މެލޭޝިއާ ސްކޫލެއްގައި ހިންގި ގަތުލަކާ ގުޅިގެން ފިރިހެން ކުއްޖެއްގެ ޝަރީއަތް ފަށައިފި

Aug 3, 2026, 1:56 PM
ފޮޓޯ: އޭޕަލް ވޮންގް

ފޮޓޯ: އޭޕަލް ވޮންގް

މެލޭޝިއާގެ އަންހެން ކުއްޖަކު މަރާލި ކަމުގެ ތުހުމަތުގައި ފުރާވަރު އުމުރުގެ ފިރިހެން ކުއްޖެއްގެ މައްޗަށް ޝަރީއަތް ފަށައިފި އެވެ.

މުޅި ގައުމުގެ ސަމާލުކަން ހުއްޓިފައިވާ މި މައްސަލައާ އެކު، ސޯޝަލް މީޑިއާގެ ސަބަބުން ކުޑަކުދިންނަށް ކުރާ ނޭދެވޭ އަސަރުތަކާ މެދު ބޮޑެތި ބަހުސްތަކެއް ވަނީ އުފެދިފަ އެވެ.

އުމުރުން 14 އަހަރުގައި އެ ފިރިހެން ކުއްޖާގެ މައްޗަށް ތުހުމަތު ކުރެވެނީ، މިދިޔަ އަހަރުގެ އޮކްޓޯބަރު މަހުގެ ތެރޭގައި އުމުރުން 16 އަހަރުގެ ޔަޕް ޝިންގް ޒުއެން މަރާލި ކަމަށެވެ. ވެރިރަށް ކުއާލަލަމްޕޫރް ކައިރީގައި ހުންނަ ސެކަންޑަރީ ސުކޫލެއްގެ ފާހާނާއެއްގެ ތެރޭގައި އެ އަންހެން ކުއްޖާ މަރާލާފައި އޮއްވާ ފެނުނު އިރު، ހަށިގަނޑުގެ އެކި ތަންތަނަށް ވަޅިން ހަމަލާދީފައިވެ އެވެ.

މި މައްސަލައިގައި ދައުވާ އުފުލާފައިވާ ފިރިހެން ކުއްޖާ ވަނީ ކުށަށް އިންކާރުކޮށްފަ އެވެ. ނަމަވެސް، ކުށް ސާބިތުވެއްޖެ ނަމަ އެތައް އަހަރެއްގެ ޖަލު ހުކުމެއް އޭނާގެ މައްޗަށް އަންނާނެ އެވެ.

މީގެ ކުރިން ފުލުހުން ބުނެފައިވާ ގޮތުގައި، އެ ކުއްޖާ މި އަމަލު ހިންގުމަށް ސޯޝަލް މީޑިއާގެ ނުފޫޒު ފޯރުވާފައިވާ ކަމަށް ބެލެވެ އެވެ.

އެ ކުއްޖާ ހައްޔަރު ކުރި ވަގުތު އޭނާގެ އަތުން ނޯޓެއް ފެނިފައިވާ ކަމަށް ވެސް ފުލުހުން ވަނީ ކަށަވަރުކޮށްދީފަ އެވެ. އެ ނޯޓުގައި ހުރި ކަމަށް ބުނާ ވާހަކަތަކާ ގުޅިގެން، ސޯޝަލް މީޑިއާގެ ދައުރާ މެދު ކުރެވޭ ބަހުސްތައް ވަނީ އިތުރަށް ވަރުގަދަވެފަ އެވެ.

މެލޭޝިއާގެ ގާނޫނުތައް ބުނާ ގޮތުން، ކުށްކުރީ ކުޑަކުއްޖަކަށް ވާތީ، އޭނާގެ ވަކިވަކި މައުލޫމާތުތައް އާންމުކުރުމަކީ މަނާކަމެކެވެ.

އެ ކުއްޖާގެ އުމުރު ހަގުވުމުގެ ސަބަބުން، ކުށް ސާބިތުވި ނަމަވެސް މަރުގެ އަދަބެއް ނާންނާނެ އެވެ. އެހެންނަމަވެސް، 30 އަހަރާއި 40 އަހަރާ ދެމެދުގެ ޖަލު ހުކުމެއް އައުމުގެ ފުރުސަތު އެބަ އޮތެވެ. މެލޭޝިއާގައި ޖިނާއީ މަސްއޫލިއްޔަތު އުފުލަންޖެހޭ އުމުރަކީ 10 އަހަރެވެ.

މި ހާދިސާގެ ސަބަބުން މުޅި ގައުމަށް ބޮޑު ސިހުމެއް ލިބިފައިވާ އިރު، ސޯޝަލް މީޑިއާގެ ސަބަބުން ކުޑަކުދިންނަށް ކުރާ ނޭދެވޭ އަސަރުތަކާއި، ހާއްސަކޮށް އަންހެނުންނަށް ނަފުރަތުކުރާ "މެންސްފިއާ" އަދި "އިންސެލް" ސަގާފަތަށް ކުދިން ހުށަހެޅޭ މައްސަލައިގައި ގައުމީ ފެންވަރުގައި ދަނީ މަޝްވަރާ ކުރަމުންނެވެ.

ބައެއް ފަރާތްތަކުން މި މައްސަލަ ސިފަކުރަނީ ނެޓްފްލިކްސްގެ ސީރީޒް "އެޑޮލެސެންސް" އާ އެއްގޮތް ކަމެއްގެ ގޮތުގަ އެވެ. އެ ސީރީޒްގައި ވެސް ދައްކުވައިދެނީ ފުރާވަރުގެ ފިރިހެން ކުދިން އިންޓަނެޓްގެ ޒަރީއާއިން ހަރުކަށި ފިކުރުތަކަށް ހުށަހެޅި، ހިންގާ އަނިޔާވެރި އަމަލުތަކެވެ.

މިދިޔަ އަހަރު ބޮޑުވަޒީރު އަންވަރު އިބްރާހީމާ މި މައްސަލައާ ގުޅޭގޮތުންނާއި، ސުކޫލުތަކުގައި ހިނގާ އަނިޔާވެރި އެހެން ހާދިސާތަކާ ގުޅޭގޮތުން ސުވާލު ކުރެވުނެވެ.

އެ ގައުމުގެ މީޑިއާތަކުން ރިޕޯޓްކޮށްފައިވާ ގޮތުގައި، ބޮޑުވަޒީރު ވިދާޅުވީ މިފަދަ ގިނަ މައްސަލަތައް އުފެދެނީ މޯބައިލް ފޯނާއި ސޯޝަލް މީޑިއާ ބޭނުންކުރުމުގެ ސަބަބުން ކަމަށެވެ. އަދި އެކަންކަން ހައްލުކުރުމަށް ހަރުކަށި ފިޔަވަޅުތަކެއް އަޅުއްވާނެ ކަމަށް އެމަނިކުފާނު ވައުދުވެވަޑައިގެންނެވި އެވެ.

އޭގެ ފަހުން ކަމާބެހޭ އިދާރާތަކުން ވަނީ ކުޑަކުދިން ރައްކާތެރިކުރުމަށާއި، އިންޓަނެޓްގައި ހުންނަ ގެއްލުންދެނިވި މައުލޫމާތުތަކަށް ކުދިން ހުށަހެޅޭ މިންވަރު މަދުކުރުމަށް އާ ގަވާއިދުތަކެއް އެކުލަވާލާފަ އެވެ.

މިދިޔަ ޖޫން މަހުން ފެށިގެން މެލޭޝިއާގައި ވަނީ އުމުރުން 16 އަހަރުން ދަށުގެ ކުދިން ސޯޝަލް މީޑިއާގެ މައިގަނޑު ޕްލެޓްފޯމްތަކުގައި އެކައުންޓް ހުޅުވުން މަނާކޮށްފަ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox