ސިއްހީ ފަރުވާގެ ދާއިރާގައި ފުޅާ ދާއިރާއެއްގައި ހިދުމަތް ދެން އަލަން ފެށި ސިލްވާ ކެއާ ކްލިނިކުން، ރާއްޖޭގެ މަޝްހޫރު ޕްލާސްޓިކް އެންޑް ރިކޮންސްޓްރަކްޓިވް ސާޖަން، ޑރ. މުހައްމަދު ވަހީދު ބައްލަވަން ފައްޓަވައިފިއެވެ.
ޑރ. މުހައްމަދު ވަހީދަކީ ރާއްޖޭގެ ފުރަތަމަ ޕްލާސްޓިކް ސާޖަން އެވެ. އަދި މި ދާއިރާއިން ތިރީހަކަށް އަހަރުގެ ތަޖުރިބާ އޭނާ ހޯއްދަވާފައިވެ އެވެ. އައިޖީއެމްއެޗް ހޮސްޕިޓަލްގެ އިތުރުން ޑރ. ވަހީދު ސިލްވާ ކެއާ ކްލިނިކުން ވެސް މިހާރު ބަލި މީހުން ބައްލަވާނެ އެވެ.
ޑރ. ވަހީދުގެ ހާއްސަ ދާއިރާތަކުގެ ތެރޭގައި؛
- އާދައިގެ ފަރުވާއިން ފަސޭހަނުވާ ފުން ފާރުތަކާއި، ހަކުރުބަލީގެ ސަބަބުން އުފެދޭ ފާރުތަކަށް ހާއްސަ ފަރުވާ ދިނުން.
- އެކި އެކި ހާދިސާތަކާއި، އެކްސިޑެންޓްތަކުގެ ސަބަބުން ހަށިގަނޑުގެ ބައެއް ގުނަވަންތަކަށް ލިބޭ ގެއްލުންތައް އަލުން އިއާދަކޮށްދިނުމުގެ އޮޕަރޭޝަންތައް.
- މޫނުމަތީގެ އެކި ކަހަލަ އައިބުތައް ރީތިކުރުމާއި، މަސައްކަތް ހަމައަކަށް އެޅުވުމަށް ކުރެވޭ ސާޖަރީތައް.
- އޮޕަރޭޝަންތަކަށް ފަހު ނުވަތަ އަނިޔާތަކުގެ ސަބަބުން ހުންނަ ބޮޑެތި ލަކުނުތައް ފިލުވައިދިނުން.
ކިއުބާ، މެލޭޝިއާ އަދި ތައިލެންޑު އަދި ނޭޕާލުން މަތީ ތައުލީމާއި ތަމްރީނު ހޯއްދަވާފައިވާ ޑރ. ވަހީދަކީ، އައިޖީއެމްއެޗްގައި ގިނަ ދުވަސްތަކެއް ވަންދެން ހިދުމަތް ކުރައްވައި، ގިނަ ބައެއްގެ ލޯތްބާއި އިތުބާރު ހޯއްދަވާފައިވާ ބޭފުޅެކެވެ.
ސިލްވާ ކެއާ ކްލިނިކުން ބުނި ގޮތުގައި ޑރ. ވަހީދުގެ ފަރުވާތައް އެ ކްލިނިކުގައި ދޭނީ ޒަމާނީ ސައިންޓިފިކް އުސޫލުތަކާއި، އެންމެ ފަހުގެ ވަސީލަތްތަކާއި ބޭހާއެކު އެވެ.
ޑރ. ވަޙީދަށް ދެއްކުމަށް އެޕޮއިންޓްމަންޓް ބުކް ކުރުމުގެ ފުރުސަތު މިހާރު ވަނީ ސިލްވާ ކެއާ ކްލިނިކުން ހުޅުވާލާފައެވެ.
- ސިލްވާ ކެއާ ކްލިނިކް: ގ. ގްރީންލިން، 2 ވަނަ ފަންގިފިލާ، ނީލޯފަރުމަގު، މާލެ،
- ފޯން: 7411911
