އޮސްޓްރޭލިއާގައި ރެކޯޑް އަދަދެއްގެ ކޮކެއިން އަތުލައިގަނެފި

Jun 22, 2026, 9:19 AM
ފޮޓޯ: އޮސްޓްރޭލިއަން ފެޑަރަލް ޕޮލިސް

ފޮޓޯ: އޮސްޓްރޭލިއަން ފެޑަރަލް ޕޮލިސް

އޮސްޓްރޭލިއާގެ ސިޑްނީގެ ހުޅަނގުން ބިންގަރާހެއްގެ ތެރެއިން 2.7 ޓަނުގެ ކޮކެއިން އެ ގައުމުގެ ފުލުހުން އަތުލައިގަނެފި އެވެ. މިއީ އެ ގައުމުގެ ތާރީހުގައި ވެސް މިހާތަނަށް އެއްފަހަރާ އަތުލައިގަތް އެންމެ ގިނަ އަދަދުގެ މަސްތުވާތަކެތި ކަމަށް ފުލުހުން ބުނެ އެވެ.

ގާތްގަނޑަކަށް 816 މިލިއަން އޮސްޓްރޭލިއަން ޑޮލަރުގެ މަގުމަތީ އަގު ހުރި މި ތަކެތި ފެނިފައިވަނީ މިދިޔަ ހުކުރު ދުވަހު އެވެ. 

ފުލުހުން ފެނުމާއެކު ފިލަން މަސައްކަތް ކުރި އުމުރުން 21 އަހަރާއި 25 އަހަރުގެ ދެ ފިރިހެނުން ވަނީ ހައްޔަރުކޮށްފަ އެވެ. އެ މީހުންގެ މައްޗަށް އުފުލާފައިވަނީ ގަވާއިދާ ހިލާފަށް އެތެރެކޮށްފައިވާ މަނާ މަސްތުވާތަކެތި ވިޔަފާރި އުސޫލުން ގެންގުޅުމުގެ ދައުވާ އެވެ.

Advertisement

ފުލުހުން ބުނާ ގޮތުގައި މިއީ ރޭވުންތެރިކަމާއެކު ކުށްކުރާ ގްރޫޕެއްގެ އިރުޝާދުގެ ދަށުން، ނޯތު ކުއީންސްލޭންޑްގެ ކުޑަ ރަށެއް ކަމަށްވާ މިޖް ޕޮއިންޓް މެދުވެރިކޮށް އޮސްޓްރޭލިއާއަށް އެތެރެކޮށްފައިވާ ތަކެއްޗެވެ.

ހޮނިހިރު ދުވަހު ކޯޓަށް ހާޒިރުކުރުމަށް ފަހު ބަންދުގައި ބޭތިއްބުމަށް އަމުރުކޮށްފައިވާ ދެ މީހުންގެ މައްޗަށް ކުށް ސާބިތުވެއްޖެ ނަމަ، އުމުރު ދުވަހުގެ ޖަލު ހުކުމެއް އަންނާނެ އެވެ.

ފުލުހުން ހާމަކުރި ގޮތުގައި ލަންޑަންޑެރީގެ އެ އިމާރާތް ރޭޑްކޮށްފައިވަނީ "އޮޕަރޭޝަން މިންޖިއަންގް" ގެ ދަށުންނެވެ. މި އޮޕަރޭޝަން ފަށާފައިވަނީ މިދިޔަ މޭ މަހު މިޖް ޕޮއިންޓްގެ ބޯޓު ފަހަރު ކައިރިން ކަނޑުމަތީގައި އޮޔާދަނިކޮށް 40 ކިލޯގެ ކޮކެއިން ފެނުމާ ގުޅިގެންނެވެ.

މި ތަކެތި ފެނުމާ ގުޅިގެން ފެށި ތަހުގީގުގެ ތެރެއިން، ކުއީންސްލޭންޑާއި ނިއު ސައުތު ވޭލްސް އިން އިތުރު ހަ މީހަކު ހައްޔަރުކޮށް ދައުވާ އުފުލާފައިވާ ކަމަށް ފުލުހުން މިދިޔަ ހަފުތާގައި ބުނެފައިވެ އެވެ.

މީގެ އިތުރުން، މި މަސްތުވާތަކެތި އެތެރެކުރުމުގެ އޮޕަރޭޝަނުގައި ބޭނުންކުރި ކަމަށް ތުހުމަތުކުރެވޭ މައި އުޅަނދެއް ސޮލޮމަން އައިލެންޑްސްއިން މިހާރު ވަނީ ހިފަހައްޓާފަ އެވެ.

ޔުނިވާސިޓީ އޮފް ނިއު ސައުތު ވޭލްސްއިން ހިންގާ ގަވާއިދާ ހިލާފު މަސްތުވާތަކެތި މޮނިޓާ ކުރާ ނިޒާމަކުން ދައްކާ ގޮތުގައި، އޮސްޓްރޭލިއާއަކީ މަސްތުވާތަކެތީގެ ވިޔަފާރީގައި ބޮޑު ފައިދާއެއް ލިބޭ މާކެޓެކެވެ. އެ ގައުމުގައި އާންމުކޮށް ކޮކެއިން ގްރާމެއްގެ އަގު ހުންނަނީ ގާތްގަނޑަކަށް 300 އޮސްޓްރޭލިއަން ޑޮލަރަށެވެ.

އދ. އިން މިދިޔަ އަހަރު ނެރުނު ދުނިޔޭގެ މަސްތުވާތަކެތީގެ ރިޕޯޓުން ދައްކާ ގޮތުގައި، ދުނިޔޭގެ ނިސްބަތުން އެންމެ ގިނައިން ކޮކެއިން ބޭނުންކުރަނީ އޮސްޓްރޭލިއާ އާއި ނިއުޒީލޭންޑްގެ ރައްޔިތުންނެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox