ސެމެންޔޯގެ ގޯލާ އެކު މޮޅުވެ ސިޓީ ފައިނަލާ ގާތަށް

Jan 14, 2026, 2:53 AM
ސެމެންޔޯގެ ގޯލާ އެކު މޮޅުވެ ސިޓީ ފައިނަލާ ގާތަށް

ނިއުކާސަލް (ޖެނުއަރީ 14) - އިނގިރޭސި ލީގު ކަޕްގެ އެންމެ ފަހުގެ ޗެމްޕިއަން، ނިއުކާސަލް ޔުނައިޓެޑް ދަނޑުގައި ސެމީ ފައިނަލްގެ ފުރަތަމަ ލެގުގައި 2-0 އިން މޮޅުވެ، މެންޗެސްޓާ ސިޓީން ފައިނަލާ ގާތަށް ޖެހިލައިފި އެވެ.

ބޯންމައުތު ދޫކޮށް ސިޓީ އަށް ބަދަލުވިތާ ހަފްތާއެއް ތެރޭގައި، ސެމެންޔޯ މި ވަނީ ޖެހިޖެހިިގެން ދެ މެޗުގައި ލަނޑު ޖަހައިފަ އެވެ. އެންމެ ފުރަތަމަ އެކްސެޓާ ކޮޅަށް އެފްއޭ ކަޕްގައި ލަނޑު ޖެހިއިރު، ލީގު ކަޕް ސެމީ ފައިނަލުގައި ރޭ ނިއުކާސަލް ދަނޑުގައި ސެމެންޔޯ ވަނީ 53 ވަނަ މިނިޓްގައި، ބެނާޑޯ ސިލްވާ ދިން ބޯޅައަކުން ލަނޑު ޖަހައި، ލީޑުނަގައިދީފަ އެވެ.

އިތުރު ވަގުތުގެ އަށް ވަނަ މިނިޓްގައި، ސިޓީން ދެ ވަނަ ލަނޑު ޖެހީ ރަޔާން އަޔަތު-ނޫރީ ދިން ބޯޅައަކުން ރަޔާން ޗާކީ ވައްދާލި ގޯލުންނެވެ.

މި މެޗުގައި، ނިއުކާސަލަށް ލަނޑެއް ޖަހައިދޭން ޔޮއާން ވިއްސާ ބޮލުން ފޮނުވާލި ހަމަލާއެއް ސިޓީގެ ގޯލު ބެލެހެއްޓި ޖޭމްސް ޓްރަފޯޑް މަތަކުރި އެވެ. އަދި، ނިއުކާސަލްގެ ކެޕްޓަން، ބްރޫނޯ ގިމާރޭސް ފޮނުވާލި ބޯޅައެއް ދަނޑިއަށް އަމާޒުވި އެވެ.

ސިޓީ ދަނޑުގައި ކުޅޭ ދެ ވަނަ ލެގު އަންނަ މަހުގެ ހަތަރު ވަނަ ދުވަހު އޮތްއިރު، އެ މެޗުން ނިއުކާސަލް އަށް ނަތީޖާ އަނބުރާނުލެވިއްޖެނަމަ، ސިޓީ އަށް 2021 ގެ ފަހުން ފުރަތަމަ ފަހަރަށް ލީގު ކަޕް ފައިނަލުން ޖާގަ ލިބޭނެ އެވެ.

ކޮމެންޓް

ފަހުގެ ޚަބަރު

ލިވަޕޫލަށް މޮޅެއް، ޗެލްސީ ބަލި، ޔުނައިޓެޑް ރެލިގޭޝަން ޒޯނަށް

އިނގިރޭސި ޕްރިމިއާ ލީގުގައި ކްރިސްޓަލް ޕެލަސް ބަލިކޮށް ލިވަޕޫލުން މޮޅެއް ހޯދިއިރު، ސަންޑަލެންޑް އަތުން ބަލިވެ ޗެލްސީއަށް ވަނީ ނާކާމިޔާބީއާ ކުރިމަތިލާން ޖެހިފައި. އަދި އެސްޓަން ވިލާއާ 4-4 އިން އެއްވަރުވި މެންޗެސްޓާ ޔުނައިޓެޑް، ލީގުގައި ކުޅުނު 10 މެޗުން ލިބުނު އަށް ޕޮއިންޓާއެކު މިހާރު ވަނީ ރެލިގޭޝަން ޒޯނަށް ވެއްޓިފައި

ހިތްހަމަނުޖެހިފައި ހުރި އުރްބާނީގެ ފާޑުކިޔުން ރެފްރީންނަށް

ސާފް ޗެމްޕިއަންޝިޕްގައި ޕާކިސްތާން އަތުން ރާއްޖެ ބަލިވި މެޗަށް ފަހު، ކޯޗު އުރްބާނީ ވަނީ ރެފްރީގެ ނިންމުންތަކަށާއި ވީއޭއާރް ބޭނުންނުކުރާތީ ވަރަށް ބޮޑަށް ފާޑުކިޔާފައި. މީގެ އިތުރުން، މުބާރާތަށް ރާއްޖެ ތައްޔާރުވި ގޮތާ މެދު ހިތްހަމަނުޖެހުން ފާޅުކުރަމުން އުރްބާނީ ވަނީ ގިނަ ޝަކުވާތަކެއް ކޮށްފައި.

ބޫޓާނުން ލަންކާ ހުއްޓުވިއިރު، ބަންގްލަދޭޝް ސެމީ އަށް

ސާފް ޗެމްޕިއަންޝިޕްގައި ބޫޓާނާއި ސްރީލަންކާ ބައްދަލުކުރި މެޗު 2-2 އިން އެއްވަރުވުމާ ގުޅިގެން، މުބާރާތް ބާއްވާ ގައުމު ކަމަށްވާ ބަންގްލަދޭޝް އަށް ސެމީ ފައިނަލުގެ ޖާގައެއް ކަށަވަރުވެއްޖެ. މި މެޗުގައި ބޫޓާނުން ފުރަތަމަ ލީޑު ނެގި ނަމަވެސް ލަންކާއިން ދެ ލަނޑު ޖަހައި ކުރިހޯދާފައިވަނިކޮށް، ބޫޓާނުން މެޗު އެއްވަރުކުރީ ފަހު ހާފުގައި ޗެންޗޯ ޖެހި ގޯލުން.

ރާއްޖެ ބަލިކޮށް ޕާކިސްތާން ސެމީ އަށް

ޓެކްނޯ ސާފް ޗެމްޕިއަންޝިޕްގައި 3-0 އިން ރާއްޖެ ބަލިކޮށް ޕާކިސްތާނުން މުބާރާތުގެ ސެމީ ފައިނަލުގެ ޖާގައެއް ކަށަވަރުކޮށްފި. މިއީ ފާއިތުވި ފަސް މަސްދުވަހުގެ ތެރޭގައި ޕާކިސްތާނުން ރާއްޖެ ބަލިކުރި ދެވަނަ ފަހަރު ކަމަށްވާއިރު، ރާއްޖެއަށް ސެމީގެ ފުރުސަތު ދެން އޮތީ ތިން ގޯލުގެ ތަފާތުން އިންޑިއާ ބަލިކޮށްގެން

މިސްރު ކޯޗު މަގާމުން ވަކިކޮށްފި

އާއިލީ މައްސަލަތަކެއް ސޯޝަލް މީޑިއާގައި ފެންމަތިވެފައި ވަނިކޮށް، މިސްރުގެ ފުޓްބޯޅަ ޓީމުގެ ކޯޗު ހޮސާމް މަގާމުން ވަކިކޮށް، އެ މަގާމަށް މާހިރު އައްޔަންކޮށްފި. މިސްރުގެ ފުޓްބޯޅަ އެސޯސިއޭޝަނުން މި ނިންމުން ނިންމީ ޓީމުގެ އަބުރު ހިމާޔަތްކުރުމަށް ކަމަށް ބުނެފައިވާއިރު، މީގެ ކުރިން ހޮސާމްގެ ޒާތީ ދިރިއުޅުމުގެ ވާހަކަ ސޯޝަލް މީޑިއާގައި ވަނީ ވައިރަލްވެފައި.

ސާފް މުބާރާތްތަކަށް ވީއޭއާރް މުހިންމު: ނިޒާމްބެ

ސާފް ޗެމްޕިއަންޝިޕްގެ މުހިންމު މެޗުތަކުގައި "ވީއޭއާރް ލައިޓް" ބޭނުންކުރަން ނިންމުމަކީ ފުޓްބޯޅަ ކުރިއަރާފައިވާ މިންވަރަށް ބަލާއިރު މުހިންމު ކަމެއް ކަމަށް ކޯޗު ނިޒާމްބެ ބުނެފި. އޭނާ ފާހަގަކުރި ގޮތުގައި މި ނިޒާމުގެ ސަބަބުން ރެފްރީންގެ ނިންމުންތަކަށް ކުޅުންތެރިން ކުރާ އިތުބާރު ބޮޑުވެ، މުބާރާތުގެ ފެންވަރު ރަނގަޅުވެގެންދާނެ.

ރަންނަމާރި ޗެލެންޖު އިބޫ އާއި އާލިޔާ އަށް، ސާފް ލީގު ޔަސިން އަށް

ގައުމީ ސާފް ލީގުގެ ފަހު މުބާރާތް ކަމަށްވާ ރަންނަމާރި ޗެލެންޖުގެ ފިރިހެން އޯޕަން ކެޓަގަރީގެ ޗެމްޕިއަންކަން ހުސެއިން އަރީފް (އިބޫ) ހޯދިއިރު، އަންހެން ކެޓަގަރީގެ އެއް ވަނަ ހޯދީ އާލިޔާ ލަތީފް. މި މުބާރާތުގެ ޖޫނިއާ ކެޓަގަރީގެ ޗެމްޕިއަންކަން ޔަސިން އަހުމަދު ނާޝިދު ހޯދިއިރު، އޭނާ ވަނީ މިއަހަރުގެ ގައުމީ ސާފިން ލީގުގެ ޓައިޓަލް ވެސް ކާމިޔާބުކޮށްފައި.

Newsletter

Get the latest news delivered straight to your inbox