އިންގްލެންޑަށް ވޯލްޑް ކަޕްގެ ޗެމްޕިއަންކަން ލިބިއްޖެނަމަ ޓީމަށް ބަހާނީ 20 މިލިއަން ޑޮލަރު

Jul 11, 2026, 9:18 PM
އިންގްލެންޑްގެ ފޯވާޑް ހެރީ ކޭން، މި ފަހަރުގެ ވޯލްޑް ކަޕްގެ މެޗެއްގެ ތެރެއިން ލަނޑު ޖެހުމަށް ފަހު އުފާފާޅުކުރަނީ.

އިންގްލެންޑްގެ ފޯވާޑް ހެރީ ކޭން، މި ފަހަރުގެ ވޯލްޑް ކަޕްގެ މެޗެއްގެ ތެރެއިން ލަނޑު ޖެހުމަށް ފަހު އުފާފާޅުކުރަނީ.

ލަންޑަން (ޖުލައި 11) - މި ފަހަރުގެ ފީފާ ވޯލްްޑް ކަޕްގެ ޗެމްޕިއަންކަން އިންގްލެންޑަށް ލިބިއްޖެނަމަ، ޓީމަށް ބަހާނީ ބޯނަހުގެ ގޮތުގައި ލިބޭ ފައިސާގެ ތެރެއިން 20 މިލިއަން ޑޮލަރު ކަމަށް މީޑިއާ ރިޕޯޓްތައް ބުނެފި އެވެ. 

ރިިޕޯޓްތައް ބުނާގޮތުން، ވޯލްޑް ކަޕްގެ ޗެމްޕިއަނުންނަށް ފީފާ އިން ދެނީ 50 މިިލިއަން ޑޮލަރެވެ. އެ ފައިސާ ބެހުމަށްޓަަކައި، އިނގިރޭސި އެފްއޭ އިން ޓީމާ އެކު އެއްބަސްވެފައިވަނީ، 50-50 އުސޫލަކުންނެވެ. އެ ގޮތުން ބަލާއިރު، އިންގްލެންޑް ޓީމަށް 20 މިލިއަން ޑޮލަރު ދޭއިރު، އެ ޓީމުގެ ކޯޗު ތޯމަސް ޓުޗެލް އަށް ތިން މިލިއަން ޑޮލަރު އަދި އޭނާގެ ބެކްރޫމް ސްޓާފުންގެ މެޗުގައި، 2 މިލިއަން ޑޮލަރު ބަހާނެ އެވެ. 

އިންގްލެންޑުން ވަނީ، 2022 ވަނަ އަހަރު ގަތަރުގައި ބޭއްވި ފީފާ ވޯލްޑް ކަޕް ފުޓްބޯޅަ މުބާރާތަށް ފަހު ވެސް ޓީމަށް ބޯނަހެއް ދީފަ އެވެ. ޗެމްޕިއަން ޓީމަށް ލިބޭ ފައިސާ އިން ބޯނަސް ދޭނެ ގޮތެއް ކަނޑައެޅިފައި ނެތުމުން، 2023 ވަނަ އަހަރު އިންގްލެންޑް އެފްއޭ އަށް ވަނީ ފާޑުކިޔުން އަމާޒުވެފަ އެވެ. އެއީ، އެ ފަހަރު ފީފާ ވިމެންސް ވޯލްޑް ކަޕްގެ ރަނަރަަޕަށް ދިޔަ އިންގްލެންޑްގެ އަންހެން ޓީމަށް ފައިސާ ބެހުމުގައި، އެފްއޭ އިން އެއްބަސްވުމެއް ނަހަދައި، ހަމަހަމަ އުސޫލަކުން ކަންކަން ކުރިއަށްގެންގޮސްފައިނުވާތީ އެވެ. 

އިންގްލެންޑުން މި ފަހަރުގެ ފީފާ ވޯލްޑް ކަޕްގެ ސެމީ ފައިނަލުގެ ޖާގައެއް ހޯދުމަށްޓަކައި، ކުއާޓާ ފައިނަލުގައި މިރޭ ކުޅޭނީ ނޯވޭއާ ދެކޮޅަށެވެ. ނޯވޭ އިން ވަނީ ގަދަ 16 ޓީމުގެ ބުރުަގައި ފަސް ފަހަރު ވޯލްޑް ކަޕް ކާމިޔާބުކުރި ބްރެޒިލް ކަޓުވާލައިފަ އެވެ. އަނެއްކޮޅުން، އިންގްލެންޑުން ކުއާޓާ ފައިނަލަށް ދަތުރުކުރީ، ގަދަ 16 ބުރުގައި މުބާރާތުގެ އެއް ހޯސްޓް، މެކްސިކޯ އަތުން މޮޅުވެގެންނެވެ. 

ނޯވޭ އާއި އިންގްލެންޑުން ވާދަކުރާ ކުއާޓާ ފައިނަލް މެޗުން މޮޅުވާ ޓީމެއް މުބާރާތުގެ ސެމީ ފައިނަލުގައި ކުޅެން ޖެހޭނީ ކުއާޓާ ފައިނަލް ފަހު މެޗުގައި ސްވިޒަލެންޑާއި އާޖެންޓީނާ ކުޅެގެން މޮޅުވާ ޓީމަކާ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox