މިއަދު ބާއްވާނެކަމަށް އިއުލާނުކުރި ރައްޔިތުންގެ މަޖިލީހުގެ ޖަލްސާ ކެންސަލްކޮށްފި އެވެ.
އިއްޔެ އޮތް މަޖިލީހުގެ ޖަލްސާ ނިންމާލަމުން، މިއަދު ޖަލްސާއެއް އޮންނާނެކަމަށް މަޖިލީހުގެ ރައީސް، އަބްދުއްރަހީމް އަބްދުﷲ އިއުލާނުކުރެއްވި އެވެ. ނަމަވެސް، މިއަދު ޖަލްސާއެއް ނުބާއްވާނެކަން މަޖިލީހުގެ މެންބަރުންނަށް މިހާރު ވަނީ މަޖިލީހުގެ އިދާރާއިން އަންގައިފަ އެވެ.
މަޖިލީހުގެ ގަވާއިދުގައި ބުނާގޮތުން، މަޖިލީހުގެ ދެވަނަ ދައުރު ނިމޭނީ އޯގަސްޓު 15، ގަ އެވެ. ނަމަވެސް، ދެ ފަހަރެއްގެ މަތިން، މަޖިލީހުގެ ދެވަނަ ދައުރު ވަނީ އޯގަސްޓު 27، ގެ ނިޔަލަށް ދަންމާލައިފަ އެވެ.
ކައުންސިލުތަކަށް އެއްވެސް ބަދަލެއް ނުދީ ސަރުކާރަށް ބިންތައް ނެގޭ ގޮތަށް ގާނޫނު ބަދަލުކުރަނީ
ކައުންސިލްތަކުގެ އިހުތިސާސްގައި ހިމެނޭ ބިންތައް، އެއްވެސް ބަދަލެއް ދިނުމަކާ ނުލައި ސަރުކާރަށް ނެގޭ ގޮތަށް ލާމަރުކަޒީ ގާނޫނަށް ބަދަލު ގެނައުމަށް މަޖިލީހުގެ ކޮމިޓީން ގެންނަ ބަދަލާއެކު، ކައުންސިލުން ކޮށްފައިވާ އިންވެސްޓުމަންޓުތަކަށް ބަދަލު ދޭން ޖެހޭ ކަމަށް މިހާރު ގާނޫނުގައި އޮތް މާއްދާ އުނިކޮށް، ސަރުކާރަށް ހުރިހާ ބާރެއް ލިބޭ ގޮތަށް.
މަޖިލީހުގެ މިއަދުގެ ޖަލްސާ ކެންސަލްކޮށްފައިވާއިރު، ލާމަރުކަޒީ ގާނޫނުގެ ދަށުން ކައުންސިލްތަކަށް ލިބޭ އިހުސާސީ ބާރުވެރިކަން އެއްކޮށް ނިގުޅައިގަނެވޭ ގޮތަށް ހުށަހަޅާފައިވާ އިސްލާހު ފާސްކުރުމަށް ސަރުކާރު ހިންގާ ޕީއެންސީގެ މެންބަރުން ގެންދަނީ ބުރަކޮށް މަސައްކަތް ކުރައްވަމުންނެވެ.
އެ ބިލަކީ ލާމަޒުކަޒީ ގާނޫނޫގެ ރޫހާ ހިލާފު ބިލެއް ކަމަށް ބުނެ އެ ބިލު އަނބުރާ ގެންދިޔުމަށް ގޮވާލައި އާންމުންގެ ތެރެއިން ބަޔަކު ވަނީ މަޖިލީހަށް ޕެޓިޝަނެއް ހުށަހަޅައިފަ އެވެ. ސޯޝަލްމީޑިއާ އެކްޓިވިސްޓު، މިދުއަމް ސައުދު ހުށަހަޅާފައިވާ އެ ޕެޓިޝަނަށް ވަނީ މަޖިލީހުގެ ގަވާއިދު ބުނާ ތްރެޝްހޯލްޑް 2 އަކަށް ފެތޭ މިންވަރަށް ސޮއި ހަމަވެފަ އެެވެ.
ޕެޓިޝަނަށް ރިއާޔަތްނުކޮށް ބިންތައް ސަރުކާރަށް ނަގާ ބިލުގެ މަސައްކަތް މާދަމާ ނިންމަނީ
ކައުންސިލްތަކުގެ އިހުތިސާސުން ބިންތައް ވަކިކޮށް ސަރުކާރަށް ނެގޭގޮތަށް ލާމަރުކަޒީ ގާނޫނަށް ހުށަހެޅި އިސްލާހާ ދެކޮޅަށް ހުށަހެޅި ޕެޓިޝަނަށް ބެލުމެއްނެތި، އެ ބިލުގެ މަސައްކަތް މާދަމާ ނިންމުމަށް މަޖިލީހުގެ ލާމަރުކަޒީ ކޮމިޓީން ފާސްކޮށްފިއެވެ.
އެ ޕެޓިޝަން މަޖިލީހަށް ހުށަހެޅުމާއެކު، ސަރުކާރު އަޑީގައި އޮވެ މަޖިލީހަށް ވަނީ ދެ ޕެޓިޝަނެއް ހުށަހަޅައިފަ އެެވެ. އެ ދެ ޕެޓިޝަނުގައި ވެސް ގޮވާލައިފައި ވަނީ ސަރުކާރަށް ބިންތައް ނެގޭ އިސްލާހު ފާސްކުރުމަށެވެ.
އެހެންނަމަވެސް، އެ ދެ ޕެޓިޝަނަށް ވެސް ރިއާޔަތްކުރުމެއް ނެތި އެ ބިލުގެ މަސައްކަތް މިއަދު ނިންމަން އިއްޔެ ބޭއްވި ލާމަރުކަޒީ ކޮމިޓީގެ ބައްދަލުވުމުގައި ވަނީ ނިންމައިފަ އެވެ.
ޕެޓިޝަންއަށް ރިއާޔަތްނުކޮށް ބިލުގެ މަސައްކަތް ކުރިއަށް ގެންދަން ހުށަހެޅުއްވީ އުނގޫފާރު ދާއިރާގެ މަޖިލިސް މެންބަރު، އިބްރާހިމް ޝިފާޒް އެވެ. މާދަމާގެ މެންދުރު 2:00 ގެ ނިޔަލަށް ބިލުގެ މަސައްކަތް ނިންމަން ހުށަހެޅުއްވީ ހެންވޭރު އުތުރު ދާއިރާގެ ކައުންސިލަރު، އަހުމަދު އައިފާން އެވެ.
