ދިވެހި ޑިޒައިނަރެއްގެ ކުރެހުން ހުއްދަ ނުހޯދައި ބޭނުންކުރުމަށް ފަހު ޕީއެސްއެމްއިން ބުނީ ކޯޓަށް ދިޔަޔަސް ދިފާއުވެވޭނެ ކަމަށް

Jun 2, 2026, 8:15 PM
ޓީވީއެމްގެ ކަވަރޭޖުގައި ނިޔާޒުގެ ބޮޑުމަސް ކުރެހުން ބޭނުންކޮށްފައި

ޓީވީއެމްގެ ކަވަރޭޖުގައި ނިޔާޒުގެ ބޮޑުމަސް ކުރެހުން ބޭނުންކޮށްފައި

ދިވެހި ޑިޒައިނަރު އަދި ތްރީޑީ އާޓިސްޓް ހުސައިން ނިޔާޒުގެ ކުރެހުމެއް ހުއްދަ ނުހޯދައި ބޭނުންކުރި މައްސަލައެއް ފެންމަތިވެ އެކަމުގެ ޝަކުވާ ޕަބްލިކް ސާވިސް މީޑިއާ (ޕީއެސްއެމް) އަށް ހުށަހެޅުމުން އެ ކަމުގައި ގާނޫނި ފިޔަވަޅު އަޅައިދިނުމަށް ކޯޓަށް ދިޔަ ނަމަވެސް ދިފާއުވެވޭނެ ކަމަށް އެ ކުންފުނިން ނިޔާޒުއަށް އަންގައިފި އެވެ. 

މި އަހަރުގެ ބޮޑު އީދު ކަވަރޭޖުގައި ޕީއެސްއެމްގެ ޓެލެވިޝަން މޯލްޑިވްސްއިން ބޭނުންކުރި ބްރޭންޑިންގައި ހިމެނޭ ބޮޑުމަހަކީ ނިޔާޒުގެ ތްރީޑީ ކުރެހުމެކެވެ. މިއީ އޭނާގެ ކުރެހުމެއް ދައުލަތުގެ މީޑިއާއިން ވަގަށް ބޭނުންކުރި ދެވަނަ ފަހަރު ކަމަށް ނިޔާޒުގެ ފޭސްބުކްގައި ލިޔެފައިވެ އެވެ. 

"ޓީވީ އެމްއަށް އަޅުގަނޑު މި ބޮޑުމަސް ބޭނުން ކުރަން ހުއްދަ އެއް ނުދެން. މިހުންނަނީ ވަރަށް ދެރަވަރު ކަންކަން.، އަޅުގަނޑުގެ މަސައްކަތުގަވެސް އަގެއް އޮންނަންވާނެ. އަޅުގަނޑު ދާއިރާގަ ކުރާ އެއްވެސް ކަމަކަށް ދުވަހަކު ސަޕޯރޓެއް ދިން ބައެއް ނޫން ޓީވީއެމް އަކީ،" މެއި 27، ގައި އޭނާ ލިޔުނެވެ. 

އޭނާއަކީ ދިވެހި ފޮންޓު ވެސް ފަރުމާކުރާ ކުޅަދާނަ ޓައިޕޯގްރާފަރެކެވެ. އޭނާ ހިލޭ ބޭނުންކުރުމަށް ދޫކޮށްފައިވާ ފޮންޓުތައް ބޭނުންކުރިޔަސް މައްސަލައެއް ނެތް ކަމަށާއި ނަމަވެސް ކުރެހުން ހުއްދަ ނުހޯދައި ބޭނުންކޮށްފައިވާތީ އަގު ދައްކަން ޖެހޭނެ ކަމަށް ނިޔާޒު ލިޔެފައިވެ އެވެ. 

ނިޔާޒުއަށް ޕީއެސްމްއިން ފޮނުވި ޖަވާބު
ނިޔާޒުއަށް ޕީއެސްމްއިން ފޮނުވި ޖަވާބު

އެ މައްސަލަ އީމެއިލް މެދުވެރިކޮށް ޕީއެސްއެމްއަށް ނިޔާޒު ހުށަހެޅުމުން އެ ކުންފުނިން ދިން ޖަވާބު އޭނާ ވަނީ މިއަދު ފޭސްބުކްގައި ހިއްސާކޮށްފަ އެވެ. 

ޕީއެސްއެމްގެ ލީގަލް ޑިޕާޓްމަންޓުން ނިޔާޒުއަށް ފޮނުވާފައިވާ އީމެއިލްގައި ބުނެފައިވާ ގޮތުގައި ގާނޫނީ ފިޔަވަޅު އަޅައިދިނުމަށް ނިޔާޒު ކޯޓަށް ދިޔަ ނަމަވެސް އެކަމުން ދިފާއުވެވޭނެ ކަމަށެވެ. 

"ޓީވީއެމް ފަދަ ކުންފުންޏަކުން އާންމު ޑިޒައިނަރެއްގެ މަސައްކަތުން ވައްކަމެއް ކޮށްފައި އަދިވެސް އެކަމަށް އިންކާރުކޮށް، ހުއްޖަތު ދައްކަން ކޯޓަށް. މަރުހަބާ. އެދެނީ ވީހާވެސް ގިނަ ބައެއްގެ އެހީތެރިކަމަށް،" އެ ޖަވާބު ހިއްސާކުރަމުން ނިޔާޒު މިއަދު ފޭސްބުކްގައި ލިޔުނެވެ. 

ޕީއެސްއެމްގެ އިތުރުން ބައެއް އެހެން ފަރާތްތަކުން ވެސް ވަނީ ނިޔާޒުގެ ކުރެހުން ބޭނުންކޮށްފަ އެވެ. އޭނާ ވަނީ އެ ޕޯސްޓުތައް ހިއްސާކޮށް ކަންބޮޑުވުން ފާޅުކޮށްފަ އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox