އާޖެންޓީނާ އިން ސިޔާސީ ބެނާ ގެންގުޅުނު މައްސަލަ ފީފާ އިން ބަލަނީ، ފިޔަވަޅު އެޅުން ގާތީ ފައިނަލަށް ފަހު

Jul 16, 2026, 11:51 PM
ސެމީ ފައިނަލުގައި އިންގްލެންޑް އަތުން މޮޅުވި މެޗަށް ފަހު އާޖެންޓީނާ ކުޅުންތެރިން ފާކްލޭންޑާ ގުޅޭ ބެނާ ހިފައިގެން.

ސެމީ ފައިނަލުގައި އިންގްލެންޑް އަތުން މޮޅުވި މެޗަށް ފަހު އާޖެންޓީނާ ކުޅުންތެރިން ފާކްލޭންޑާ ގުޅޭ ބެނާ ހިފައިގެން.

ޒިއުރިކް، ސްވިޒަލެންޑް (ޖުލައި 16) - ފީފާ ވޯލްޑް ކަޕްގެ ސެމީ ފައިނަލުގައި އިންގްލެންޑް އަތުން 2-1 އިން މޮޅުވި މެޗަށް ފަހު، އާޖެންޓީނާ އިން ސިޔާސީ ޝުއޫރުފާޅުކުރާ ބެނާއެއް ގެންގުޅެފައިވާތީވެ، އެ މައްސަލަ ފީފާގެ ޑިސިޕްލިނަރީ ކޮމިޓީން ބަލަން ފަށައިފި އެވެ. 

ފަހު ވަގުތު ދެ ގޯލު ޖަހައިގެން، ފަހަތުން އަރައި އިންގްލެންޑް ބަލިކޮށް، ޖެހިޖެހިގެން ދެ ވަނަ ފަހަރަށް އާޖެންޓީނާ އިން ވަނީ ވޯލްޑް ކަޕްގެ ފައިނަލަށް ދަތުރުކޮށްފަ އެވެ. މިއީ، އާޖެންޓީނާގެ ފުޓްބޯޅަ ތާރީހުގައި މިކަން ހާސިލްވި ދެ ވަނަ ފަހަރެވެ. 

ރޭގެ މެޗަށް ފަހު، އާޖެންޓީނާގެ ބައެއް ކުޅުންތެރިން ގެންގުޅުނު ބެނާއެއްގައި، އެ ގައުމުގެ ބަހުން ލިޔެފައިވާ، ލިޔުމުގެ މާނަ އަކީ، "ފާކްލޭންޑަކީ އާޖެންޓީނާގެ ބައެއް،" މިހެނެވެ. މިއީ، މީގެ ކުރިން، އާޖެންޓީނާ އާއި އިންގްލެންޑްގެ ދެމެދުގައި ކުރެވުނު ހަނގުރާމައެއްގައި އުފެދިފައިވާ ސިޔާސީ ހިޔާލުތަފާތުވުންތަކަކާ ގުޅޭ ޝުއޫރެކެވެ. 

އެ ގޮތުން، 1982 ވަނަ އަހަރު ފާކްލޭންޑް ހަނގުރާމަ، އާޖެންޓީނާ އާއި އިންގްލެންޑްގެ މެދުގައި ކުރިއަށްދިޔައިރު، އެކަން 74 ދުަވަހަށް ދިގުލައިދިޔަ އެވެ. އިނގިރޭސިންނަށް ފާކްލޭންޑްގެ ކޮންޓްރޯލް ދޭން އާޖެންޓީނާ އިން އެއްބަސްވިއިރު، އާޖެންޓީނާގެ 649 މިލިޓަރީ މީހުންނާއި އިންގްލެންޑްގެ 255 މިލިޓަރީ މީހުންގެ އިތުރުން، ފާކްލޭންޑަށް ނިސްބަތްވާ ތިން މީހަކު މަރުވި ކަމަށް ވަނީ ރިކޯޑް ކުރެވިފަ އެވެ.

އާޖެންޓީނާގެ ވޯލްޑް ކަޕްގެ މެޗުތަކަށް އިންގްލެންޑް ރެފްރީއެއް އެރުވޭނެ ގޮތެއް ނެތް

ފީފާގެ އުސޫލުތައް ހަމަޖެހިފައިވާ ގޮތުން، އާޖެންޓީނާ ކުޅޭ ވޯލްޑް ކަޕް މެޗުތަކުގައި އިނގިރޭސި ރެފްރީންނަށް އިންސާފެއް ނުކުރެވޭނެ. މި ނިންމުން ނިންމާފައިވަނީ 1982 ވަނަ އަހަރު ފާކްލޭންޑް ހަނގުރާމައާ ގުޅިގެން ދެ ގައުމުގެ ދެމެދުގައި އޮތް ސިޔާސީ ނުތަނަވަސްކަމަށް ރިއާޔަތްކޮށް، މެޗުތަކުގެ މިނިވަންކަން ކަށަވަރު ކުރުމަށް

ފާކްލޭންޑް ހަނގުރާމައިގެ ސަބަބުން، އާޖެންޓީނާ އިން ކުޅޭ އެއްވެސް މެޗެއްގައި، އިނގިރޭސި ރެފްރީން ފީފާ އިން ބޭނުމެއް ނުކުރެެ އެވެ. 

މީގެ ކުރިން، 2014 ވަނަ އަހަރު ފީފާ އިން ވަނީ، މި ކަމާ ގުޅޭ ބެނާއެއް އެކުވެރިކަމުގެ މެޗެއްގެ ތެރެއިން އާޖެންޓީނާގެ ކުޅުންތެރިން ބޭނުންކޮށްފައިވާތީވެ، 30،000 ޑޮލަރުން އާޖެންޓީނާގެ ފުޓްބޯޅަ އެސޯސިއޭޝަން ޖޫރިމަނާކޮށްފަ އެވެ. އެކަމަކު، މި ފަހަރުގެ ސެމީ ފައިނަލުގައި، މިކަން ތަކުރާރުވެފައިވާތީވެ، އިތުރު ފިޔަވަޅުތަކެއް ފީފާ ޑިސިޕްލިނަރީ ކޮމިޓީން އެޅުމުގެ ފުރުސަތު ބޮޑެވެ. 

އެހެން ނަމަވެސް، ސެމީ ފައިނަލުގައި މި ހިނގާދިޔަ ބެނާއާ ގުޅޭ ކަންކަމުގެ މައްސަލައިގައި ފީފާ އިން އަޅާނެ ފިޔަވަޅެެއް ފައިނަލް ވުން ގާތީ، އަންނަ އާދިއްތަ ދުވަހު ކުޅޭ މި ފަހަރުގެ ވޯލްޑް ކަޕްގެ ފައިނަލް މެޗަށް ފަހު އެވެ. 

އަންނަ އާދިއްތަ ދުވަހުގެރޭ އާޖެންޓީނާ އިން ވޯލްޑް ކަޕްގެ ފައިނަލް މެޗުގައި ބައްދަލުކުރާނީ، ޔޫރަޕްގެ ޗެމްޕިއަން ސްޕެއިނާ އެވެ. މި އަހަރުގެ މާޗް މަހު، އާޖެންޓީނާ އާއި ސްޕެއިން ބައްދަލުކުރަން އޮތް ފައިނަލިސިމާ މެޗު ވަނީ އެމެރިކާ އާއި އިޒްރޭލުން އިރާނާ ދެކޮޅަށް ފަށާފައިވާ ހަނގުރާމައިގެ ސަބަބުން ކެންސަލްކޮށްފަ އެވެ. އެއީ، މެޗު ކުޅެން ހަމަޖެހިފައި އޮތީ ގަތަރުގައި ކަމަށްވާއިރު، އޭރު މެދުއިރުމަތީގައި ރައްކާތެރިކަމުގެ މާހައުލެއް ނެތުމާ ގުޅިގެންނެވެ.  

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox