ވޯލްޑް ކަޕުން ފީފާ އަށް 15 ބިލިއަން ޑޮލަރުގެ އާމްދަނީއެއް

Jul 13, 2026, 8:07 AM
ފީފާގެ ނޫސްވެރިންގެ ބައްދަލުވުމެއްގެ ތެރެއިން ޖިއާނީ އިންފަންޓީނޯ ވާހަކަ ދައްކަވަނީ.

ފީފާގެ ނޫސްވެރިންގެ ބައްދަލުވުމެއްގެ ތެރެއިން ޖިއާނީ އިންފަންޓީނޯ ވާހަކަ ދައްކަވަނީ.

ލޮސް އެންޖެލްސް، ޔުނައިޓެޑް ސްޓޭޓްސް (ޖުލައި 13) - އެމެރިކާ، މެކްސިކޯ އަދި ކެނަޑާގައި މިހާރު ކުރިއަށްދާ ފީފާ ވޯލްޑް ކަޕް ފުޓްބޯޅަ މުބާރާތުން ފީފާ އަށް 15 ބިލިއަން ޑޮލަރުގެ އާމްދަނީއެއް ލިބުމުގެ ފުރުސަތު އެބައޮތް ކަމަށް ފީފާގެ ރައީސް، ޖިއާނީ އިންފަންޓީނޯ ވިދާޅުވެއްޖެ އެވެ. 

ޖުމްލަ އެކު، 39 ދުވަހުގެ މުއްދަތަށް ކުރިއަށްދާ ފީފާ ވޯލްޑް ކަޕް މި ފަހަރު ހޯސްޓްކުރީ މުބާރާތުގެ ތާރީހުގައި ވެސް ފުރަތަމަ ފަހަރަށް ތިން ގައުމަކުން ގުޅިގެންނެވެ. އެ ގޮތުން، މި މުބާާރާތުން ފީފާ އަށް ލިބޭ އާމްދަނީ 15 ބިލިއަން ޑޮލަރަށް އަރާނެތޯ، އިންފަންޓީނޯއާ ކުރި ސުވާލަށް އޭނާ ވިދާޅުވީ، އެއީ، ހަގީގަތުގައި ރަނގަޅު އަދަދެއް ކަމަށެވެ. 

"ވަރަށް ހިތްހަމަޖެހޭ އަދަދެއް އެއީ، ކުރެވުނު މަސައްކަތާ ބަލާއިރުގައި،" އިންފަންޓީނޯ ވިދާޅުވި އެވެ. 

މި ފަހަރުގެ ވޯލްޑް ކަޕްގެ އިންތިޒާމްތައް ހަމަޖެހިފައި ހުރި ގޮތުން، ސަޕޯޓަރުން އަތުން ބޮޑު ހަރަދުތަކެއް ކުރަން ޖެހޭ ކަމުގެ ޝަކުވާ އޮތީ ބޮޑުވެފަ އެވެ. ހާއްސަ ގޮތެއްގައި މެޗުތައް ބަލަން ވަންނަންޖެހޭއިރު، ޓިކެޓަށް އެކަނި ކުރަން ޖެހޭ ހަރަދު ވެސް އެހެން ވޯލްޑް ކަޕްތަކާ އަޅާކިޔާއިރު، އެތައް ގުނައެއް ބޮޑުކަމަށް ސަޕޯޓަރުން ދިޔައީ ބުނަމުންނެވެ. 

އިންފަންޓީނޯ ވިދާޅުވީ، ޓިކެޓްގެ އަގުބޮޑުވުމުގެ ވާހަކަތައް ފެންނައިރު، ސްޓޭޑިއަމްތަކުގެ 99.7 ޕަސެންޓް އޮތީ ފުރިފައި ކަމަށާއި ބާކީ އޮތް މެޗުތަކުގައި އެ އަދަދު 99.9 ޕަަސެންޓަށް އަރާނެ ކަމަށެެވެ. ޓިކެޓް އަގުބޮޑުވުމުގެ އެންމެ ބޮޑު ސަބަބަކީ ރީސޭލް މާކެޓާއި ބްލެކް މާކެޓަށް ދިޔަ ޓިކެޓްތަކުގެ އަގު އިންތިހާ އަށް ބޮޑުވުން ކަމަށް ވެސް އިންފަންޓީނޯ ވަނީ ފާހަގަކުރައްވައިފަ އެވެ. 

މި ފަހަރުގެ ވޯލްޑް ކަޕްގެ ކޮންމެ މެޗެއްގައި، ދެ ހައިޑްރޭޝަން ބްރޭކް (ކޮންމެ ހާފެއްގެ 22 ނޫނީ 23 މިނިޓަށް ފަހު) ނަގާގޮތަށް ހަމަޖައްސައި، އެ ބްރޭކުގައި އިސްތިހާރު ދައްކާތީ ގިނަ ބަޔެއްގެ ޝަކުވާ ބޮޑުވި އެވެ. އިންފަންޓީނޯ ވަނީ މި ވޯލްޑް ކަޕްގެ ތެރެއިން އެކި ފަހަރު މަތިން ހައިޑްރޭޝަން ބްރޭކުގެ ދިފާއުގައި ވާހަކަ ދައްކަވައިފަ އެވެ. 

"މިދިޔަ އަހަރު އެމެރިކާގައި ބޭއްވި ކްލަބް ވޯލްޑް ކަޕްގައި، ކޫލިން ބްރޭކް ދިނީ ބޭނުންވި އިރަކު ކަހަލަ ގޮތަކަށް. މިކަން ދިޔައީ ގާތްގަނޑަކަށް 60 ޕަސެންޓްގެ މެޗުތަކުގައި. އަނެއް، 40 ޕަސެންޓް މެޗުތަކުގައި އެކަމެއް ނެތް. އޭގެ ޝަކުވާތައް ލިބުނު، އެހެންވީމަ، އަހަރެމެން ވިސްނީ، ހުރިހާ މެޗެއް ހަމަހަމަކޮށް ގެންދަން." އިންފަންޓީނޯ ވިދާޅުވި އެވެ. 

"ހަގީގަތުގައި ބްރޭކުގެ ސަަބަބުން މެޗުތަކުގެ ފަހު 20 މިނިޓް ދިޔައީ ވަރަށް ފޯރިގަދަކޮށް،" 

މި ފަހަރުގެ ވޯލްޑް ކަޕްގެ އެންމެ ބޮޑު ބަދަލަކީ، 32 ގައުމުގެ މެދުގައި ކުރިއަށްދިޔަ މުބާރާތް 48 ގައުމުގެ މެދުގައި ކުޅެވުމެވެ. އިންފަންޓީނޯ ވިދާޅުވީ، މި ފަހަރުގެ ވޯލްޑް ކަޕް ނިމުމާ އެކު، ދެން އޮތް ވޯލްޑް ކަޕެއްގައި ވާދަކުރެވޭ ޓީމުތަކުގެ އަދަދު 64 ޓީމަށް އިތުރުކުރުމުގެ މަޝްވަރާތައް ވަރުގަދަ އަށް ފެށޭނެކަމަށެވެ. 

ވޯލްޑް ކަޕްގައި ކުޅެވޭ ޓީމުތައް އިތުރު ކުރުމުގެ މަގުސަދަކީ، މި މުބާރާތުގައި ކުޅުމުގެ އުންމީދުގައި ތިބި ވީހާވެސް ގިނަ ގައުމަށް އެ ފުރުސަތު ދޭ ގޮތަށް ހެދުމަށް ކަމަށް އިންފަންޓީނޯގެ ވާހަކައިގައި ވަނީ ފާހަަގަކުރައްވައިފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox