ރައީސް މުހައްމަދު މުއިއްޒުގެ ސަރުކާރުން ގައުމު "ލޫޓުވައިފި" ކަމަށް ބުނެ، އެންމެ ބޮޑު އިދިކޮޅު ޕާޓީން އޮކްޓޯބަރު 3 ގައި މާލޭގައި ބާއްވާ ބޮޑު އެއްވުން އިސްތިހާރު ކުރަން ހުޅުމާލޭގައި ދެމި ބެނާތައް ހައުންސިން ޑިވެލޮޕްމެންޓު ކޯޕަރޭޝަން (އެޗްޑީސީ) ނަގައިފި އެވެ.
އެ ބެނާތަކުގައި ލިޔެފައި ވަނީ މި ސަރުކާރުން މުޅި ގައުމު ލޫޓުވައިފި ކަމަށް އެމްޑީޕީން ތުހުމަތުކުރާ އެކި ކަންކަމެވެ.
އެޗްޑީސީން އިއްޔެ ކުރި އިއުލާނުގައި ވަނީ ބެނާތައް ނެގީ ހުއްދަ ނުހޯދާ ދަމާފައި ހުރުމުން ކަމަށެވެ.
ބެނާތައް ދަމާފައި ހުންނަތާ އެތައް ދުވަހެއް ފަހުން އެޗްޑީސީން އިއުލާނެއް ނެރުމަށް ފަހު ހުޅުމާލޭގައި ހުރި އެމްޑީޕީގެ ބެނާތައް ރޭ ނެގިއިރު، މާލޭގައި ދަމާފައި ހުރި ބެނާތައް މާލޭ ސިޓީ ކައުންސިލުން އިއްޔެ ވަނީ ނަގައިފަ އެވެ.
އެމްޑީޕީން އޮކްޓޯބަރު 3، އަށް ތައްޔާރުވުމުގެ ގޮތުން ސިލްސިލާކޮށް އެކި ހަރަކާތްތައް އެމްޑީޕީން ދަނީ ހިންގަމުންނެވެ. ބެނާތައް ދެމުމުގެ އިތުރުން، ޕިކަޕް ބުރާއި އާއި ސައިކަލް ބުރުގެ އިތުރުން އެކި ބައްދަލުވުންްތަކާއި ސައްލާތައް އެ ޕާޓީން އެބަ ބާއްވަ އެވެ.
އެމްޑީޕީގެ ބޮޑު އެއްވުމަށް ރަށްރަށުން ވެސް މީހުން އައުމަށް ދަނީ ތައްޔާރު ވަމުންނެވެ.
