވާ ސިކުނޑީގެ ބަލިތަކުގެ ބަޔޮލޮޖީ ނުވަތަ އެ ބަލިތައް އުފެދި ކުރިއަރާ ގޮތް މިހާރަށްވުރެ ބޮޑަށް ދެނެގަތުމެވެ.

ސިކުނޑީގެ ބައެއް ބަލިތަކަކީ އާދައިގެ މީދަލުގެ ހަށިގަނޑުގައި އުފެދޭ ބަލިތަކަކަށް ނުވާތީ، އެފަދަ ބަލިތައް މީދާ ބޭނުންކޮށްގެން ދިރާސާކުރުމަކީ މީގެ ކުރިން ކުރެވޭ ކަމެއް ނޫނެވެ.

ސްޓެންފޯޑް ޔުނިވާސިޓީގެ އިސް ދިރާސާވެރިޔާ ޕްރޮފެސަރު ސާޖިއު ޕަސްކާ ނޫސްވެރިންގެ ބައްދަލުވުމެއްގައި ވިދާޅުވި ގޮތުގައި، ނަފްސާނީ ބަލިތަކަށް ފަރުވާ ހޯދުމަށް ކުރާ ކްލިނިކަލް ޓްރަޔަލްތަކަކީ ކާމިޔާބީގެ ނިސްބަތް އެންމެ ދަށް ދާއިރާ އެވެ.

"ޖަނަވާރުން ބޭނުންކޮށްގެން ކުރާ ތަހުލީލުތަކުގައި ވަރަށް ރަނގަޅަށް މަސައްކަތްކުރާ ކަމަށް ފެންނަ ބޭސްތައް ވެސް، ކްލިނިކަލް ޓްރަޔަލްތަކާ ހަމައަށް ދާއިރު ބޮޑުތަނުން ފެއިލްވޭ،" އޭނާ ވިދާޅުވި އެވެ. "މީގެން އެނގެނީ އިންސާނާގެ ބަޔޮލޮޖީއާ ގުޅޭ ވަރަށް ގިނަ މައުލޫމާތު އަދިވެސް އަޅުގަނޑުމެންނަށް ނޭނގޭކަން. އެ މައުލޫމާތު ދެނެގަތުމަކީ ކޮންމެހެން ބޭނުންތެރި ކަމެއް."

ސްޓެންފޯޑްގެ ދިރާސާވެރިން ބުނާ ގޮތުގައި، ފިޓުޖެހުމާއި (އެޕިލެޕްސީ)، އޯޓިޒަމް އަދި ސެރެބްރަލް ޕަލްސީ ފަދަ އުނދަގޫ ބަލިތަކަށް ފަރުވާ ހޯދުމުގައި މި އާ ހޯދުމުގެ ސަބަބުން ބޮޑު ބަދަލެއް އައުމުގެ ފުރުސަތު އެބައޮތެވެ.

ޕަސްކާ ވިދާޅުވީ، "މިއީ މީގެ ކުރިން ދުވަހަކުވެސް ކުރެވިފައި ނުވާ މިންވަރަށް، އިންސާނާގެ ސިކުނޑީގެ މަސައްކަތްތައް ދެނެގަތުމަށް މަގުފަހިކޮށްދޭ އާ މޮޑެލްއެއް" ކަމަށެވެ.

މައުލޫމާތު: ބީބީސީ

ކޮމެންޓް

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox