ޖަރުމަނުގެ ކޯޗުކަން ކްލޮޕަށް ދެނީ 2030 ގެ ވޯލްޑް ކަޕްގެ ނިޔަލަށް

Jul 11, 2026, 9:00 PM
މި ފަހަރުގެ ވޯލްޑް ކަޕްގެ ކަވަރޭޖެއްގެ ތެރެއިން ކްލޮޕް: އޭނާ ދެން ފެންނާނީ ޖަރުމަނު ގައުމީ ޓީމުގެ ކޯޗެއްގެ ގޮތުގައި.

މި ފަހަރުގެ ވޯލްޑް ކަޕްގެ ކަވަރޭޖެއްގެ ތެރެއިން ކްލޮޕް: އޭނާ ދެން ފެންނާނީ ޖަރުމަނު ގައުމީ ޓީމުގެ ކޯޗެއްގެ ގޮތުގައި.

ބާލިން (ޖުލައި 11) - ޖަރުމަނުގެ ގައުމީ ފުޓްބޯޅަ ޓީމުގެ ކޯޗުގެ މަގާމު ޔާގަން ކްލޮޕަށް ދެނީ ހަތަރު އަހަރުގެ ކޮންޓްރެކްޓެއްގެ ދަށުން 2030 ގެ ފީފާ ވޯލްޑް ކަޕްގެ ނިޔަލަށް ކަމަށް ޖަރުމަނު ފުޓްބޯޅަ ފެޑެރޭޝަން (ޑީއެފްބީ)އާ ހަވާލާދީ ޔޫރަޕްގެ ގިނަ މީޑިއާތަކަކުން ރިޕޯޓްކޮށްފި އެވެ. 

މި ފަހަރުގެ ވޯލްޑް ކަޕްގެ ގަދަ 32 ޓީމުގެ ބުރުން ޖަރުމަނު ކެޓީ ޕެރަގުއޭ އަތުން ޕެނަލްޓީ ޖަހައިގެންނެވެ. އެ ނަތީޖާ އަށް ފަހު، ޖަރުމަނު ކޯޗަކަށް ހުރި ހޫލިއަން ނާގަލްސްމަންގެ މަސައްކަތުގެ ރިވިއު ބައްދަލުވުމެއް، ޖަރުމަނު ފުޓްބޯޅަ ފެޑެރޭޝަންގެ ޓެކްނިކަލް ޑިޕާޓްމަންޓުން ކުރިއަށްގެންދިޔައިރު، ނާގަލްސްމަން އަށް އެކަށީގެންވާ މަސައްކަތެއް ނުކުރެވޭތީ ޖެހުނީ މަގާމުން އިސްތިއުފާދޭށެވެ. 

ޖަރުމަނު ފުޓްބޯޅަ ފެޑެރޭޝަނުން މީގެ ކުރިން ވެސް ކްލޮޕް ގެންނަން މަސައްކަތްކުރި އެވެ. އެކަމަކު، އޭރު އޭނާ ހުރީ ލިވަޕޫލްގެ ކޮންޓްރެކްޓްގަ އެވެ. ނުވަ އަހަރު ލިވަޕޫލްގައި މަސައްކަތް ކުރުމަށް ފަހު، 2024 ވަނަ އަހަރު ކްލޮޕް އެ ޓީމުގެ ކޯޗުކަން ދޫކޮށްލި އެވެ. އޭގެ ފަހުން، އޭނާ ހުރީ ރެޑްބުލް ފުޓްބޯލް ގްރޫޕްގެ ގްލޯބަލް ހެޑް އެއްގެ ގޮތުގަ އެވެ.

މި ފަހަރުގެ ވޯލްޑް ކަޕްގައި، ޖަރުމަނު މީޑިއާއެއްގެ ޕަަންޑިޓަރީ ރޯލެއްގައި މަސައްކަތްކުރަމުން އަންނަ ކްލޮޕް ވަނީ ދާދި ފަހުން، ޖަރުމަނު ފުޓްބޯޅަ ފެޑެރޭޝަނާ އެކު ގިނަ ބައްދަލުވުންތަކެއް ބާއްވައިފަ އެވެ. 

އެ ގޮތުން، ޖަރުމަނު ފުޓްބޯޅަ ފެޑެރޭޝަނުން އިއްޔެ ނެރުނު ބަޔާނެއްގައި ބުނެފައިވަނީ، ޖަރުމަނު ފުޓްބޯޅަ ރައީސް، ބާންޑް ނިއުންޑޯފް އާއި ނައިބު ރައީސް، ހަންޒް ޔޯކިމް ވަޓްޒްކޭ ވަނީ ކްލޮޕާ އެކު ނިއު ޔޯކްގައި ބައްދަލުވުމެއް ބާއްވާފައި ކަމަށެވެ. އަދި، މި ހަފްތާ ތެރޭގައި އިތުރު ބައްދަލުވުންތަކެއް ކުރިއަށްދާނެ ކަމަށާއި އެއްބަސްވުމަކާ ހަމައަށް އަންނާނީ މީގެ ނިންމަން ޖެހޭ ގިނަ ކަންތައްތަކަކާ ގުޅޭގޮތުން ވާހަކަ ދައްކައިގެން ކަމަށެވެ. 

ރިޕޯޓްތައް ބުނާގޮތުން، ޖަރުމަނު ފުޓްބޯޅަ ފެޑެރޭޝަނުން ކްލޮޕާ އެކު ޓާގެޓް ކުރަނީ، 2028 ގެ ޔޫރޯ އާއި 2030 ގެ ވޯލްޑް ކަޕްގައި ރަނގަޅު ކާމިޔާބީއެއް ހޯދުމަށެވެ. 

އެ ގޮތުން، އެންމެ ފުރަތަމަ ކަމަކަށް ރެޑްބުލް ފުޓްބޯލް ގްރޫޕާ އެކު، ޖަރުމަނު ފުޓްބޯޅަ ފެޑެރޭޝަނުން ކްލޮޕްގެ ރިލީސް ކަންތައްތަކާ ގުޅޭގޮތުން ވާހަކަ ދައްކަން ވެސް ޖެހޭނެ އެވެ. ދާދި ފަހުން ދިން އިންޓަވިއުއެއްގައި ކްލޮޕް ވަނީ ޖަރުމަނު ފުޓްބޯޅަ ޓީމާ ހަވާލުވުމުގެ ޝައުގުވެރިކަން އޭނާގެ ހުރުމާ އެކު، ރެޑްބުލް ފުޓްބޯލް ގްރޫޕުން އެ ފުރުސަތު އޭނާ އަށް ފަހިކޮށްދޭނެ ކަމުގެ ޔަގީންކަން އެބައޮތް ކަމަށް ބުނެފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox