މާލޭގެ މަސްޖިދުލް ފުރްޤާންއަށް ވަދެ، މިސްކިތުގެ ހުރުމަތް ކެނޑޭ ފަދަ އާންމު އިޖުތިމާއީ މިންގަނޑުތަކާ ހިލާފު އަމަލުތަކެއް ހިންގި މީހަކު ފުލުހުން ހައްޔަރުކޮށްފި އެވެ.
މި މައްސަލައާ ގުޅިގެން ހައްޔަރުކޮށްފައިވަނީ، ގ. މާލެހިޔާ 2 02-13، ނައުޝާދު މޫސާ، 32، އެވެ.
ފުލުހުން މިރޭ ބުނިގޮތުގައި، ސެޕްޓެންބަރު 10 ވަނަ ދުވަހުގެ ފަތިހު 4:14 ހާއިރު މިސްކިތަށް ވަދެ، މިސްކިތުގައި ނިދައި، ވުޟޫކުރާ ބަޔަށް ބޮޑުކަމުދިއުމުގެ ތުހުމަތު އޭނާގެ މައްޗަށް ކުރެވެ އެވެ.
Advertisement
"މީގެ އިތުރުން ވެސް މުޑުދާރު އަމަލުތައް މިސްކިތުގެ ތެރޭގައި ހިންގާފައި އެބަ ހުރި،" އެ މައުލޫމާތު އެނގޭ މީހަކު ބުންޏެވެ.
އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، 15 ދުވަހަށް ބަންދު ކުރުމަށް ވަނީ އަމުރުކޮށްފަ އެވެ. ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.
