ގެއްލުމުގައި ހިންގާ އައިލެންޑް އޭވިއޭޝަނުން މުވައްޒަފުންނަށް ފްލެޓުތަކެއް އަޅަނީ

Jul 11, 2026, 8:30 AM
ވެލާނާ އިންޓަނޭޝަނަލް އެއާޕޯޓުގެ ރަންވޭ މަތީގައި އޮތް މޯލްޑިވިއަންގެ މަތިންދާބޯޓެއް: އައިލެންޑް އޭވިއޭޝަން ގެއްލުމުގައި ހިންގަމުން އަންނަތާ ފަސް އަހަރު ވެއްޖެ --- ފޮޓޯ: އަބްދުالله އިޔާން/އަދަދު

ވެލާނާ އިންޓަނޭޝަނަލް އެއާޕޯޓުގެ ރަންވޭ މަތީގައި އޮތް މޯލްޑިވިއަންގެ މަތިންދާބޯޓެއް: އައިލެންޑް އޭވިއޭޝަން ގެއްލުމުގައި ހިންގަމުން އަންނަތާ ފަސް އަހަރު ވެއްޖެ --- ފޮޓޯ: އަބްދުالله އިޔާން/އަދަދު

ކޮވިޑު ބަލިމަޑުކަމުގެ ދުވަސްވަރުން ފެށިގެން ގެއްލުމުގައި ހިންގަމުން އަންނަ ދައުލަތުގެ ކުންފުނި، އައިލެންޑް އޭވިއޭޝަނުން އެ ކުންފުނީގެ މުވައްޒަފުންނަށް ހާއްސަކޮށްގެން ފްލެޓުތަކެއް އިމާރާތްކުރުމުގެ މަޝްރޫއެއްގެ މަސައްކަތް ފަށައިފި އެވެ.

ގައުމީ އެއާލައިން މޯލްޑިވިއަން އާއި މާފަރު އެއާޕޯޓު ހިންގާ އައިލެންޑް އޭވިއޭޝަނުން ވަނީ ހުސްވި ހަފުތާގެ ތެރޭގައި މި ފްލެޓުތައް އަޅަން ހުޅުމާލޭ ދެ ވަނަ ފިޔަވަހިން 12،000 އަކަފޫޓަށް ވުރެ ބޮޑު ބިމެއް ހޯދާފަ އެވެ. މި ބިމާ ގުޅޭ އެއްބަސްވުންތަކުގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ އެކީ ސޮއިކުރީ މިދިޔަ ބުރާސްފަތި ބުރާސްފަތި ދުވަހު އެވެ. 

އައިލެންޑް އޭވިއޭޝަންގެ މެނޭޖިން ޑިރެކްޓަރު އިބްރާހިމް އިޔާސްއާ ހަވާލާދީ މީޑިއާތަކުގައި ރިޕޯޓުކޮށްފައި ވަނީ، ވަރަށް އަވަހަށް އެ މަޝްރޫއުގެ އަމަލީ މަސައްކަތް ފަށާނެ ކަމަށެވެ. ނަމަވެސް އެ ފްލެޓު މަޝްރޫއާ ގުޅޭ އިތުރު އެއްވެސް މައުލޫމާތެއް އޭނާ ހިއްސާނުކުރައްވާތީ، ފްލެޓު ޕްރޮޖެކްޓަށް ފައިސާ ހަރަދުކުރާ ގޮތެއް ނޫނީ ތަރައްގީކުރަނީ ކިތައް އެޕާޓްމަންޓު ކަމެއް ނޭނގެ އެވެ.

އެ ކުންފުނީގައި 1،500 ވަރަކަށް މުވައްޒަފުން މަސައްކަތް ކުރާ އިރު، އޭގެ ތެރޭގައި ތިބި ދިވެހި މުވައްޒަފުންގެ އަދަދު 1،300 އަށް ވުރެ ގިނަ އެވެ.

އޮޑިޓު އޮފީހުން އާންމުކޮށްފައިވާ އައިލެންޑް އޭވިއޭޝަނުގެ 2024 ވަނަ އަހަރުގެ އޮޑިޓު ރިޕޯޓުގައިވާ ގޮތުގައި އެ އަހަރު އެ ކުންފުންޏަށް 2.7 މިލިއަން ރުފިޔާ ގެއްލުންވި އެވެ.

އައިލެންޑް އޭވިއޭޝަނަށް ދިމާވެގެން އުޅޭ މައްސަލައަކީ އެ ކުންފުންޏަށް ލިބޭ އާމްދަނީގައި އުޅޭ މައްސަލައެއް ނޫނެވެ. އެ ގޮތުން 2024 ގައި އެ ކުންފުންޏަށް 2.2 ބިލިއަން ރުފިޔާގެ އާމްދަނީއެއް ލިބުނުއިރު، ހިންގުމުގެ ހަރަދުތަކަށް ކަނޑާފައި 171.2 މިލިއަން ރުފިޔާ ހިންގުމުގެ ފައިދާގެ ގޮތުގައި ލިބުނެވެ. އެކަމަކު ހިންގައިގެން ލިބުނު ހުރިހާ ފައިދާއެއް އެ ކުންފުނިން ހަރަދުކުރަން ޖެހުނީ ފައިނޭންސިން ހަރަދުތަކަށެވެ.

އައިލެންޑް އޭވިއޭޝަނުގެ ފައިނޭންސިން ހަރަދުތަކުގެ ބޮޑު ބައެއް ހަރަދު ވަނީ އެ ކުންފުނިން ކުއްޔަށް ނަގާފައިވާ އެއާކްރާފްޓުތަކަށެވެ. 

އެ ކުންފުންޏަށް ދިމާވެފައި އޮތް އަނެއް މައްސަލައަކީ ކޮވިޑު އަހަރުން ފެށިގެން ތިން އަހަރެއްގައި އެ ކުންފުންޏަށް ލިބުނު އެތައް ބިލިއަން ރުފިޔާގެ ގެއްލުމެވެ. އައިލެންޑް އޭވިއޭޝަނުގެ ތާރީހުގެ ތެރޭގައި އެ ކުންފުންޏަށް އެކުޖުމުލަ 1.7 ބިލިއަން ރުފިޔާ ގެއްލުންވެފައިވާއިރު، އޭގެ 90 ޕަސެންޓަކީ 2020 އާއި 2021 އާއި 2022 ގައި ލިބުނު ގެއްލުމެވެ.

ދައުލަތުގެ ކުންފުނިތަކުން ފްލެޓު ތަރައްގީކުރުމަކީ ރައީސް ޔާމީންގެ ސަރުކާރުގެ ދުވަސްވަރުގައި، ހިޔާ މަޝްރޫއުގެ ބައެއްގެ ގޮތުގައި ހިމަނައިގެން ފެށި ކަމެކެވެ. އޭރު ބިން ހަވާލުކުރި ކުންފުނިތަކުގެ ތެރެއިން އެމްއޭސީއެލް އާއި ސްޓެލްކޯ އާއި އެމްޑަބްލިޔުއެސްސީގެ އިތުރުން އެމްޕީއެލް އާއި އެސްޓީއޯއިން ވަނީ ހުޅުމާލޭ ދެ ވަނަ ފިޔަވަހީގައި އެ ކުންފުނިތަކުގެ މުވައްޒަފުންނަށް ހާއްސަކޮށްގެން ޓަވަރުތަކެއް އަޅާފަ އެވެ. އަދި، އެޗްޑީސީން ވެސް ވަނީ އެ ކުންފުނީގެ މުވައްޒަފުން ދިރިއުޅެން އެޕާޓްމަންޓުތައް ތަރައްގީކޮށްފަ އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox