ވޯލްޑް ކަޕަށް ފަހު ލިބޭ މަރުގެ އިންޒާރުތަކާ ހެދި ކޮލަމްބިއާގެ ކަމްޕާޒަށް ގެއަށް ނުދެވިފައި

Jul 13, 2026, 12:19 AM
ކޮލަމްބިއާގެ މިޑްފީލްޑަރު، ޖަމިންޓަން ކަމްޕާޒް.

ކޮލަމްބިއާގެ މިޑްފީލްޑަރު، ޖަމިންޓަން ކަމްޕާޒް.

ބޮގޯޓާ، ކޮލަމްބިއާ (ޖުލައި 13) - މި ފަހަރުގެ ފީފާ ވޯލްޑް ކަޕްގެ ގަދަ 16 ބުރުން ކޮލަމްބިއާ ބަލިވި މެޗުގައި އެ ޓީމުގެ ޖަމިންޓަން ކަމްޕާޒަށް ލިބުނު ފުރުސަތުތައް ގޯލަށް ނުޖެހި، ޕެނަލްޓީގައި ސްވިޒަލެންޑް އަތުން ބަލިވެ، އެ ޓީމު ކެޓުމާ އެކު، ކަމްޕާޒަށް ލިބެމުން އަންނަ މަރުގެ އިންޒާރުތަކާ ހެދި ގެއަށް ނުދެވި ތާށިވެއްޖެ އެވެ. 

އެމެރިކާ، ކެނަޑާ އަދި މެކްސިކޯގައި ކުރިއަށްދާ ފީފާ ވޯލްްޑް ކަޕް ފުޓްބޯޅަ މުބާރާތުގައި ކޮލަމްބިއާ އިން ކުޅުނު ފުރަތަމަ މެޗުގައި އުޒްބެކިސްތާން އަތުން 3-1 އިން މޮޅުވިއިރު، 26 އަހަރުގެ ކަމްޕާޒް ވަނީ ބެންޗުން އަރައި ގޯލު ޖަހައިފަ އެވެ. 

ގަދަ 16 ބުރުގައި ސްވިޒަލެންޑާ ލަނޑެއް ނުޖެހި އެއްވަރުވި މެޗުގައި، ކޮލަމްބިއާ މޮޅުކޮށްދޭން އެންމެ ރަނގަޅު ފުރުސަތު ލިބުނު އެއް ކުޅުންތެރިއަކީ ކަމްޕާޒް އެވެ. މި މެޗުގެ އިތުރު ވަގުތުގެ ދެ ހާފުގެ ތެރޭގައި ލިބުނު ފުރުސަތެއްގައި، ސްވިޒަލެންޑް އޭރިއާތެރެއިން ހުސްކޮށް ހުރެފައި، ކަމްޕާޒް ޖެހި ބޯޅަ ދިޔައީ ހުރަސްދަނޑިމަތިންނެވެ. ޕެނަލްޓީގައި ސްވިޒަލެންޑުން 4-3 އިން މޮޅުވިއިރު، ކަމްޕާޒް، އޭނާ ވަނީ ޕެނަލްޓީ ކާމިޔާބުކޮށްފަ އެވެ. 

ކޮލަމްބިއާ، ކެޓުމާ އެކު، ކަމްޕާޒަށް މަރުގެ އިންޒާރުގެ މެސެޖުތައް ވަނި ލިބެން ފަށައިފަ އެވެ. އަދި، ސޯޝަލް މީޑިއާ މެދުވެރިކޮށް ކަމްޕާޒަށް އަންނަން ފެށި މެސެޖުތަކުގައި ލިބެމުން ދިޔަ އިންޒާރުތަކުގެ ސީރިއަސްކަމާ އެކު، އޭނާ ވަނީ އެ މެސެޖުތައް، ކޮލަމްބިއާގެ ފުޓްބޯޅަ ފެޑެރޭޝަން އާއި ފުލުހުންނަށް ހިއްސާކޮށްފަ އެވެ. އަދި، ފުލުހުންނާ މަޝްވަރާ ކުރުމަަށް ފަހު، ކަމްޕާޒް ވަނީ މި ވަގުތު އޭނާ ދިރިއުޅޭ ސަރަހައްދާއި ގެއަށް ނުދާން ނިންމައިފަ އެވެ.

ކޮލަމްބިއާގެ ފުޓްބޯޅަ ފެޑެރޭޝަަނުން ވަނީ ކަމްޕާޒަށް ލިބިފައިވާ މަރުގެ އިންޒާރުތަކުގެ މެސެޖުތައް ކުށްވެރިކޮށްފަ އެވެ. އަދި، ގައުމު ތަމްސީލުކުރާ ކޮންމެ ކުޅުންތެރިއަކު ވެސް މަސައްކަތްކުރަނީ ޓީމު މޮޅުކޮށްދޭންކަން ގަބޫލުކުރަން ޖެހޭ ކަމަށް ފެޑެރޭޝަނުގެ ބަޔާނުގައިވެ އެވެ. 

މީގެ ކުރިން، 1994 ވަނަ އަހަރުގެ ވޯލްޑް ކަޕްގައި، ކޮލަމްބިއާގެ ޑިފެންޑަރު، އަންދްރެސް އެސްކޮބާ އަތުން ބައިކޮޅަށް ގޯލެއް ވަދެގެން، އެ ފަހަރުގެ ވޯލްޑް ކަޕް ކޮލަމްބިއާ އަށް ނިމުނުއިރު، އެ މުބާެާރާތަށް ފަހު އެނބުރި ގައުމަށް ދިޔަތާ މާ ގިނަ ދުވަސްތަކެއް ނުވެ، ބަނޑީގެ ހަމަލާއެއްގެ ޝިކާރަކަށްވެ، އެސްކޮބާ ވަނީ މަރުވެފަ އެވެ. 

އާޖެންޓީނާގެ ކްލަބް، ރޮޒާރިއޯ ސެންޓްރަލް އަށް ކުޅެމުން އަންނަ ކަމްޕާޒް ވަނީ ކޮލަމްބިއާގެ 17 އަހަރުން ދަށުގެ ގައުމީ ޓީމަށް ވެސް ކުޅެފަ އެވެ.  

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox