ޓައިގާ ވުޑްސްގެ ލައިސަންސް ފަސް އަހަރަށް ސަސްޕެންޑްކޮށްފި

Sep 3, 2026, 7:00 AM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

އެމެރިކާގެ ފްލޮރިޑާގައި ހިނގި ކާރު އެކްސިޑެންޓަކާ ގުޅިގެން، މަސްތުގެ ހާލަތުގައި އިނދެ އުޅަނދު ދުއްވި ކަމަށް ކުރި ދައުވާ ލުއިކޮށްދިނުމަށް ޕްރޮސެކިއުޓަރުންނާއެކު އެއްބަސްވުމަކަށް އަންނަން މަޝްހޫރު ގޯލްފް ކުޅުންތެރިޔާ ޓައިގާ ވުޑްސް ނިންމައިފި އެވެ.

ފްލޮރިޑާގެ މާޓިން ކައުންޓީގެ ޕްރޮސެކިއުޓަރުންނާއެކު ވުޑްސް ވެފައިވާ އިއުތިރާފުގެ އެއްބަސްވުމުގެ ދަށުން، އޭނާގެ ލައިސަންސް ފަސް އަހަރު ދުވަހަށް ސަސްޕެންޑް ކުރުމަށާއި 1،000 ޑޮލަރުން ޖޫރިމަނާ ކުރުމަށް ވަނީ ނިންމާފަ އެވެ.

މިދިޔަ މާޗް މަހު ހިނގި އެ އެކްސިޑެންޓަށް ފަހު ވުޑްސް ހައްޔަރުކުރިއިރު، ނޭވާގެ ޒަރީއާއިން މަސްތުވާތަކެތި ހުރިތޯ ބެލުމަށް ހެދި "ބްރެތަލައިޒާ" ޓެސްޓުން އޭނާ ވަނީ ފާސްވެފަ އެވެ. ނަމަވެސް، އެހެން މަސްތުވާތަކެތި ހުރިތޯ ބެލުމަށް އިތުރު ޓެސްޓުތައް ހެދުމަށް އޭނާ އޭރު އިންކާރު ކުރި އެވެ.

މަސްތުގެ ހާލަތުގައި އިނދެ އުޅަނދު ދުއްވުމާއި ޓެސްޓުތައް ހެދުމަށް އިންކާރު ކުރި ކަމަށް ބުނެ އޭނާގެ މައްޗަށް ކުރި ދައުވާތަކަށް، އެ މަހުގެ ތެރޭގައި ވުޑްސް ވަނީ އިންކާރުކޮށްފަ އެވެ. އުމުރުން 50 އަހަރުގެ ވުޑްސް ބުނި ގޮތުގައި، އެ ހާދިސާއަށްފަހު އޭނާ ދަނީ ފަރުވާ ހޯދަމުންނެވެ.

އެ އެކްސިޑެންޓުގައި އެއްވެސް މީހަކަށް އަނިޔާއެއް ލިބިފައި ނުވި ނަމަވެސް، ކާރުގެ ތެރެއިން ވުޑްސްއަށް ނުކުމެވުނީ ފަސިންޖަރު ދޮރުން ފިރުކިގެންނެވެ.

ފުލުހުން އޭޕްރީލް މަހު އާންމުކުރި ބޮޑީ ކެމެރާ ފުޓޭޖުން ފެންނަ ގޮތުގައި، ވުޑްސް ދުއްވި އުޅަނދު ލޮރީއެއްގައި ޖެހި ފުރޮޅާލާފައި އޮތް މަންޒަރު ފެނެ އެވެ.

މާޓިން ކައުންޓީގެ ޝެރިފް ޖޯން ބުޑެންސީކް އޭރު ވިދާޅުވި ގޮތުގައި، ވުޑްސް ބްރެތަލައިޒާ ޓެސްޓުން ފާސްވި ނަމަވެސް، ކުޑަކަމުދާ ތަކެތި ބޭނުންކޮށްގެން ހަށިގަނޑުގައި އެހެން މަސްތުވާތަކެތި ހުރިތޯ ބެލުމަށް ހަދާ ޓެސްޓު ހެދުމަށް އޭނާ ވަނީ ދެކޮޅު ހަދާފަ އެވެ.

ކަމާބެހޭ ފަރާތްތަކުން ފަހުން ރިޕޯޓްކޮށްފައިވާ ގޮތުގައި، ވުޑްސްގެ ޖީބުން ދެ ގުޅަ ބޭސް ފެނިފައިވެ އެވެ. އެއީ ތަދުކަނޑުވަން އާންމުކޮށް ބޭނުންކުރާ އޮޕިއޮއިޑްގެ ބާވަތެއް ކަމަށްވާ "ހައިޑްރޯކޯޑޯން" ކަން ވަނީ ކަށަވަރުވެފަ އެވެ.

މިއީ މަސްތުގެ ހާލަތުގައި އިނދެ އުޅަނދު ދުއްވި ކަމުގެ ތުހުމަތުގައި ވުޑްސް ހައްޔަރުކުރި ދެވަނަ ފަހަރެވެ.

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox