ނޯވޭ ކަޓުވާލައި އިންގްލެންޑް ވޯލްޑް ކަޕްގެ ސެމީ އަށް

Jul 12, 2026, 4:46 AM
ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި އިންގްލެންޑާއި ނޯވޭ ކުޅުނު މެޗުގެ ތެރެއިން.

ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި އިންގްލެންޑާއި ނޯވޭ ކުޅުނު މެޗުގެ ތެރެއިން.

މަޔާމީ، ޔުނައިޓެޑް ސްޓޭޓްސް (ޖުލައި 12) -  އިތުރު ވަގުތުގެ ދެ ހާފު ކުޅެގެން 2-1 އިން ނޯވޭ ބަލިކޮށް، އިންގްލެންޑުން ފީފާ ވޯލްޑް ކަޕް ފުޓްބޯޅަ މުބާރާތުގެ ސެމީ ފައިނަލަށް ދަތުރުކޮށްފި އެވެ. 

މިއީ، އިންގްލެންޑުން ވޯލްޑް ކަޕްގެ ކުއާޓާ ފައިނަލުގައި އިންގްލެންޑުން ކުޅުނު 10 ވަނަ ފަހަރެވެ. އެކަމަކު، މިއީ، ނޯވޭ އިން ގަދަ އަށް ޓީމުގެ ބުރުގައި ކުޅުނު ފުރަތަމަ ފަހަރެވެ. އިންގްލެންޑުން މުބާރާތުގެ ސެމީން ފުރުސަތު މި ހޯދީ 2018 ވަނަ އަހަރުގެ ވޯލްޑް ކަޕަށް ފަހު ފުރަތަމަ ފަހަރަށެވެ. ސެމީގައި އިންގްލެންޑުން ކުޅޭނީ އާޖެންޓީނާ އާއި ސްވިޒަލެންޑް ކުޅެގެން މޮޅުވާ ޓީމަކާ އެވެ. 

ނޯވޭ އާއި އިންގްލެންޑްގެ ފަރާތުން މެޗު ފަށައިގެން ފުރަތަމަ 30 ވަރަކަށް މިނިޓް ހަަމަހަމަ ކުޅުމެއް ފެނިގެންދިޔައިރު، މެޗުގައި، ލީޑުނެގީ ނޯވޭ އިންނެވެ. މިއީ، މެޗުގެ 36 ވަނަ މިނިޓްގައި، ނޯވޭގެ އަންޑްރެސް ޝެލްޑްރަޕް އަރިމަތިން ނެގި ހުރަހެއް އިންގްލެންޑްގެ ކީޕަރު، ޖޯޑަން ޕިކްފޯޑް އަތްމަތިން ގޮސް ދަނޑީގައި ޖެހިފައި ވަން ގޯލެކެވެ. 

ކައުންޓަ އެޓޭކުގައި ނޯވޭ އަށް ދެ ވަނަ ލަނޑެއް ޖަހައިދޭން ލިބުނު ފުރުސަތުގައި އެ ޓީމުގެ އަލެކްސަންޑަ ސޯލޯތަށް ރަނގަޅު ބޭނުމެއް ނުކުރެވުނެވެ. ސޯލޯތު ޖެހި ޝޮޓް ބްލޮކްވިއިރު، އެ ބޯޅަ ފޮނުވާލަން އެރި އާލިން ބްރައުޓް ހާލަންޑަށް ދީގެން ޖަހަން ސޯލޯތުގެ ވިސްނުމެއް ނެތެވެ. 

ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި އިންގްލެންޑާއި ނޯވޭ ކުޅުނު މެޗުގެ ތެރެއިން.---
ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި އިންގްލެންޑާއި ނޯވޭ ކުޅުނު މެޗުގެ ތެރެއިން.---

ނޯވޭ އިން ލީޑުގައި އޮވެ، ފުރަތަމަ ހާފު ނިންމާލާނެ ކަމަށް ބެލެވުނު ނަމަވެސް އެ ގޮތަށް އެކަމެއް ނުވި އެވެ. އިންގްލެންޑުން ވަނީ ފުރަތަމަ ހާފުގެ އިތުރު ވަގުތުގައި ގޯލު ޖަހައި އެއްވަރުކޮށްފަ އެވެ. މިއީ، އެންތަނީ ގޯޑަން ދިން ބޯޅައެއް ކޮންޓްރޯލްކޮށް، އޭރިއާތެރެއިން ހަމަޖެހިލައިފައި ދުރު ކަނަށް ފޮނުވާލައިގެން ޖޫޑް ބެލިންހަމް ޖެހި ގޯލެކެވެ. 

ދެ ވަަނަ ހާފުގެ ކުޅުން ފަށައިގެން، 10 މިނިޓް ތެރޭ ނޯވޭ އިން ދެ ވަނަ ލަނޑެއް ޖަހައިފަ އެެވެ. އެ ގޮތުން ޓޯބްޖޯން ލައިސަކާ ހެގެމް ޖެހި މި ގޯލު، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފައި ނިންމީ ގޯލެއް ނޫން ކަމަށެވެ. އެއީ، ކޯނަރު ނެގުމުގެ ކުރިން، ހާލަންޑް ފައުލެއް ކޮށްފައިވާތީ އެވެ. 

މެޗުގެ ފުރިހަމަ ވަގުތު ހަމަވިއިރު، ނަތީޖާ ހަމަހަމަވެފައި އޮތުމުން ނަތީޖާ ނެރެން އިތުރު ވަގުތުގެ ދެ ހާފު ކުޅެން ޖެހުނެވެ. އިތުރު ވަގުތުގެ ފުރަތަމަ ހާފުގެ ކުޅުން ފެށިގެން ތިން މިނިޓް ތެރޭ، އިންގްލެންޑުން ލަނޑު ޖެހި އެވެ. މިއީ، އިންގްލެންޑުން ބަދަލަކަށް ކުޅެން އަރައި، މޯގަން ރޮޖާސް ޖެހި ބޯޅައެއް ނޯވޭގެ ކީޕަރު، އޮރްޖާން ނައިލަންޑް އަތުގައި ޖެހިފައި ނުކުތް ވަގުތު ބެލިންހަމް ވަނީ ރަނގަޅު ތަނަށް އަަރައި ގޯލަށް ބޯޅަ ވައްދާލައިފަ އެވެ. 

އޭގެ ފަހުން، އިންގްލެންޑްގެ ޖެޑް ސްޕެންސް އަށް ނޯވޭގެ އޭރިއާތެރެއިން އެ ޓީމުގެ އޮސްކަ ބޮބް ކުރި ފައުލަކަށް ޕެނަލްޓީއެއް ދޭން ފުރަތަމަ ނިންމި އެވެ. އެކަމަކު، ވީއޭއާރް އިން ބަލައިފައި ނިންމީ ފައުލެއް ނޫން ކަމަށެެވެ. 

އިތުރު ވަގުތުގެ ދެ ވަނަ ހާފުގައި އިންގްލެންޑްގެ ސްޕެންސް އާއި ބުކާޔޯ ސަކާ، ފުލުފުލުގައި ޖެހި ދެ ޝޮޓް ކީޕަރު ނައިލަންޑް ވަނީ މަތަކޮށްފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox