އަނގައިގެ ބެކްޓީރިއާއިން އުރަމަތީ ކެންސަރު ޖައްސަފާނެ

Feb 2, 2026, 1:31 AM
އަނގައިގެ ބެކްޓީރިއާއިން އުރަމަތީ ކެންސަރު ޖައްސަފާނެ

އިންސާނުންގެ އަނގައިގެ ތެރޭގައި ދިރިއުޅޭ ބެކްޓީރިއާތަކަކީ، ހިރުގަނޑާއި ދަތްތަކުގެ ވަށައިގެންވާ ސަރަހައްދު ފާރުކޮށްލުމުގެ އިތުރުން ސިއްހީ އެހެން މައްސަލަތަކެއް މެދުވެރިކުރުވަފާނެ ނުރައްކާތެރި އެއްޗެއް ކަމަށް ސައެންސްވެރިން ބުނެފިއެވެ. ޖޯން ހިޕްކިންސް ކިމެލް ކެންސަރު ސެންޓަރާއި ބްލޫމްބާގް ކިމެލް ކިމެލް އިންސްޓިޓިއުޓް ފޯ ކެންސާ އިމިއުނޯތެރަޕީގެ ސައެންސްވެރިން ގުޅިގެން ކުރި ދިރާސާއެއްގެ ރިޕޯޓްގައި ބުނެފައިވާ ގޮތުން، އަނގައިގެ ތެރޭގައި އުޅޭ ބެކްޓީރިއާއަކީ އުރަމަތީ ކެންސަރުގެ ސެލްތައް އިތުރަށް ހީވާގިކޮށް، އެ ސެލްތަކުގެ ނުރައްކާތެރިކަން އިތުރުކޮށްދީފާނެ އެއްޗެކެވެ.

އެމީހުން ލެބޯޓޭރީގައި ކުރި އަޖުމަބެލުމުގެ ތަހުލީލުތަކުން އެނގުނު ގޮތުގައި އަނގައިގެ ތެރޭގައި އުޅޭ ބެކްޓީރިއާތައް ބައެއް ފަހަރަށް، އުރަމަތީގެ ސެލްތަކުގެ ޑީއެންއޭއަށް ދޭ ގެއްލުންތަކެއްގެ ސަބަބުން، އެ ސެލްތައް، ކެންސަރު ސެލްތަކަކަށް ބަދަލުވުމަށް މަގު ފަހިވެއެވެ. ސެލް ކޮމިޔުނިކޭޝަން އެންޑް ސިގްނަލިން ކިޔާ ޖާނަލްގައި ޝާއިއުކޮށްފައިވާ ދިރާސާ ރިޕޯޓްގައި ބުނެފައިވާ ގޮތުން މިހާތަނަށް ބެލެވިފައި އޮތީ، އަނގައިގެ ތެރޭގައި އުޅޭ ބެކްޓީރިއާތަކާ ގުޅިފައިވަނީ ބޮޑުގޮހޮރާއި ފުރަގަސްފަރާތުގެ ކެންސަރާއި އެހެން ބައެއް ބާވަތުގެ ކެންސަރާ ކަމަށެވެ.

އެހެން ނަމަވެސް، މި ފަހުގެ ދިރާސާތަކުން ކަށަވަރުވާ ގޮތުގައި އަނގައިގެ ބެކްޓީރިއާތަކުގެ ނުރައްކާތައް، އުރަމަތީގެ ކެންސަރާ ވެސް ވަރަށް ބޮޑަށް ގުޅެއެވެ. ދިރާސާއިން ކަށަވަރުވި ގޮތުގައި އަނގައިގެ ބެކްޓީރިއާތައް، ލޭގެ ނިޒާމުގެ ތެރެއަށް ވަދެގެން ހަށިގަނޑުގެ އެކި ގުނަވަންތަކަށް ކުރާ ދަތުރުގައި އުރަމަތީގެ ޓިޝޫތަކުގެ ތެރެއަށް ޖަމާވެ އެ ތަނުގައި ހާލި ހަދައެވެ.

Advertisement

އެއަށް ފަހު އެ ޓިޝޫތަކުގެ ތެރޭގައި ބެކްޓީރިއާތައް އިތުރުވެ ދުޅައެއް އުފެދުމުން އެ ދުޅަ، ގަނޑަކަށް ބަދަލުވެއެވެ. މި ގޮތުން އުރަމަތީގައި ލާ ގަނޑު ގިނަދުވަސްވުމުން ކެންސަރަށް ބަދަލުވާން ފަށައެވެ. މިގޮތް މެދުވެރިވާ މައިގަނޑު ސަބަބަކީ، އެ ބެކްޓީރިއާތަކުގެ ސަބަބުން އުރަމަތީގައި ޓިއުމަރު އުފެދުމަށް މަގުފަހިވާތީއެވެ. މި ގޮތަށް އުރަމަތީގައި އުފެދޭ ކެންސަރުގެ ސެލްތައް ފަހުގެ މަރުހަލާއެއްގައި ފުއްޕާމެއަށް ވެސް ފޯރާ ކަމަށް، ޖަނަވާރު ބޭނުންކޮށްގެން ލެބޯޓެރީގައި ކުރި ތަހުލީލުތަކުން އެނގުނެވެ.

ސައެންސްވެރިން މި ދިރާސާކުރުމަށް ނިންމީ، އަނގަޔާއި ހިރުގަނޑު ފާރުވުމުގެ މައްސަލަ ކުރިމަތިވެފައިވާ ގިނަ ބައެއްގެ ފަރާތުން އުރަމަތީ ކެންސަރުގެ މައްސަލަ ވެސް ފާހަގަކުރެވިފައިވާ ކަން، އެއްކުރި މައުލޫމާތުތަކުން ފާހަގަކުރެވުމުންނެވެ. އެހެންކަމުން، އެކަން އިތުރަށް ކަށަވަރު ކުރުމަށްޓަކައި ދިރާސާކޮށް ލެބޯޓެރީގައި ހެދި ތަހުލީލުތަކުން މިހާރު ވަނީ އެކަން ޔަގީންކުރެވިފައި ކަމަށް ސައެންސްވެރިން ބުނެއެވެ.

މިކަން ކަށަވަރު ކުރުމަށް ލެބޯރެޓަރީގައި ސައެންސްވެރިން ކުރި ތަހުލީލުތަކުގައި، އިންސާނުންގެ އަނގައިގެ ތެރޭގައި އުޅޭ ފިއުޒޯބެކްޓީރިއަމް ނިއުކްލިއޭޓަމް (fusobacterium nucleatum) ކިޔާ ބެކްޓީރިއާއެއް، މީދަލުގެ އުރަމަތީ ސަރަހައްދަށް، އިންޖެކްޝަނެއްގެ ޒަރީއާއިން ފޮނުވިއެވެ. އެ ބެކްޓީރިއާ މީދަލުގެ އުރަމަތީގައި އަށަގަތުމާއެކު، އުރަމަތީގެ ޓިޝޫތަކަށް ބަދަލުތަކެއް އައިސް އެ ސަރަހައްދުގައި ގަނޑު ލާން ފެށިއެވެ. މިއިން އެނގުނީ އެ ސަރަހައްދުގެ ސެލްތަކުގައިވާ ޑީއެންއޭއަށް، އެ ބެކްޓީރިއާގެ ސަބަބުން ގެއްލުންތަކެއް ލިބިފައިވާ ކަމެވެ.

އެއަށް ފަހުގައި، ގަނޑު ލީ ސަރަހައްދުގައި، ބަދަލު އައިސްފައިވާ ޓިޝޫތަކުގެ ތެރޭގައި ސެލްތައް އިތުރަށް އުފެދެން ފެށިއެވެ. މި ގޮތަށް ސެލްތައް އިތުރުވުމަކީ ކެންސަރުގެ ނުރައްކާ އިތުރުވާ ކަމެކެވެ. ފިއުޒޯބެކްޓީރިއަމް ނިއުކްލިއޭޓަމް ކިޔާ ބެކްޓީރިއާ ލޭގެ ތެރެއަށް ވާސިލުވުމާއެކު، ލޭގެ ތެރޭގައި މި ބެކްޓީރިއާތައް އިތުރަށް އާލާވެ، އުރަމަތީގެ ޓިއުމަރު އުފެދުމަށް އެހީއަކަށްވެއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox