އޮސްޓްރޭލިއާގައި ކުޑަކުދިންނަށް ސޯޝަލް މީޑިއާ މަނާކުރަން އެޅި ފިޔަވަޅުތައް ނާކާމިޔާބު

Jul 8, 2026, 7:00 AM
ފޮޓޯ: ގެޓީ އިމޭޖަސް

ފޮޓޯ: ގެޓީ އިމޭޖަސް

ސޯޝަލް މީޑިއާ ބޭނުންކުރާ ފަރާތްތަކުގެ އުމުރު ކަށަވަރުކުރުމަށް އެ ގައުމުގެ އޮންލައިން ޕްލެޓްފޯމްތަކުން އެޅި ފުރަތަމަ ފިޔަވަޅުތައް ނާކާމިޔާބުވެފައިވާ ކަމަށް އެ ގައުމުގެ ސަރުކާރަށް ފަންނީ ލަފާދޭ ޓީމަކުން ހެދި ދިރާސާއަކުން ދައްކައިފި އެވެ.  

އޮސްޓްރޭލިއާގެ އާ ސޯޝަލް މީޑިއާ ގާނޫނުގެ ދަށުން، މިދިޔަ ޑިސެމްބަރު މަހުން ފެށިގެން އިންސްޓަގްރާމް، ސްނެޕްޗެޓް އަދި ޔޫޓިއުބް ފަދަ ޕްލެޓްފޯމްތަކުގައި 16 އަހަރުން ދަށުގެ ކުދިން އެކައުންޓް ހެދުން ވަނީ މަނާކޮށްފަ އެވެ.

މި ގާނޫނަށް އަމަލުކުރުމަށްޓަކައި "އެކަށީގެންވާ ފިޔަވަޅުތަކެއް" އެޅުމަށް އޮޕަރޭޓަރުންނަށް ލާޒިމްކޮށްފައިވާއިރު، ބޭނުންކުރާ މީހުންގެ އުމުރު ދެނެގަތުމަށް ގިނަ ގޮތްތަކެއް ބޭނުންކުރުމަށް ސަރުކާރުން ވަނީ އިރުޝާދު ދީފަ އެވެ.

Advertisement

ނަމަވެސް، މި މަނާކުރުމަށް ގިނަ ބައެއްގެ ފާޑުކިޔުން ވަނީ އަމާޒުވެފަ އެވެ. ދިރާސާތަކުން ދައްކާ ގޮތުގައި 16 އަހަރުން ދަށުގެ ގިނަ ކުދިންނަށް އަދިވެސް މި ޕްލެޓްފޯމްތަކަށް ވަދެވެ އެވެ. މިއާއެކު، ގާނޫނަށް އަމަލުނުކުރާ ޓެކްނޮލޮޖީގެ ބޮޑެތި ކުންފުނިތަކާ މެދު ކޯޓު މެދުވެރިކޮށް ފިޔަވަޅު އަޅާނެ ކަމުގެ އިންޒާރު ދީ، މިދިޔަ މަހު އޮސްޓްރޭލިއާ ސަރުކާރުން ވަނީ އެފަދަ ކުންފުނިތައް ޖޫރިމަނާ ކުރެވޭނެ އެންމެ މަތީ އަދަދު ދެގުނައަށް އިތުރުކޮށްފަ އެވެ.

މިދިޔަ އަހަރު 1،000 އަށް ވުރެ ގިނަ އޮސްޓްރޭލިއާ ރައްޔިތުން ބޭނުންކޮށްގެން އުމުރު ކަށަވަރުކުރާ ސޮފްޓްވެއާ ޓެސްޓުކުރި ޓީމުން ރޮއިޓާސްއަށް މައުލޫމާތު ދިން ގޮތުގައި، އާ ގާނޫނަށް އަމަލުކުރަން ފެށި ފަހުން އެ ޓީމުން ހުޅުވި 50 އެކައުންޓުގެ ތެރެއިން އެއްވެސް އެކައުންޓަކުން އުމުރު ސާބިތުކޮށްދޭން އެދިފައެއް ނުވެ އެވެ. އެ އެކައުންޓްތައް ހުޅުވިއިރު އުމުރަކީ 16 އަހަރު ކަމަށް ވަނީ ބަޔާންކޮށްފަ އެވެ.

"އުމުރު ސާބިތުކޮށްދިނުމަށް އެދެން ޖެހޭނެ. ނަމަވެސް އެންމެ ފަހަރަކު ވެސް އަހަރެމެންގެ އުމުރު ކަށަވަރުކުރާކަށް ނުވަތަ އެފަދަ ފިޔަވަޅެއް ބޭނުންކުރާކަށް އެދިފައެއް ނުވޭ،" 2025 ވަނަ އަހަރުގެ ޓެސްޓުތައް ކުރިއަށް ގެންދިޔަ ކޭ.ޖޭ.އާރް ކުންފުނީގެ ޑިރެކްޓަރު އެންޑްރޫ ހެމަންޑް ވިދާޅުވި އެވެ.

ހެމަންޑް ވިދާޅުވި ގޮތުގައި، ޓެސްޓުކުރުމަށް ހެދި 50 އެކައުންޓް ވެސް މިހާރު ހުރީ އެކްޓިވްކޮށެވެ. މި އެކައުންޓްތައް ބަހާލާފައިވަނީ އުމުރުގެ ހުރަސްތައް ކުރިމަތިކޮށްފައިވާ 10 ޕްލެޓްފޯމްގެ ތެރެއިން ނުވަ ޕްލެޓްފޯމެއްގެ މެދުގަ އެވެ. އޭގެ ތެރޭގައި މެޓާގެ އިންސްޓަގްރާމް، ސްނެޕްގެ ސްނެޕްޗެޓް، ޓިކްޓޮކް އަދި އަލްފަބެޓްގެ ޔޫޓިއުބް ހިމެނެ އެވެ.

ޓެސްޓުކުރުމަށް ހެދި ބައެއް އެކައުންޓްތަކަށް ޒުވާނުންނަށް ހާއްސަ ބޭންކިން އުފެއްދުންތަކުގެ އިޝްތިހާރުތައް ލިބިފައިވާ ކަމަށާއި، މިއީ އެ މީހުންގެ އުމުރު އެ ޕްލެޓްފޯމްތަކަށް އަންދާޒާ ކުރެވޭކަމުގެ ހެއްކެއް ކަމަށް ހެމަންޑް ވިދާޅުވި އެވެ. އަދި އީލޮން މަސްކްގެ އެކްސްގައި 16 އަހަރު ކަމަށް ބުނެ ހެދި އެކައުންޓަކަށް ބަރަހަނާ މަންޒަރުތައް ފެންނަ ކޮންޓެންޓް ލިބިފައިވާ ކަމަށް ވެސް އޭނާ ވިދާޅުވި އެވެ.

މި ދިރާސާއިން ދެއްކި ގޮތުގައި އުމުރު ސާބިތުކޮށްދޭ ލިޔުމެއް ނެތި އެކައުންޓް ހެދުމަށް ހުރަސް އެޅީ ހަމައެކަނި އޮސްޓްރޭލިއާގެ ލައިވް-ސްޓްރީމިން ޕްލެޓްފޯމެއް ކަމަށްވާ 'ކިކް' އިން އެކަންޏެވެ.

މިކަމާ ގުޅޭ ގޮތުން ސްނެޕް އަދި ޓިކްޓޮކުން އެއްޗެއް ބުނަން އިންކާރުކޮށްފައިވާއިރު، ގޫގްލް އަދި ސްޕޭސް އެކްސްގެ ދަށުން ހިންގާ އެކްސް އިން މައުލޫމާތު ހޯދުމަށް އެދުމުން އެއްވެސް ޖަވާބެއް ދީފައެއް ނުވެ އެވެ.

މެޓާގެ ތަރުޖަމާނަކު ވިދާޅުވީ، ހެމަންޑްގެ ޓީމުން ކުރިއަށް ގެންދިޔަ ޓެސްޓުތަކަކީ ރެގިއުލޭޓަރުންގެ އިރުޝާދުތަކާ ފުށުއަރާ ކަމެއް ކަމަށެވެ. އެ އިރުޝާދުތަކުގައި ވަނީ ބޭނުންކުރާ މީހާގެ އުޅުމަށް ބަލައި އޭނާއަކީ އުމުރު ހަމަނުވާ ކުއްޖެއް ކަމަށް ޝައްކުކުރެވޭ ނަމަ ނުވަތަ އެކައުންޓަކާ މެދު ޝަކުވާއެއް ލިބިއްޖެ ނަމަ ރަސްމީކޮށް އުމުރު ކަށަވަރުކުރުމުގެ މަރުހަލާ ކުރިއަށް ގެންދިއުމަށެވެ.

އީ-ސޭފްޓީ ކޮމިޝަނަރުގެ ތަރުޖަމާނަކު ވިދާޅުވީ، އުމުރުގެ ހުރަސްތައް އޮންނަ ޕްލެޓްފޯމްތަކުގައި 16 އަހަރުން ދަށުގެ ކުދިން އެކައުންޓް ހެދުން ހުއްޓުވުމަށް ބޭނުންވާ ޓެކްނޮލޮޖީ އާއި ވަސީލަތްތައް ހުންނާނެ ކަމުގެ ފުރިހަމަ އިތުބާރު އެ އިދާރާއަށް އެބައޮތް ކަމަށެވެ.

އަދި އިރުޝާދު ދީފައިވާ ގޮތަށް ވަރުގަދަ ފިޔަވަޅުތަކެއް އެޅުމުން، އެއްވެސް މަރުހަލާއެއްގައި ނިޒާމު ފޭލްވިޔަ ނުދީ ހިފެހެއްޓޭނެ ކަމަށް ވެސް އެ ތަރުޖަމާނު ވިދާޅުވި އެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox