ގައުމުތަކުން ދެން ނޯވޭއާ މެދު ސީރިއަސްވާނެ: ހާލަންޑް

Jul 13, 2026, 12:52 AM
މި ފަަހަރުގެ ވޯލްޑް ކަޕްގެ ކުއާޓާ ފައިނަލުގައި ކުޅުނު މެޗުގެ ތެރެއިން ހާލަންޑް.

މި ފަަހަރުގެ ވޯލްޑް ކަޕްގެ ކުއާޓާ ފައިނަލުގައި ކުޅުނު މެޗުގެ ތެރެއިން ހާލަންޑް.

މަޔާމީ، ޔުނައިޓެޑް ސްޓޭޓްސް (ޖުލައި 13) - މި ފަހަރުގެ ފީފާ ވޯލްޑް ކަޕްގައި ނޯވޭ އިން ދެއްކި ކުޅުމާއި ހިތްވަރުގެ ސަބަބުން، ދެން ބައިނަލްއަގުވާމީ ލެވަލްގަައި ޓީމުތަކުން ނޯވޭއާ ދެކޮޅަށް ކުޅޭއިރު، ސީރިއަސް ނަޒަރަކުން ވިސްނާނެ ކަމަށް އެ ޓީމުގެ ތަރި، އާލިން ބްރައުޓް ހާލަންޑް ބުނެފި އެވެ. 

ފްރާންސްގައި 1998 ވަނަ އަހަރު ބޭއްވި ވޯލްޑް ކަޕްގައި ކުޅުނު ނޯވޭ އިން، 28 އަހަރުގެ މެދުކަނޑުމަކަށް ފަހު، ވޯލްޑް ކަޕަކަށް އެނބުރި، އައީ މިހާރު އެމެރިކާ، މެކްސިކޯ އަދި ކެނަޑާގައި ކުރިއަށްދާ ވޯލްޑް ކަޕަށެވެ. ޔޫރަޕްގެ ކޮލިފައިން ގްރޫޕްގައި، ހަތަރު ފަހަރު ވޯލްޑް ކަޕް ކާމިޔާބުކުރި އިޓަލީ ފަހަތަށް ޖައްސާލައި، ވޯލްްޑް ކަޕަށް ކޮލިފައިވި ނޯވޭ އިން ވަނީ މި ފަހަރުގެ މުބާރާތުގެ ގަދަ 16 ބުރުގައި، ފަސް ފަހަރު ވޯލްޑް ކަޕް ކާމިޔާބުކުރި ބްރެޒިލް ކަޓުވާލައިފަ އެވެ. 

ނޯވޭ އިން އެ ގައުމުގެ ފުޓްބޯޅަ ތާރީހުގައި ކުޅުނު ފުރަތަމަ ކުއާޓާ ފައިނަލުގައި، ފުރިހަމަަ ވަގުތު ހަމަވިއިރު އިންގްލެންޑާ އޮތީ އެއްވަރުވެފަ އެވެ. ނަތީޖާ ނެރެން، އިތުރު ވަގުތުގެ ދެ ހާފު ކުޅުނުއިރު، 120 މިނިޓް ތެރޭ، އިންގްލެންޑް އަތުން 2-1 އިން ބަލިވެ، ނޯވޭ ކެޓީ އެވެ.

އެ މެޗަށް ފަހު ދިން އިންޓަވިއުއެއްގައި ހާލަންޑް ބުނެފައިވަނިީ، މިދިޔަ ހަ ވަރަކަށް ހަފްތާގައި ހިނގައިދިޔަ ހުރިހާ ކަމަކަށް ނަޒަރު ހިންގާލާއިރު، ސީދާ ވަކިވަކި ކަންކަމާ ބެހޭގޮތުން ވާހަކަ ދެެއްކުމަކީ ފަސޭހަ ކަމެއް ނޫން ކަމަށެވެ. 

"ޔަގީންކަމެއް އަހަރެމެން މި ތިބީ އެ ހިސާބުގައި (މަތީ ލެވަލެއްގައި). މިހާރު މި ބަދަލުވީ ނޯވޭއާ މެދު ދެކޭ ގޮތް. ދެން، އޮތީ މި ލެވަލްގައި ހިފަަހައްޓައިގެން އިތުރަށް ކުރިއަށްދިއުން. ޓީމުަތަކުން ނޯވޭއާ މެދު ސީރިއަސްވާނެކަން ދެން އެނގޭ. އަހަރެމެންނަށް އެނގޭ މި ޓީމަށް އަދިވެސް ކުރިއަށްދެވޭނެކަން،" ފުރަަތަމަ ވޯލްޑް ކަޕްގައި ކުޅެ، ހަތް ގޯލު ޖަހައި، ޕޮލެންޑްގެ ލެޖެންްޑް، ގްރެގޯޒް ލާޓޯގެ ރެކޯޑާ ހަމަކުރި ހާލަންޑް ބުންޏެވެ. 

ވޯލްޑް ކަޕްގެ ސެމީ ފައިނަލުގައި ކުޅޭ ހަތަރު ޓީމަށް ބަލާއިރު، އިންގްލެންޑަށް ކާމިޔާބަށް އެދޭ ކަމަށާއި އެއީ، އޭނާ އުފަންވީ އިންގްލެންޑަށް ކަމަށްވާތީ ކަމުގައި ހާލަންޑް ވަނީ ބުނެފަ އެވެ.

"ނޯވޭ އަށް ވުރެން ކުރިން އަހަންނަށް ލިބުނީ އިންގްލެންޑް ޖޯޒީއެއް،" ހާލަންޑް ބުންޏެވެ. 

އިންގްލެންޑްގެ އިތުރުން، ސެމީ ފައިނަލުގައި ދެން، އޮތް ޓީމުތަކަށް  ބަލާއިރު، މެންޗެސްޓާ ސިޓީގައި އޭނާއާ އެކު ކުޅޭ ކުޅުންތެރިން ތިބުމުން އެންމެންނަށް ވެސް ކާމިޔާބު މުބާރާތަކަށް އެދޭ ކަމަށް ހާލަންޑް ބުނެފައިވެ އެވެ. 

ނޯވޭ ކޮޅަށް އިންގްލެންޑުން ނަތީޖާ ހަމަހަމަކުރަން ޖެހި ގޯލުގައި، ނޯވޭގެ ކީޕަރު، އޮރްޖާން ނައިލަންޑް ޖެހި ބޯޅަ، ދަނޑުގެ ސްޕައިޑާކޭމް ކެމެރާގެ ވާގަނޑުގައި ޖެހުނު ކަމަށް މަންޒަރުތަކުން ފެނުނު ކަމުގައި ވިޔަސް، ފީފާ އިން ބުނީ، ބޯޅައިގައި ހަރުކޮށްފައިވާ ސެންސަރުތަކުން އެކަން ރެކޯޑްވެފައިނުވާ ކަމަށެވެ.

ނޯވޭގެ ކޯޗު، ސްޓޭލް ސޯލްބަކަން ބުނެފައިވަނީ، ކެމަރާ ވާގަނޑުގައި ބޯޅަ ޖެހުނުތަން ފެނުނު އޮފިޝަލުން ނޯވޭ ބެންޗުގައި ތިބި ކަމަށާއި ފުރަތަމަ ހާފު ނިމުމުގެ ކުރިން އިންގްލެންޑުން ޖެހި ގޯލު ހަގީގަތުގައި ބަލައިގަނެގެންނުވާނެ ކަމަށެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox