ރަޝިޔާ-ޔޫކްރޭން ހަނގުރާމަ ތިން ދުވަހަށް މެދުކަނޑާލައި، އަސީރުން ބަދަލުކުރަން އެއްބަސްވެއްޖެ

May 9, 2026, 6:59 AM
ރަޝިޔާގެ ރައީސް ވްލަޑިމިއަރް ޕުޓިން (ކ)، އެމެރިކާގެ ރައީސް ޑޮނަލްޑް ޓްރަމްޕް އަދި ޔޫކްރޭންގެ ރައީސް ވޮލޮޑިމިއަރް ޒެލެންސްކީ

ރަޝިޔާގެ ރައީސް ވްލަޑިމިއަރް ޕުޓިން (ކ)، އެމެރިކާގެ ރައީސް ޑޮނަލްޑް ޓްރަމްޕް އަދި ޔޫކްރޭންގެ ރައީސް ވޮލޮޑިމިއަރް ޒެލެންސްކީ

ރަޝިޔާ އާއި ޔޫކްރޭނާ ދެމެދު ކުރަމުންދާ ހަނގުރާމަ ތިން ދުވަހުގެ މުއްދަތަށް މެދުކަނޑާލުމަށް ނިންމާފައިވާކަން އެމެރިކާގެ ރައީސް ޑޮނަލްޑް ޓްރަމްޕް އިއުލާން ކުރައްވައިފިއެވެ.

ޓްރަމްޕްގެ އަމިއްލަ ސޯޝަލް މީޑިއާ ޕްލެޓްފޯމް ކަމަށްވާ ޓްރުތްގައި ހުކުރު ދުވަހު ކުރެއްވި ޕޯސްޓެއްގައި ވިދާޅުވީ، މި މަހުގެ 9 އިން 11 އަށް ހަނގުރާމަ ހުއްޓާލުމަށް ދެ ގައުމުން އެއްބަސްވެފައިވާ ކަމަށެވެ. 

މި ނިންމުމާ ގުޅިގެން ޔޫކްރޭނުގެ ރައީސް ވޮލޮޑިމީރް ޒެލެންސްކީ އެކްސްގައި ކުރެއްވި ޕޯސްޓެއްގައި ވިދާޅުވީ، ހަތަރު އަހަރަށްވުރެ ގިނަ ދުވަސްވެފައިވާ މި ހަނގުރާމަ ނިމުމަކަށް ގެނައުމަށް އެމެރިކާއިން ކުރަމުންދާ މަސައްކަތުގެ ދަށުން ތިން ދުވަހުގެ މުއްދަތަށް ހަނގުރާމަ ހުއްޓާލުމަށް އެއްބަސްވެފައިވާ ކަމަށެވެ.

Advertisement

ރަޝިޔާގެ ރައީސްގެ އެހީތެރިޔާ ޔޫރީ އުޝަކޯވް ވިދާޅުވި ގޮތުގައި، މި އެއްބަސްވުމަށް އާދެވުނީ އެމެރިކާގެ ސަރުކާރާއެކު ފޯނުން ކުރެވުނު މަޝްވަރާތަކަށް ފަހުގައެވެ. އަދި މިކަމާ ގުޅޭގޮތުން ރައީސް ލަޑިމިއަރ ޕުޓިން އާއި ޓްރަމްޕް ފޯނުން ވާހަކަ ދައްކަވާފައިވާ ކަމަށާއި، ދެވަނަ ބޮޑު ހަނގުރާމައިގައި ދެ ގައުމަކީ ބައިވެރިންކަން ފާހަގަކޮށް، ރަޝިޔާގެ ނަސްރުގެ ދުވަހުގެ މުނާސަބަތުގައި ހަނގުރާމަ މެދުކަނޑާލުމާ ގުޅޭގޮތުން މަޝްވަރާ ކުރެއްވި ކަމަށް އޭނާ ވިދާޅުވިއެވެ.

ރަޝިޔާއިން މީގެ ކުރިން ވެސް ވަނީ ނަސްރުގެ ދުވަހާ ގުޅިގެން ދެ ދުވަހުގެ މުއްދަތަށް އެއްފަރާތުން ހަނގުރާމަ ހުއްޓާލާނެކަން އިއުލާންކޮށްފައެވެ. ޓްރަމްޕް ވިދާޅުވި ގޮތުގައި މި ފަހަރުގެ ހަނގުރާމަ ހުއްޓާލުމަކީ ސީދާ އެމަނިކުފާނު އެދިވަޑައިގެންނެވި ކަމެކެވެ. އަދި މި އެއްބަސްވުމުގެ ދަށުން ދެ ގައުމުގެ މެދުގައި ކޮންމެ ގައުމަކުން އެއްހާސް ހަނގުރާމަވެރިން ބަދަލުކުރުމަށް ވެސް ވަނީ ނިންމާފައެވެ. މިކަން ރައީސް ޒެލެންސްކީ ވެސް ވަނީ ކަށަވަރުކޮށްދެއްވާފައެވެ.

ހަނގުރާމަ ދާއިމީކޮށް ހުއްޓާލުމާ ގުޅޭގޮތުން ވާހަކަދައްކަވަމުން ޓްރަމްޕް ވިދާޅުވީ، މަޝްވަރާތައް ކުރިއަށްދާ ކަމަށާއި ކޮންމެ ދުވަހަކު ވެސް ހައްލަކާ ގާތްވަމުންދާ ކަމަށެވެ. އަދި މިއީ ވަރަށް ދިގުލައިގެން ގޮސްފައިވާ ނުރައްކާތެރި ހަނގުރާމައެއް ނިމުމަކަށް އައުމުގެ ފެށުން ކަމަށް އުންމީދު ކުރައްވާ ކަމަށް ވެސް އެމަނިކުފާނު ވިދާޅުވިއެވެ. ޓްރަމްޕްގެ ރިޔާސީ ކެމްޕޭނުގައި ވެސް އެންމެ ބޮޑު އިސްކަމެއް ދެއްވާފައިވަނީ ވެރިކަމަށް ވަޑައިގަންނަވާތާ ސައުވީސް ގަޑިއިރު ތެރޭގައި މި ހަނގުރާމަ ހުއްޓުވާނެ ކަމަށެވެ. ނަމަވެސް، ވެރިކަމަށް އަހަރަކަށްވުރެ ގިނަ ދުވަސް ވެފައިވާއިރު، މިހާތަނަށް މިކަމުގައި ބޮޑު ކުރިއެރުމެއް ލިބިފައެއް ނުވެއެވެ.

މިހާރު ކުރިއަށްދާ ސުލްހައިގެ މަޝްވަރާތަކުގައި އެންމެ ބޮޑު ހުރަހަކަށް ވެފައިވަނީ ޔޫކްރޭނުގެ އިރުމަތީ ޑޮނެޓްސްކް ސަރަހައްދެވެ. އެ ސަރަހައްދުގެ ބޮޑު ބައެއް ރަޝިޔާގެ ބާރުގެ ދަށުގައި އޮތްއިރު، ރަޝިޔާއިން ބޭނުންވަނީ ޔޫކްރޭނުގެ ސިފައިން އެ ސަރަހައްދުން ފޭބުމަށެވެ. ނަމަވެސް ޒެލެންސްކީ ވަނީ ޔޫކްރޭނުގެ އެއްވެސް ބިމެއް ދޫކޮށްލުމަށް ތަކުރާރުކޮށް އިންކާރު ކުރައްވާފައެވެ. އެހެންނަމަވެސް، ހަނގުރާމަ ހުއްޓާލުމަށްޓަކައި ބައެއް ބިންތައް ދޫކޮށްލަން ޖެހިދާނެ ކަމަށް ޓްރަމްޕާއި ކިއީވްގެ މޭޔަރު ވިޓާލީ ކްލިޝްކޯ މީގެ ކުރިން ވަނީ އިޝާރާތް ކުރައްވާފައެވެ.

މި މަޝްވަރާތަކުގެ ތެރެއިން، ޔޫކްރޭނުގެ އިސް މަންދޫބު ރުސްތަމް އުމަރޯވް މިހާރު ހުންނެވީ އެމެރިކާގެ މިއާމީގައެވެ. އޭނާ އެމެރިކާގެ މަންދޫބުންނާ ބައްދަލުކުރައްވަމުން ގެންދަވަނީ ފާއިތުވި މަސްތަކުގައި ހުއްޓިފައިވާ ސުލްހައިގެ ވާހަކަތައް އަލުން ފެށުމަށެވެ. 

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox