ޓްރަމްޕުގެ ބިރުދެއްކުމާއި އެމެރިކާގެ ބާރުވެރި ނުފޫޒުތަކާ ދެކޮޅަށް ނުކުމެ މަމްދާނީ ނިއު ޔޯކުގެ މޭޔަރުކަން ކާމިޔާބުކޮށްފި

ނިއު ޔޯކުގެ އައު މޭޔަރު ޒަހްރާން މަމްދާނީ އާއި އަނބިކަނބަލުން ރަމާ ދުވާޖީ: އޭނާގެ ބޮޑެތި ވައުދުތަކުގެ ތެރޭގައި ހިލޭ ބަހާއި ހިލޭ ޗައިލްޑްކެއާ ހިމެނޭ --- ފޮޓޯ: ނިއުޔޯކް ޓައިމްސް

ނިއު ޔޯކުގެ އައު މޭޔަރު ޒަހްރާން މަމްދާނީ އާއި އަނބިކަނބަލުން ރަމާ ދުވާޖީ: އޭނާގެ ބޮޑެތި ވައުދުތަކުގެ ތެރޭގައި ހިލޭ ބަހާއި ހިލޭ ޗައިލްޑްކެއާ ހިމެނޭ --- ފޮޓޯ: ނިއުޔޯކް ޓައިމްސް

އެމެރިކާގެ ރައީސް ޑޮނަލްޑު ޓްރަމްޕުގެ ބިރު ދެއްކުމާއި ހަރުކަށި އިންޒާރުތައް އަދި އެ ގައުމުގައި ޒަމާނުއްސުރެ ހިފަހައްޓާފައި އޮތް ހަރުކަށި ނުފޫޒުތަކާއި ދެކޮޅަށް ފާޅުގައި ނުކުމެ ކުރި ކެމްޕޭނަށްފަހު، ޒަހްރާމް މަމްދާނީ ނިއު ޔޯކް ސިޓީގެ މޭޔަރުކަން ކާމިޔާބުކޮށްފި އެވެ.

ނިއުޔޯކް ޓައިމްސް އިން ރިޕޯޓުކުރަމުންދާ އިންތިހާބުގެ ނަތީޖާތައް ދައްކާގޮތުން ވޯޓު ދިން ދެ މިލިއަން މީހުންގެ 50 ޕަސެންޓު ވޯޓު ދީފައިވަނީ، މަމްދާނީ، 34 އަށެވެ. ދެވަނައަށް އެންމެ ގިނަ ވޯޓު ލިބުނީ ޖިންސީ ފުރައްސާރައިގެ މައްސަލަ ކުރިމަތިވެ މޭޔަރުކަމުން އިސްތިއުފާދިން އެންޑްރޫ ކުއޯމޯ އެވެ.

ޑިމޮކްރެޓްސް ގެ ކެންޑިޑެސީ ހޯދުމަށް މަމްދާނީ އާއި އެ ޕާޓީގެ ޕްރައިމަރީގައި ވާދަކޮށް ބަލިވުމުން، އަމިއްލަ ކެންޑިޑޭޓެއްގެ ގޮތުގަ އެވެ. ރިޕަބްލިކަން ޓިކެޓުގައި ވާދަކުރި ކާޓިސް ސްލިވާ އަށް ލިބުނީ އެންމެ ހަތް ހަތް ޕަސެންޓު ވޯޓެވެ.

Advertisement

މި ނަތީޖާ އާއެކު މަމްދާނީ ވެގެންދާނީ އާބާދީގެ ގޮތުން އެމެރިކާގެ އެންމެ ބޮޑު އެއް ސިޓީ ކަމުގައިވާ ނިއު ޔޯކުގެ މޭޔަރުކަމަށް މި ގަރުނުގައި ހޮވުނު އެންމެ ޒުވާން މޭޔަރަށެވެ. އޭނާ އަކީ ޔޫގެންޑާއަށް އުފަން، އިންޑިއާ ދަރިކޮޅުގެ މުސްލިމެކެވެ. އޭނާ އެމެރިކާއަށް ހިޖުރަކުރީ 90 ގެ ކުރީ އަހަރުތަކުގެ ތެރޭގަ އެވެ.

ނިއު ޔޯކުގެ މޭޔަރުކަމަށް ކުރި ކެމްޕޭނުގައި މަމްދާނީ ވައުދުވީ އަގުހެޔޮ ހިތްފަސޭހަ ދިރިއުޅުމެއް އުޅެވޭ ސިޓީއެއްގެ އަމާޒަށް ދިޔުމަށެވެ. އެގޮތުން ހިލޭ ބަސްދަތުރުތަކާއި ކުޑަކުދިންނަށް ހިލޭ ސިއްހީ ފަރުވާ ދޭނެ ނިޒާމެއްގެ އިތުރުން މިނިމަމް ވޭޖު ބޮޑުކުރުމާއި އިމިގްރެންޓުންގެ ހައްގުތައް ހިމާޔަތް ކުރުމަށް ބޮޑެތި މަސައްކަތްތަކެއް ކުރުން އޭނާގެ ވައުދުތަކުގެ ތެރޭގައި ހިމެނެ އެވެ.

ކެމްޕޭނުގެ ތެރެއިން މަމްދާނީ ޓެކްސީ ޑްރައިވަރަކާއި ސަލާމްކޮށް ވާހަކަދައްކަނީ ---
ކެމްޕޭނުގެ ތެރެއިން މަމްދާނީ ޓެކްސީ ޑްރައިވަރަކާއި ސަލާމްކޮށް ވާހަކަދައްކަނީ ---

ކެމްޕޭނުގެ ތެރެއިން މަމްދާނީ ޓެކްސީ ޑްރައިވަރަކާއި ސަލާމްކޮށް ވާހަކަދައްކަނީ ---

މީގެ އިތުރުން، މަމްދާނީ ވަނީ އިޒްރޭލުން ފަލަސްތީނުގެ ރައްޔިތުންނާއި ދެކޮޅަށް ހިންގާ ލާއިންސާނީ އަމަލުތަކާއި ދެކޮޅަށް ފާޅުގައި ބަސްބުނެ، ފަލަސްތީނާއި އެއްކޮޅު ހަރަކާތްތަކުގައި ވެސް ބައިވެރިވެފަ އެވެ. މި ސިޔާސަތުތަކާއެކު ޒުވާނުންގެ މެދުގައި މަމްދާނީ ވަނީ މަގުބޫލުވެފަ އެވެ. ދުނިޔޭގެ އެކި ކަންކޮޅުތަކުގައި އަދި ސޯޝަލް މީޑިއާގައި ވެސް އޭނާ ވަނީ ބޮޑު މަގުބޫލު ކަމެއް ހޯދާފަ އެވެ.

މަމްދާނީގެ މަގުބޫލުކަމާއި ފާޅުކަން ބޮޑު ކެމްޕޭނުގެ ސަބަބުން އެމެރިކާގެ ރައީސް ޓްރަމްޕު ވަނީ ފާޅުގައި އޭނާއާއި ދެކޮޅަށް ކެމްޕޭން ކުރައްވާފަ އެވެ. އަދި، މަމްދާނީ ހޮވިއްޖެނަމަ ނިއު ޔޯކަށް މާލީ ގޮތުން ދަތިކުރާނެ ކަމުގެ އިންޒާރުތައް ޓްރަމްޕު ދީފައިވެ އެވެ.

އަދި، އިމިގްރެންޓުންނާއި ދެކޮޅަށް ގެންގުޅޭ ހަރުކަށި ސިޔާސަތުގެ ދަށުން މަމްދާނީ ހިންގާ ނިއު ޔޯކަކަށް އެމެރިކާގެ ސިފައިން ފޮނުވައިގެން އިމިގްރެންޓުން ހައްޔަރުކޮށް ޑީޕޯޓުކުރާނެ ކަމުގެ އިންޒާރު ވެސް ޓްރަމްޕު ދީފައިވެ އެވެ.

މި އިންޒާރުތަކަށް މަމްދާނީ ވަނީ އޭނާގެ ކާމިޔާބީ ފާހަގަކޮށް ދެއްކެވި ވާހަކައިގައި ރައްދު ދެއްވާފަ އެވެ. އެގޮތުން ނިއު ޔޯކަކީ އިމިގްރެންޓުންގެ ސިޓީއެއް ކަމަށާއި އެ ސިޓީގައި ދެން ވެރިކަން ކުރާނީ ވެސް އިމިގްރެންޓެއް ކަމަށް މަމްދާނީ ވިދާޅުވި އެވެ.

އަދި، އޭނާ އަކީ ޑިމޮކްރެޓް ޕާޓީއަށް ނިސްބަތްވާ ސޯޝަލިސްޓެއް ކަމަށާއި ދީން ގަބޫލުކުރާ މުސްލިމެއް ކަމަށް ވިދާޅުވެ، މަމްދާނީ ވަނީ މިއިން އެއްވެސް ކަމަކީ މައާފަށް އެދެން ޖެހޭ ވަރުގެ ކަމެއް ނޫން ކަމަށް ވިދާޅުވެފަ އެވެ.

ޓްރަމްޕުގެ އިތުރުން ނިއު ޔޯކުގެ މަހުޖަނުން ވެސް މި ކެމްޕޭނުގެ ތެރެއިން މަސައްކަތް ކުރަމުންދިޔައީ މަމްދާނީ އާއި ދެކޮޅަށެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox