ވިލާ ކޮލެޖުގެ އާ އިންޓޭކުގެ ސުންގަޑި ސެޕްޓެމްބަރު 1 ގެ ނިޔަލަށް އިތުރުކޮށްފި

Aug 17, 2026, 11:34 AM
Villa College graduation ceremony. -- Photo: Miraash Nashim/ Adhadhu

Villa College graduation ceremony. -- Photo: Miraash Nashim/ Adhadhu

ވިލާ ކޮލެޖުގެ މިއަހަރުގެ ސެޕްޓެމްބަރު އިންޓޭކަށް ކުރިމަތިލުމުގެ މުއްދަތު އަންނަ ސެޕްޓެމްބަރު މަހުގެ 1 ވަނަ ދުވަހުގެ ނިޔަލަށް އެ ކޮލެޖުން އިތުރުކޮށްފި އެވެ.

ސެޓްފިކެޓް ލެވެލް 4 އިން ފެށިގެން މާސްޓާސް ޑިގްރީއާ ހަމައަށް 100 އަށްވުރެ ގިނަ ޕްރޮގްރާމް ހުޅުވާލެވިފައިވާ މި އިންޓޭކުގައި، އައިޓީ، ސައިބަރ ސެކިއުރިޓީ، ޑާޓާ ސައިންސް، ސޮފްޓްވެއަރ އިންޖިނިއަރިންގ، ލޯ، ޝަރީޢާ، އިސްލާމީ ފައިނޭންސް، ޓީޗިން، ބިޒްނަސް، އިންޖިނިއަރިންގ، ނަރސިން، ސައިކޮލޮޖީ، އަދި ކަލިނަރީ އާޓްސް ފަދަ ތަފާތު ގިނަ ދާއިރާތަކުން ކިޔެވުމުގެ ފުރުސަތު ވަނީ ފަހިކޮށްދީފަ އެވެ.

މި ޕްރޮގްރާމްތަކުގެ ތެރޭގައި އިނގިރޭސިވިލާތުގެ ޔުނިވަސިޓީ އޮފް ދި ވެސްޓް އޮފް އިންގްލޭންޑް އަދި ޕޯޓްސްމޯތް ޔުނިވަސިޓީގެ އިތުރުން މެލޭޝިއާގެ ޓޭލަރސް ޔުނިވަސިޓީ އާއި ޔުނިވަސިޓީ އޮފް ސައިބަޖާޔާގެ ބައިނަލްއަގުވާމީ ޑިގްރީތައް ރާއްޖޭގައި ތިބެގެން ހާސިލުކުރުމުގެ ފުރުޞަތު ހިމެނެ އެވެ.

ޕޯޓްސްމޯތް ޔުނިވަރސިޓީގެ އިންޖިނިއަރިންގ ކޯސްތަކުގެ ދަރިވަރުންނަށް ޑިގްރީގެ ފަހު އަހަރުތައް އިނގިރޭސިވިލާތުގައި ފުރިހަމަކުރުމުގެ ފުރުސަތުވެސް ލިބިގެންދާނެ އެވެ.

ދަރިވަރުންނަކީ ވަޒީފާގެ ބާޒާރަށް ފުރިހަމައަށް ތައްޔާރުވެފައިވާ، ގްލޯބަލް ޕްލެޓްފޯމްތަކުގައި ވާދަކުރެވޭނެ ގާބިލު ބަޔަކަށް ހެދުމަށްޓަކައި، ކޮންމެ ޕްރޮގްރާމެއްގައިވެސް ސިމިއުލޭޝަންތަކާއި، އިންޓާންޝިޕް އަދި އިންޑަސްޓްރީ ޕާޓްނަޝިޕްތަކުގެ ދަށުން އަމަލީ ތަޖުރިބާ ހޯދައިދިނުމަށް ހާއްސަ އިސްކަމެއް ދޭކަމަށް ވިލާ ކޮލެޖުން ބުންޏެވެ. 

އެ ކޮލެޖުން ބުނީ ދަރިވަރުންގެ ތައުލީމީ އަދި ނަފުސާނީ ދުޅަހެޔޮކަން ކަށަވަރުކުރުމަށްޓަކައި ގްރޫޕް އަދި ވަކިވަކި ލާރނިންގ ސަޕޯޓާއި، ޕިއަރ-އެސިސްޓެޑް ލާރނިންގ، "ވީ-ކެއަރ" މެދުވެރިކޮށް ނަފްސާނީ އެހީތެރިކަން، ލެބޯޓަރީ، VR އާއި AR ހިމެނޭ ޒަމާނީ ލާނިންގ ހަބް، ޖިމް އަދި ކުޅިވަރުގެ ވަސީލަތްތައް ގާއިމުކޮށްފައިވެ އެވެ. 

ވަޒީފާ އަދާކުރާ ފަރާތްތަކާއި އާއިލީ ޒިންމާތައް ހުންނަ ފަރާތްތަކަށް ފަސޭހަވާނޭހެން، އިންޖިނިއަރިން، ޓީޗިން، ނަރސިން އަދި ފާމަސީ ފިޔަވައި ވިލާ ކޮލެޖުގެ އަމިއްލަ އެހެން ހުރިހާ ކޯސްތަކެއް އޮންލައިންކޮށް ކިޔެވުމުގެ ފުރުސަތުވެސް ވަނީ ހުޅުވާލާފަ އެވެ. ކޯސްތަކާ މެދު އިތުރު މައުލޫމާތު ހޯދުމަށާއި އިރުޝާދު ބޭނުންވާ ދަރިވަރުންނަށް ކޮލެޖަށް ގުޅައިގެން ނުވަތަ ކެމްޕަހަށް ޒިޔާރަތްކޮށްގެން ކެރިއަރ ގައިޑެންސްގެ ޚިދުމަތް ލިބެން ހުންނާނެ އެވެ.  

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox