ފައިނަލްގެ ތައްޔާރީތައް ފެށިއިރު ޔަމާލާއި ޕޯރޯ އަށް ލުއިތަކެއް

Jul 17, 2026, 12:06 AM
ސްޕެއިނުން ވޯލްޑް ކަަޕްގެ ފައިނަލަށް ތައްޔާރުވުމުގެ ތެރެއިން ޓްރެއިނިންގައި، ޕޯރޯ (ކ) އާއި ޔަމާލް އިށީނދެލައިގެން.

ސްޕެއިނުން ވޯލްޑް ކަަޕްގެ ފައިނަލަށް ތައްޔާރުވުމުގެ ތެރެއިން ޓްރެއިނިންގައި، ޕޯރޯ (ކ) އާއި ޔަމާލް އިށީނދެލައިގެން.

ނިއު ޔޯކް، ޔުނައިޓެޑް ސްޓޭޓްސް (ޖުލައި 16) - ފީފާ ވޯލްޑް ކަޕް ފައިނަލަށް ތައްޔާރުވާން ސްޕެއިނުން ފެށިއިރު، އެ ޓީމުގެ ފުރަތަމަ އެގާރައިގައި ކުޅޭ ދެ ކުޅުންތެރިން ކަމަށްވާ ޕެޑްރޯ ޕޯރޯ އާއި ލަމީން ޔަމާލަށް ލުއިތަކެއް ދީފި އެވެ. 

އެ ގޮތުން، އާދިއްތަ ދުވަހު ކުޅޭ މި ފަހަރުގެ ފީފާ ވޯލްޑް ކަޕް ފައިނަލް މެޗުގެ ކުރިން، ސްޕެއިނުން ބޭއްވި ޓްރެއިނިންގެ ފުރަތަމަ ސެޝަނުގައި ޕޯރޯ އާއި ޔަމާލް އަށް ކުރިއަށްގެންދިޔައީ، އިންޑިވިޖުއަލް ވަކި ސެޝަންތަކެކެވެ. ޓީމުގެ އެހެން ކުޅުންތެރިންނާ އެކު، ޓްރެއިނިންގައި ޔަމާލް އާއި ޕޯރޯ ބައިވެރިނުވެ އެވެ. 

ޓްރެއިނިންގެ ތެެރެއިން މީޑިއާ އަށް ހާއްސަ ކޮށްފައިވާ ވަގުތުގައި، ޕޯރޯ އާއި ޔަމާލް ހުރީ އަނިޔާއެއްގައި ތޯ ސުވާލުކުރުމުން، ސްޕެއިންގެ ކޯޗު، ލުއިސް ޑެ ލަ ފުއެންޓޭ ބުނީ، ގާތްގާތުގައި ވަރުގަދަ މެޗުތަކެއްގައި ގިނަ ވަގުތު ކުޅެން ޖެހުމުން، ސްޕެއިންގެ ކޯޗިން ސްޓާފުންގެ ލަފާގެ މަތިން، މި ޓްރެއިނިންގައި ޔަމާލާއި ޕޯރޯ އަށް ލުއިތަކެއް ދޭން ނިންމީ ކަމަށެވެ. 

"މިއީ ވެސް ހަމަ ޓްރެއިނިންގެ ބައެއް. ބައެއް ފަހަރު ޓްރެއިނިންގައި އަންނާނެ ވޯކްލޯޑް މެނޭޖުކުރުން. މިއީ، އަނިޔާއެއްގެ ސަބަބުން އަންނަ ކަމެއް ނޫން. މިއީ، ކުޅުންތެރިންގެ ހާލަތަށް ބަލައި ޓްރެއިނިންގެ ތާވަލުގެ ތެރެއިން ކުރާ ކަމެއް،" ޑެ ލަ ފުއެންޓޭ ބުންޏެވެ. 

ފުރަތަމަ މެޗުގައި ޔަމާލާއި ޕޯރޯ އަށް ސްޕެއިނުގެ ފުރަތަމަ އެގާރައިން ފުރުސަތު ނުލިބުނު ކަމުގައި ވިޔަސް، އެ ދެ ކުޅުންތެރިން އަންނަނީ، ޓީމުގެ ފުރަތަމަ އެގާރައިގައި ހިމެނި ހިސާބުން މޮޅު ކުޅުމެއް ދައްކައި މަގާމު ދަމަހައްޓަމުންނެވެ. އެ ގޮތުން، ސެމީ ފައިނަލުގައި ސްޕެއިނުން ފްރާންސް ކޮޅަށް ލީޑުނެގި ޕެނަލްޓީ ހޯދައިދިނީ ޔަމާލް އެވެ. އަދި، ދެ ވަނަ ހާފުގައި ޕޯރޯ ވަނީ ސްޕެއިނުގެ ދެ ވަނަ ލަނޑު ޖަހައިފަ އެވެ. މިއީ، ފުލްބެކަށް ކުޅެމުން  މި ވޯލްޑް ކަަޕްގައި ޕޯރޯ ޖެހި ދެ ވަނަ ގޯލެވެ. 

ސޯޅަ އަހަރަށް ފަހު، ސްޕެއިނުން ވޯލްޑް ކަޕެއްގައި ފައިނަލުގައި ކުޅޭ ފުރަތަމަ ފަހަރަކީ މި އަހަރެވެ. މިއީ، 2010 ވަނަ އަހަރުގެ ވޯލްޑް ކަޕްގެ ޗެމްޕިއަންކަން ހޯދި، ސްޕެއިނުން އެ ގައުމުގެ ފުޓްބޯޅަ ތާރީހުގައި ވެސް ވޯލްޑް ކަޕް ފައިނަލުގައި ކުޅޭ ދެ ވަނަ ފަހަރެވެ. ފައިނަލުގައި އާދިއްތަ ދުވަހުގެރޭ އާޖެންޓީނާއާ ދެކޮޅަށް ސްޕެއިނުން ކުޅޭއިރު، އެ ޓީމަށް ސެމީ ފައިނަލް މެޗަށް ފަހު، ފައިނަލާ ދެމެދު ތިން ދުވަހުގެ މުއްދަތެއް ލިބެ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox