އިރާނުން އާގު ބޯޓަކަށް ހަމަލާ ދިނުމުން އެމެރިކާއިން ވަރުގަދަ ރައްދެއް ދީފި

Jun 27, 2026, 8:33 AM
ހޮރުމޫޒު ކަނޑައޮޅިން ދަތުރުކުރަމުން ދިޔަ އާގުބޯޓެއް

ހޮރުމޫޒު ކަނޑައޮޅިން ދަތުރުކުރަމުން ދިޔަ އާގުބޯޓެއް

ހޮރުމޫޒު ކަނޑުއޮޅިން ދަތުރުކުރި މުދާ އުފުލާ ބޯޓަކަށް އިރާނުން ހަމަލާދިނުމާ ގުޅިގެން، އެމެރިކާއިން އިރާނަށް ވަރުގަދަ ވައިގެ ހަމަލާތަކެއް ދީފި އެވެ.

އެމެރިކާގެ ރައީސް ޑޮނަލްޑް ޓްރަމްޕް ވަނީ އިރާނުން މި ހަމަލާ ދީފައިވަނީ ދެގައުމުގެ ދެމެދުގައި ގާއިމުކޮށްފައިވާ ހަނގުރާމަ ހުއްޓާލުމުގެ އެއްބަސްވުމާ ކަނޑައެޅިގެން ހިލާފަށް ކަމަށް ވިދާޅުވެ، އެއީ ބުއްދިވެރިނޫން އަމަލެއްގެ ގޮތުގައި ސިފަކުރައްވާފަ އެވެ.

އެމެރިކާގެ ސެންޓްރަލް ކޮމާންޑުން ހާމަކުރި ގޮތުގައި ހުކުރު ދުވަހު ދިން މި ހަމަލާތަކުގައި އިރާނުގެ މިސައިލާއި ޑްރޯން ރައްކާކުރާ މަރުކަޒުތަކަށާއި އައްސޭރިފަށުގެ ރާޑަރު ސިސްޓަމްތަކަށް ވަނީ އަމާޒުކޮށްފަ އެވެ.

Advertisement

މި ހަމަލާތަކަކީ ބުރާސްފަތި ދުވަހު މުދާ އުފުލާ ބޯޓަކަށް އިރާނުން ދިން ޑްރޯން ހަމަލާގެ ރައްދުގައި ދިން ހަމަލާތަކެއް ކަމަށް އެމެރިކާއިން ބުނެ އެވެ. 

އެމެރިކާގެ ސެންޓްރަލް ކޮމާންޑުން ނެރުނު ބަޔާނެއްގައި ބުނެފައިވަނީ، އިރާނުން ވިޔަފާރި އުޅަނދުފަހަރަށް ދެމުންދާ ހަމަލާތަކަކީ ބައިނަލްއަގުވާމީ ކަނޑުދަތުރުފަތުރުގެ މިނިވަންކަމަށް އޮތް ނުރައްކަލެއް ކަމަށެވެ.

މި ހަމަލާއަކީ ހަނގުރާމަ ހުއްޓާލުމުގެ އެއްބަސްވުމާ ކަނޑައެޅިގެން ހިލާފު އަމަލެއް ކަމަށް ވެސް އެމެރިކާއިން ބުނެއެވެ. ނަމަވެސް އީރާނުން ބުނަމުންދަނީ އެ ބޯޓަށް ހަމަލާދިނީ ހުއްދަ ނޫން މަގަކުން ދަތުރުކުރަމުން ދިއުމުގެ ސަބަބުން ކަމަށެވެ.

އިރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ވަނީ އެމެރިކާއަކީ އެއްބަސްވުންތަކާ ހިލާފުވާ ބައެއްގެ ގޮތުގައި ސިފަކޮށްފަ އެވެ. އިރާނުން ބުނި ގޮތުގައި އެމެރިކާގެ ހަމަލާތަކަށް ރައްދު ދިނުމުގެ ގޮތުން އެ ގައުމުގެ ކަނޑުގެ ސިފައިން ވަނީ އެ ސަރަހައްދުގައި ހުރި އެމެރިކާގެ އަސްކަރީ މަރުކަޒުތަކަށް ހަމަލާދީފަ އެވެ. އަދި އެމެރިކާއިން މިފަދަ އަމަލެއް ތަކުރާރުކޮށްފިނަމަ، ދެން ދޭ ރައްދު މިއަށްވުރެ ވަރުގަދަވާނެ ކަމުގެ އިންޒާރު ވެސް އިރާނުން ވަނީ ދީފައެވެ.

މި ހަމަލާތަކާ ގުޅިގެން އެމެރިކާގެ ނައިބު ރައީސް ޖޭޑީ ވެންސް ވިދާޅުވީ، އެއްބަސްވުން ތަންފީޒުކުރުމުގައި އިރާނުގެ އެއްވެސް ޝަކުވާއެއް އޮތް ނަމަ މަޝްވަރާގެ މަގު އިހުތިޔާރު ކުރެވޭނެ ކަމަށެވެ. ނަމަވެސް އަނިޔާވެރިކަމަށް ރައްދު ދޭނީ އަނިޔާވެރިކަމުން ކަމަށް އޭނާ ވިދާޅުވިއެވެ.

އަނެއްކޮޅުން އިރާނުގެ ގާނޫނު މަޖިލީހުގެ ގައުމީ ސަލާމަތާ ބެހޭ ކޮމިޝަނުގެ ރައީސް އިބްރާހީމް އަޒީޒީ ވިދާޅުވީ، މަޝްވަރާތައް ކުރިއަށްދަނިކޮށް އެމެރިކާއިން ހަމަލާދިނުމަކީ އެ ގައުމުން އަބަދުވެސް ކުރާ ކަމެއް ކަމަށާއި، މީގެ ސަބަބުން އެމެރިކާއަށް ލިބޭނީ ލަދުވެތިކަމާއި ހިތާމަ ކަމަށެވެ.

ހޮރުމޫޒު ކަނޑުއޮޅިއަކީ ދުނިޔޭގެ ތެލާއި ގޭހުގެ ވިޔަފާރީގައި މުހިންމު ދައުރެއް އަދާކުރާ މަގަކަށްވާއިރު، މި ހަމަލާތަކާ ގުޅިގެން ދުނިޔޭގެ ބާޒާރުގައި ތެލުގެ އަގު ވަނީ އުފުލިފަ އެވެ.

މިދިޔަ ޖޫން މަހުގެ 17 ވަނަ ދުވަހު އެމެރިކާއާއި އިރާނާ ދެމެދު ވެވުނު އެއްބަސްވުމުގައި، 60 ދުވަހުގެ މުއްދަތަށް އެއްވެސް ފީއަކާ ނުލައި އުޅަނދުފަހަރަށް ދަތުރުކުރެވޭނެ މަގު ފަހިކޮށްދިނުމަށް އިރާނުން އެއްބަސްވެފައިވެ އެވެ. ނަމަވެސް އިރާނުން މިހާރު އުޅަނދުފަހަރުގެ އަތުން ފީ ނަގަމުންދާ ކަމަށް ބުނެ އެމެރިކާއިން ދަނީ ކަންބޮޑުވުން ފާޅުކުރަމުންނެވެ.

ބުރާސްފަތި ދުވަހު ހަމަލާ އަމާޒުވި "އެވަރ ލަވްލީ" ބޯޓުގެ ވެރިފަރާތް ކަމަށްވާ އެވަރގްރީން ކުންފުނިން ބުނީ، ބޯޓަށް ހަމަލާދިން އިރު އެ ބޯޓު ދަތުރުކުރަމުން ދިޔައީ ބައިނަލްއަގުވާމީ އިދާރާތަކުން ކަނޑައަޅާފައިވާ ރައްކާތެރި މަގުން ކަމަށެވެ. 

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox