ކުޑަކުދިންނަށް ހަމަލާ އަމާޒުކުރަނީ ފަލަސްތީނުގެ ނަސްލު ނައްތާލުމަށް ކަމަށް އދ. ގެ ތަހުގީގީ ކޮމިޝަނަކުން ބުނެފި

Jun 24, 2026, 6:45 AM
ފޮޓޯ: އީޕީއޭ

ފޮޓޯ: އީޕީއޭ

އިސްރާއީލުން ފަލަސްތީނުގެ ކުޑަކުދިންނަށް ގަސްތުގައި އަމާޒުކޮށް ހަމަލާދީ، ޣައްޒާގައި ނަސްލު ނައްތާލުމުގެ އަމަލުތަކާއި، އިންސާނިއްޔަތާ ހިލާފު ޖަރީމާތަކާއި، ހަނގުރާމައިގެ ކުށްތައް ހިންގާފައިވާ ކަމަށް އދ. ގެ ތަހުގީގީ ކޮމިޝަނަކުން ބުނެފި އެވެ.

މީގެ އިތުރުން އިސްރާއީލުން ހިފާފައިވާ ހުޅަނގު އައްސޭރީގައި ވެސް ހަނގުރާމައިގެ ކުށްތައް ހިންގާފައިވާ ކަމަށް އެ ކޮމިޝަނުން ފާހަގަކޮށްފައިވެ އެވެ.

ތަހުގީގަކަށް ފަހު ނެރުނު ރިޕޯޓެއްގައި ތުހުމަތުކޮށްފައިވާ ގޮތުގައި، އިސްރާއީލުގެ ކަމާބެހޭ އިދާރާތަކުންނާއި ސަލާމަތީ ބާރުތަކުން ވަނީ "ފަލަސްތީނުގެ އެތައް ލައްކަ ކުޑަކުދިންނެއް މަރާލުމަށާއި، އެ ކުދިންގެ ހަށިގަނޑަށާއި ނަފްސަށް ބޮޑެތި ގެއްލުންތައް ދިނުމަށް ގަސްތުގައި އަމަލުތަކެއް ހިންގާފަ އެވެ."

އަދި މިދިޔަ އޮކްޓޯބަރު މަހު ޣައްޒާގައި އިއުލާންކުރި ހަނގުރާމަ ހުއްޓާލުމުގެ އެއްބަސްވުމަށް ފަހު ވެސް، ކުޑަކުދިން މެރުން ހުއްޓާނުލާ ކުރިއަށް ގެންގޮސްފައިވާ ކަމަށް އެ ރިޕޯޓުގައިވެ އެވެ.

އެ ކޮމިޝަނުން ބުނި ގޮތުގައި، އިސްރާއީލުގެ މި އަމަލުތަކަކީ "ޣައްޒާގެ ކުޑަކުދިންނަށް އަމާޒުކޮށްގެން ފަލަސްތީނުގެ މުސްތަގުބަލު ދުއްވާލުމަށް ހިންގާ ވަކި ސިޔާސަތެއްގެ ދަށުން ކުރާ ކަންތައްތަކެއް" ކަމަށް ނިންމުމަށް އެކަށީގެންވާ ހެކި އެބަ ހުއްޓެވެ.

އިސްރާއީލުގެ ފޮރިން މިނިސްޓްރީން ވަނީ އެ ކޮމިޝަނުގެ ރިޕޯޓު "މުޅިން ދޮގުކޮށް"، އެއީ އަބުރު ކަތިލުމަށް ހިންގާ "އޮޅުވާލުމެއް" ކަމަށް ބުނެފަ އެވެ. އަދި އެއީ މީގެ ކުރިން ވެސް ނެރެފައިވާ ރިޕޯޓުތަކެކޭ އެއްފަދަ، އެއްވެސް ހަގީގަތެއް ނެތް "ޕްރޮޕެގެންޑާ" އެއް ކަމަށް ވެސް އިސްރާއީލުން ސިފަކޮށްފައިވެ އެވެ.

އިސްރާއީލު ސިފައިން ޣައްޒާއަށް ހަމަލާދޭން ފެށީ 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު އެވެ. 

މިހާތަނަށް މަދުވެގެން 73,035 މީހުން މަރުވެފައިވާ ކަމަށް ޣައްޒާގެ ހެލްތު މިނިސްޓްރީން ބުނެ އެވެ. މީގެ ތެރޭގައި 21,280 އަށްވުރެ ގިނަ ކުޑަކުދިން ހިމެނޭއިރު، މި ތަފާސްހިސާބުތަކަކީ ސައްހަ ހިސާބުތަކެއް ކަމަށް އދ. އިން ގަބޫލުކުރެ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox