މި ފަހަރުގެ ވޯލްޑް ކަޕްގައި ކުޅުނު ދެކުނު އެފްރިކާގެ އެޑަމްސް މަރުވެފައި އޮއްވައި ފެނިއްޖެ

Jul 11, 2026, 8:45 PM
ދެކުނު އެފްރިކާގެ މިޑްފީލްޑަރު، ޖޭޑަން އެޑަމްސް

ދެކުނު އެފްރިކާގެ މިޑްފީލްޑަރު، ޖޭޑަން އެޑަމްސް

ކޭޕް ޓައުން، ދެކުނު އެފްރިކާ (ޖުލައި 11) - އެމެރިކާ، މެކްސިކޯ އަދި ކެނަޑާގައި މިހާރު ކުރިއަށްދާ ފީފާ ވޯލްޑް ކަޕްގައި ދެކުނު އެެމެރިކާ ޓީމުގައި ހިމެނިގެން ކުޅުނު 25 އަހަރުގެ ޖޭޑަން އެޑަމްސް މަރުވެފައި އޮއްވައި ފެނިއްޖެ އެވެ. 

އެޑަމްސް ވަނީ މި ފަހަރުގެ ވޯލްޑް ކަޕްގައި ދެކުނު އެފްރިކާ އިން ކުޅުނު ގްރޫޕް ސްޓޭޖުގެ ތިން މެޗުގައި ވެސް ކުޅެފަ އެވެ. ދެކުނު އެފްރިކާ އިން ވަނީ މި ފަހަރުގެ މުބާރާތުގެ ގްރޫޕް ސްޓޭޖު ފަހަނައަޅައި ނޮކައުޓް ބުރުގައި ކުޅެފަ އެވެ. ގަދަ 32 ޓީމު ވާދަކުރި ނޮކައުޓް ބުރުގައި ދެކުނު އެފްރިކާ ކެޓީ ކެނަޑާ އަތަުން ފަހު ވަގުތު ބަލިވެގެންނެވެ. 

ދެކުނު އެފްރިކާގެ ސްޕޯޓްސް މިނިސްޓަރު، ގޭޓަން މެކެންޒީ ވިދާޅުވީ، އެޑަމްސްގެ މަރުގެ ހަބަރާ އެކު ލިބުނީ ޝޮކެއް ކަމަށެވެ. އަދި، ދެކުނު އެފްރިކާ އަށް މި ގެއްލިދިޔައީ ފުޓްބޯޅައިގެ ހުނަރުހުރ މުސްތަގުބަލު އޮތް މޮޅު ކުޅުންތެރިއެއް ކަމަށާއި މިއީ މުޅި ދެކުނު އެފްރިކާ އަށް ލިބުނު ގެއްލުމެއް ކަމަށް މެކެންޒީ ވިދާޅުވި އެވެ. 

ކޭޕްޓައުންގެ ޝޮޓްސްޝެކްލޫފް ސަރަަހައްދުގެ ގެޔެއްގެ ތެރެއިން، އެޑަމްސްގެ ހަށިގަނޑު ފެނިފައިވާއިރު، ކޭޕްޓައުން ޕޮލިހުން ވަނީ މި މަރުގެ މައްސަލަ ތަހުގީގުކުރަން ފަށައިފަ އެވެ. 

ދެކުނު އެފްރިކާގެ މިޑްފީލްޑަރު، ޖޭޑަން އެޑަމްސް
ދެކުނު އެފްރިކާގެ މިޑްފީލްޑަރު، ޖޭޑަން އެޑަމްސް

މެކެންޒީ ވިދާޅުވީ، އެޑަމްސްގެ މަރުގެ ސަަބަބު ދެނެގަތުމަަށްޓަކައި ޕޮލިހުން ތަހުގީގު ފަށާފައިވާ ކަމަށާއި މީޑިއާ އާއި އެކި ފަރާތްތަކުން މި ދަނޑިވަޅުގައި ޔަގީންނުވާ މައުލޫމާތު މި ވަގުތު ނުފަތުރަން އެދޭ ކަމަށެވެ. އަދި، މިއީ، އެޑަމްސްގެ އިތުރުން އޭނާގެ އާއިލާ އަށް އިހުތިރާމް އަދާކުރުމުގެ ގޮތުން އެންމެންގެ މައްޗަށް ލާޒިމު ކަމެއްގެ ގޮތުގައި މެކެންޒީ ވަނީ ވިދާޅުވެފަ އެވެ. 

މި ކަމާ ބެހޭ ސައްހަ މައުލޫމާތުތައް ލިބެމުންދާ މިންވަރަކަށް ރަސްމީ އިދާރާތަކުން ހާމަކުރަމުންދާނެ ކަމަށް މެކެންޒީ ވަނީ ވިދާޅުވެފަ އެވެ.

އެޑަމްސް، ދެކުނު އެފްރިކާ ޓީމަށް ކުޅެން ފެށީ 2022 ވަނަ އަހަރު އެވެ. އޭނާ ވަނީ މި ފަހަރުގެ ވޯލްޑް ކަޕްގައި ދެކުނު އެފްރިކާ އިން ޗެކް ރިޕަބްލިކާ 1-1 އިން އެއްވަރުވި މެޗުގައި ފުރަތަމަ އެގާރައިގައި ހިމެނިގެން ކުޅެފަ އެވެ. އަދި، މިދިޔަ އަހަރުގެ ޖެނުއަރީ މަހު، ދެކުނު އެފްރިކާގެ އެންމެ ވަރުގަދަ ކްލަބް، މަމެލޯޑީ ސަންޑައުން އަށް ބަދަލުވި އެޑަމްސް އަކީ، 2023 ވަނަ އަަހަރުގެ އެފްރިކަން ކަޕް އޮފް ނޭޝަންސްގެ ސެމީ ފައިނަލަށް ދިޔަ ދެކުނު އެފްރިކާ ޓީމުގެ ކުޅުންތެރިއެކެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox