ރައްޔިތުންގެ އިންތިހާ ކަންބޮޑުވުން ހުރިއިރު ސާޖިދާ ވިދާޅުވީ ސަރުކާރު މިދަނީ ރަނގަޅު ސިޔާސަތަކާ ދިމާލަށް ކަމަށް!

ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު: އެކަމަނާ ވަނީ ސަރުކާރުގެ މަސައްކަތްތަކަށް ވަރަށް ބޮޑަށް ސަނާ ކިޔުއްވާފައި -- ފޮޓޯ: ޕީއެންސީ

ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު: އެކަމަނާ ވަނީ ސަރުކާރުގެ މަސައްކަތްތަކަށް ވަރަށް ބޮޑަށް ސަނާ ކިޔުއްވާފައި -- ފޮޓޯ: ޕީއެންސީ

ރާއްޖޭގެ އިގުތިސާދީ އަދި އިޖުތިމާއީ ހާލަތާ މެދު ރައްޔިތުންގެ މެދުގައި ބޮޑެތި ކަންބޮޑުވުންތަކެއް ހުރި ދަނޑިވަޅެއްގައި، ސަރުކާރު މިދަނީ ވަރަށް ރަނގަޅު ސިޔާސަތުތަކަކާއެކު ކުރިއަށް ކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ރޭ ވިދާޅުވެއްޖެ އެވެ.

ލޯކަލް ކައުންސިލް އިންތިހާބުގެ މާފަންނު ދެކުނު ދާއިރާގެ ޕީއެންސީ ކެމްޕެއިން ޖަގަހަ ހުޅުވުމަށް ރޭ ބޭއްވި ހަފުލާގައި ސާޖިދާ ވަނީ، ސަރުކާރުގެ މަސައްކަތްތަކަށް ވަރަށް ބޮޑަށް ސަނާ ވިދާޅުވެފަ އެވެ.

ނަމަވެސް އެކަމަނާގެ މި ވާހަކަފުޅުތައް އައިސްފައިވަނީ ޑޮލަރު އަތް ނުފޯރާ ފަށަށް އަރައި، މުދަލުގެ އަގުބޮޑުވުމާއި، ބޭސް ނުލިބުމާއި ބޯހިޔާވަހިކަމުގެ މައްސަލަތަކުގެ އިތުރުން މުއިއްޒު ވީ ވައުދުތައް ނުފުއްދަވާ ކަމުގެ ޝަކުވާތައް ބޮޑުވެފައިވާ ދަނޑިވަޅެއްގަ އެވެ.

ސާޖިދާގެ ބޮޑަށް ބާރުއެޅުއްވީ މުހައްމަދު މުއިއްޒުގެ މަސައްކަތްޕުޅުތަކަށެވެ. އެގޮތުން މާލޭގެ ފުޑް ކޯޓުތައް ފަދަ ތަންތަނަށް އައި ބަދަލުތަކަކީ މުއިއްޒުގެ "މޭސްތިރިކަމުގެ" ދަށުން ކުރެވުނު ކަންކަން ކަމަށް ވިދާޅުވިއެވެ.

އެ މަޝްރޫއަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި އެސްޓީއޯ ހަވާލުކޮށްގެން، އެ ކުންފުނިން ހަރަދުކޮށްގެން ހިންގި މަޝްރޫއު އެކެވެ. މިހާރު ވެސް ފުޑްކޯޓުތައް ބަލަހައްޓަނީ އެސްޓީއޯއިންނެވެ.

ސަރުކާރުގެ މި ފާއިތުވި ދެ އަހަރުގެ ތެރޭގައި ކުރެވުނު ކަންކަމަކީ ރައްޔިތުން ގަބޫލުކުރަންޖެހޭ ކާމިޔާބީތަކެއް ކަމަށް ސާޖިދާ ސިފަކުރެއްވި އެވެ.

ސަރުކާރާ ދެކޮޅު ވިސްނުމުގައި ތިބޭ ބަޔަކު ކައުންސިލަށް ހޮވުމަކީ ނަރައްކަލެއް ކަމަށް ފާހަގަ ކުރައްވައި، ސާޖިދާ ވިދާޅުވީ ސަރުކާރާ އެކީގައި މަސައްކަތް ނުކުރާނަމަ ރައްޔިތުންނަށް އޭގެއިން އެއްވެސް ފައިދާއެއް ނުވާނެ އެވެ.

"އެއީ ސަރުކާރާ ދެކޮޅަށް މަސައްކަތް ކުރުން، ފުރަތަމަ ވިސްނުމުގައި ތިމަންނަމެން މަސައްކަތް ކުރާނީ ސަރުކާރާ ދެކޮޅަށޭ، އެހެން ވިސްނުމުގައި އަންނަނަމަ. ރައްޔިތުންނަށް އޭގެއިން ވާނީ ކޮން ފައިދާއެއްތޯ؟ އެއްވެސް ފައިދާއެއް ނުވާނެ،" ސާޖިދާ ވިދާޅުވި އެވެ.

ސާޖިދާ މިހެން ވިދާޅުވިއިރު މުއިއްޒު ވެރިކަަމަށް ވަޑައިގެން ލާމަރުކަޒީ ގާނޫނަށް ބަދަލުތައް ގެނެސް އަތޮޅު ކައުންސިލްތައް އުވާލައި، ރަށު ކައުންސިލްތަކުގެ ގިނަ ބާރުތަކެއް ވެސް ވަނީ ކަނޑާލާފަ އެވެ.

ކައުންސިލަކީ ސަރުކާރުގެ ސިޔާސަތުތައް ތަންފީޒު ކުރުމުގައި ރައްޔިތުންނާ އެންމެ ގާތުން މަސައްކަތް ކުރާނެ ފަރާތް ކަމަށާއި އެހެންވެ، ހުރިހާ ކަމެއްވެސް ސީދާ ސަރުކާރަށް ގެނެސްދެވޭނެ ބަޔަކު ތިބުމަކީ ރައްޔިތުންނަށް އޭގެ ލާބައާއި މަންފާ ކުރާނެ ކަމެއް ކަމަށް ސާޖިދާ ރޭ ވިދާޅުވިއިރު، ޕީއެންސީގެ މެޖޯރިޓީ އޮތް ރަށްތަކަށް ވެސް މުއިއްޒު ވެވަޑައިގެންނެވި ވައުދުތަކާއި، ފެއްޓެވި މަޝްރޫއުތައް ކުރިއަށް ނުގޮސް އެބަ ހުއްޓެވެ.

ރާއްޖޭގައި މިހާރު ހުރި އިޖުތިމާއީ ގޮންޖެހުންތަކަށް ހައްލު ހޯދުމަށް ރައީސް "އުނދަގޫ ނިންމުންތަކެއް" ނިންމަވަމުން ގެންދަވާ ކަމަށް ސާޖިދާ ވިދާޅުވިއެވެ. އެގޮތުން ވޭޕް މަނާކުރުމަށް ނިންމެވި ނިންމެވުމަށް އިޝާރާތް ކުރައްވައި، ސަރުކާރަށް އެއްބާރުލުން ނުދޭނަމަ އޭގެ ގެއްލުން މުޅި ރައްޔިތުންނަށް ކުރާނެ ކަމަށް ވެސް ސާޖިދާ ވިދާޅުވި އެވެ.

ނަމަވެސް ވޭޕް މަނާކުރަން ނިންމީ އެއްވެސް ކައުންސިލްއަކާ މަޝްވަރާ ކުރުމެއް، އާންމުންގެ ހިޔާލެއް ހޯދުމެއް ނެތި އެވެ.

މި ސަރުކާރު ރަނގަޅު ސިޔާސަތަކަށް ދާކަމަށް ވިދާޅުވިއިރު ރިޔާސީ އިންތިހާބުގައިވި މައިގަނޑު ދެ ވައުދުކަމުގައިވާ ޔާމީން މިނިވަންކުރުމާއި، އިންޑިއާ އަސްކަރިއްޔާ ރާއްޖޭން ބޭރުކުރުމަށް ވީ ވައުދު މުއިއްޒު ނުފުއްދަ އެވެ.

މީގެއިތުރުން މާލޭގެ ތޮއްޖުހުން ކުޑަކޮށް، މަގުތައް ތަރުތީބުކުރުމަށްޓަކައި މަގުތައް އަލުން ހެދުމުގެ މަޝްރޫއު އާއި މާލޭ ހިޔާ ސަރަހައްދުގައި އަޅަން ވައުދުވި ފްލެޓުތަކާއި މާލޭގައި ހަދަން ވައުދުވި ޕާކިން ހައުސްތައް ނުހަދަ އެވެ

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox