އެއް ފަހަރާ ދެ އެވޯޑް ކާމިޔާބުކޮށް ވޭލްސްގެ އެކްޓަރު މެތިއު ރީސް ތާރީހުން ޖާގަ ހޯދައިފި

Sep 15, 2026, 12:06 PM
މެތިއު ރީސް

މެތިއު ރީސް

ވޭލްސްގެ އެކްޓަރު މެތިއު ރީސް، އެއް ރެއެއްގެ ތެރޭގައި އެންމެ މޮޅު އެކްޓަރުގެ ދެ އެވޯޑު ކާމިޔާބުކުރި ފުރަތަމަ ފަންނާނުގެ ޝަރަފާއެކު އެމީ އެވޯޑްސްގެ ތާރީޚުން ޖާގަ ހޯދައިފި އެވެ.

އެމެރިކާގެ އެންމެ ޝަރަފުވެރި ޓީވީ އެވޯޑް ހަފުލާގައި ރީސްއަށް މި ކާމިޔާބީ ލިބުނީ، ސުޕަނެޗުރަލް ކޮމެޑީ ސީރީޒް "ވިޑޯސް ބޭ" އާއި ސައިކޮލޮޖިކަލް ތުރިލާ "ދަ ބީސްޓް އިން މީ" ގައި އޭނާ ދައްކުވައިދިން މޮޅު ހުނަރަށެވެ.

އެވޯޑާ ހަވާލުވުމަށްފަހު ސްޓޭޖުގައި ވާހަކަދައްކަމުން ރީސް ވަނީ އޭނާގެ ދެވަނަ އެވޯޑު ވޭލްސްގެ ރައްޔިތުންނަށް ހަދިޔާކޮށް ފައެވެ. އޭނާ ބުނި ގޮތުގައި އޭނާގެ ކުރިއެރުމުގައި އެ ގައުމުގެ ރައްޔިތުންގެ ހިއްސާ ވަރަށް ބޮޑެވެ.

"އަހަރެމެންނަކީ ކުޑަ ނަމަވެސް ވަރުގަދަ ގައުމެއް. މިއީ ގަބޫލުކުރަންވެސް ދަތި އުފާވެރި ވަގުތެއް،" ވޭލްސް ބަހުން "ވަރަށް ބޮޑަށް ޝުކުރިއްޔާ" އޭ ބުނަމުން ރީސް ބުންޏެވެ.

އެމެރިކާގެ ޓީވީ ދާއިރާގެ އެންމެ ބޮޑު އެވޯޑު ކާމިޔާބުކުރި އެހެން ފަންނާނުންގެ ތެރޭގައި ޖީން ސްމާޓް، އެލިސަން ޖެނީ އަދި ސްޓީވަން ކޯލްބާޓް ހިމެނެ އެވެ. މީގެ އިތުރުން، މި ހަފުލާގައި ޑޮލީ ޕާޓަންއަށް ޚާއްސަ އިހުތިރާމެއް އަދާކޮށްފައިވާއިރު، މައިކަލް ޖޭ ފޮކްސްއަށް ވަނީ އިންސާނީ ޚިދުމަތުގެ ޚާއްސަ އެވޯޑެއް އަރުވާފަ އެވެ.

ރީސްއަށް ފުރަތަމަ ލިބުނީ "ދަ ބީސްޓް އިން މީ" އިން ލިމިޓެޑް ސީރީޒް ކެޓަގަރީގެ އެންމެ މޮޅު އެކްޓަރުގެ އެވޯޑެވެ. އޭގެ ފަހުން އޭނާ ވަނީ "ވިޑޯސް ބޭ" އިން ކޮމެޑީ ސީރީޒްގެ އެންމެ މޮޅު އެކްޓަރުގެ އެވޯޑު ވެސް ކާމިޔާބުކޮށްފަ އެވެ.

މީގެ ކުރިން އެލަން އެލްޑާ، ސެލީ ފީލްޑް، ޖޯން ގުޑްމަން، އެލިޒަބަތު މޮސް އަދި ޓެޑް ޑެންސަން ފަދަ މަދު އެކްޓަރުންތަކެއް އެއް އަހަރެއްގައި ދެ ކެޓަގަރީއަކުން އެންމެ މޮޅު އެކްޓަރުގެ ނޮމިނޭޝަން ހޯދާފައިވީ ނަމަވެސް، އެއް ރެއެއްގެ ތެރޭގައި މި ދެ އެވޯޑު ކާމިޔާބުކުރި ފުރަތަމަ އެކްޓަރަކީ ރީސް އެވެ.

ބެކްސްޓޭޖުގައި ވާހަކަދައްކަމުން އޭނާ ބުނީ، އޭނާއަކީ ކުޑަ ގައުމަކަށް ނިސްބަތްވާ މީހެއް ކަމަށާއި، ދުނިޔޭގެ ޗާޓުގައި އެ ގައުމުގެ ދިދަ ޖަހާލައި، އެ ގައުމުގެ ގާބިލުކަން ދައްކާލަން ލިބޭ މިފަދަ ފުރުސަތުތަކާ މެދު އުފާކުރާ ކަމަށެވެ.

"ދަ ބީސްޓް އިން މީ" އަކީ ހިތާމަވެރި ހާދިސާއެއް ތަހައްމަލުކުރާ ލިޔުންތެރިއަކު، މީހަކު މަރާލި ކަމަށް ތުހުމަތުކުރެވޭ އާ އަވަށްޓެރިއެއްގެ ފަހަތުން އުޅޭ ގޮތް ދައްކުވައިދޭ ސީރީޒެކެވެ.

މި އެވޯޑު ލިބުމަކީ ބޮޑު ސިހުމެއް ކަމަށް ބުނަމުން ރީސް ވަނީ، އެ ސީރީޒްގެ މަސައްކަތުގައި ބައިވެރިވުމުގެ ފުރުސަތު ދިނީތީ ޝުކުރު އަދާކޮށްފަ އެވެ. އަދި އޭނާއާއެކު މަސައްކަތްކުރި ފަންނާނުންގެ ހުނަރުވެރިކަންވެސް އޭނާ ފާހަގަކުރި އެވެ.

އޭގެ ފަހުން، "ވިޑޯސް ބޭ" ގައި މޭޔަރުގެ ރޯލުން ކޮމެޑީ އެކްޓަރުގެ އެވޯޑާ ހަވާލުވަމުން ރީސް ވަނީ އޭނާގެ އާއިލާއާއި ރަހުމަތްތެރިންނާއި މަސައްކަތުގެ ބައިވެރިންނަށް ޝުކުރު އަދާކޮށްފަ އެވެ. ޚާއްސަކޮށް، ވަރަށް ކުޑައިރު އޭނާ އެކްޓިންގެ ދާއިރާއަށް ނެރެދިން އޭނާގެ މައިންބަފައިންގެ ނަން އޭނާ ފާހަގަކުރި އެވެ.

"ވިޑޯސް ބޭ" ގައި ރީސްއާއެކު މަސައްކަތްކުރި ކޭޓް އޯފްލިންވެސް ވަނީ މި ހަފުލާގައި ކާމިޔާބީ ހޯދާފަ އެވެ. ޚިޔާލީ ރަށެއްގެ ވާހަކަ ކިޔައިދޭ މި ސީރީޒްގައި ޕެޓްރީޝިއާގެ ރޯލު ކުޅެގެން އޭނާ ވަނީ ކޮމެޑީ ސީރީޒްގެ އެންމެ މޮޅު ސަޕޯޓިން އެކްޓްރެސްގެ އެވޯޑު ހޯދާފަ އެވެ.

އެންމެ ޝަރަފުވެރި އެވޯޑު ކަމަށްވާ އެންމެ މޮޅު ޑްރާމާ ސީރީޒްގެ އެވޯޑު ހޯދީ "ދަ ޕިޓް" އެވެ.

އަދި އެ ސީރީޒްގެ ބަތަލު ނޯއާ ވައިލީ ވަނީ ޖެހިޖެހިގެން ދެވަނަ އަހަރު ޑްރާމާ ސީރީޒްގެ އެންމެ މޮޅު އެކްޓަރުގެ އެވޯޑު ކާމިޔާބުކޮށްފަ އެވެ.

އެހެން އެވޯޑްތަކަށް ބަލާއިރު، ސްކޮޓްލޭންޑްގެ ޓީވީ ޕްރެޒެންޓަރު އެލަން ކަމިން ވަނީ "ދަ ޓްރެއިޓާސް" ގެ އެމެރިކާ އެޑިޝަނަށް އެންމެ މޮޅު ރިއަލިޓީ ޝޯގެ އެވޯޑާ ހަވާލުވެފަ އެވެ. 

މެއި މަހު "ދަ ލޭޓް ޝޯ" ގެ ފަހު އެޕިސޯޑް ހުށަހަޅައިދިން ސްޓީވަން ކޯލްބާޓް ވަނީ އެންމެ މޮޅު ވެރައިޓީ ސީރީޒްގެ އެވޯޑް ހާސިލުކޮށްފަ އެވެ.

ކޮމެންޓް

ފަހުގެ ޚަބަރު

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

Newsletter

Get the latest news delivered straight to your inbox