ކަނބުލޮ ފިލްމުގެ ޓްރެއިލާ އިން ދިރިހުރުމާއި ވޭނުގެ ހަގީގީ މަންޒަރު

Jul 24, 2025, 9:47 AM
ކަނބުލޮ ފިލްމުގެ ޓްރެއިލާގެ ތެރެއިން

ކަނބުލޮ ފިލްމުގެ ޓްރެއިލާގެ ތެރެއިން

މައުސޫމު ކުދިންގެ ހައްގުތަކަށް އަރައިގަތުމުން، އެ ކުދިން ތަހައްމަލު ކުރާ ވޭނުގެ މައްޗަށް ކިޑް ޕްރޮޑަކްޝަނާއި ސެޓާން ސްޓޫޑިއޯ އިން އުފައްދާފައިވާ ދިވެހި ފިލްމު "ކަނބުލޮ" ޓްރެއިލާ މިއަދު ރިލީޒްކޮށްފި އެވެ.

އަންނަ އޮގަސްޓް 31، ގައި ރިލީޒް ކުރުމަށް ހަމަޖެހިފައިވާ އެ ފިލްމުން ޝިކާރައަކަށްވާ ޒުވާން އަންހެން ކުއްޖަކު އެޅި ވޭނާއި ކެކުޅުން އަދި އެކަމުން އަރައިގަންނަން ކުރި ހިތްވަރު ދައްކުވައިދެ އެވެ.

ފިލްމުގެ ޓިކެޓް ބުކް ކުރުމަށް ހާއްސަކުރެވިފައިވާ ނަންބަރަކީ 7458800 އެވެ.

ދިވެހިބަހާއި ތާރީހަށް ހިދުމަތްކުރާ ގައުމީ މަރުކަޒުން 2009 ވަނަ އަހަރު ބޭއްވި ދިގު ވާހަކަ ލިޔުމުގެ ގައުމީ މުބާރާތުގެ އެއް ވަނަ އަށް ހޮވުނު "ޔުކްތާ" ވާހަކައިގެ މައްޗަށް ތައްޔާރުކުރާ ކަނބުލޮ ފިލްމުގެ ކާސްޓުންގެ ގޮތުގައި ފެންނާނީ އިސްމާއީލް ރަޝީދު (ކޮޕީ އިއްސެ)، މަރިޔަމް އައްޒަ، އަހުމަދު ނިމާލް، ޝީލާ ނަޖީބު، އަހުމަދު އީސާ، ވާސިއާ މުހައްމަދު އަދި މަރިޔަމް ޝަކީލާ އެވެ.

ޓްރެއިލާއިން ފެނުނު ފާހަގަކޮށްލެވޭ މަންޒަރުތައް:

ކަނބުލޮ ފިލްމު ފެށެނީ އަހްމަދު އީސާގެ ކެރެކްޓަރާއި ކަނބުލޮގެ ބައި ކުޅޭ މަރިޔަމް އައްޒައާއި ދެމެދު ހިނގާ އޯގާތެރި ނަމަވެސް ހިތާމަވެރި ވާހަކައަކުންނެވެ. ނަމަވެސް އޯގާތެރިކަމުން ފެށުނު މަންޒަރު އިސާހިތަކު ބަދަލުވެ، ކުއްލިއަކަށް ކަނބުލޮގެ ސްކޫލް ދުވަސްވަރު ފެނެ އެވެ. މައުސޫމުކަމުގެ ތެރޭގައި ހުޅުވިފައިވާ އުޑުދަށުގައި ރަހްމަތްތެރިންނާއެކު ދުވާ މަންޒަރުތަކެކެވެ.

ޓްރެއިލާގެ ކުޑަކުޑަ އުފާވެރި ވަގުތުކޮޅުން ދަމައިގަނެވެނީ ޝީލާ ނަޖީބުގެ ކެރެކްޓަރު ތަޅައި އަނިޔާކޮށްފައިވާ މަންޒަރަކާއި އިސްމާއީލް ރަޝީދުގެ ރުޅިވެރި އަޑެވެ. އެ ހިސާބުން ފެށިގެން ޓްރެއިލާ އިތުރަށް އަނދިރިކަމުގެ ތެރެއަށް ފަނޑުވާން ފަށައެވެ. އަދި އުންމީދު ކެނޑިފައިވާ މަޑުމައިތިރި ވަގުތެއްގައި ޝީލާގެ ދަރިފުޅު ކަނބުލޮގެ ސަލާމަތަށް ދުޢާކުރާ މަންޒަރު ފެނެއެވެ.

މީގެއިތުރުން ދެން އަންނަނީ ސިހުންދޭ މަންޒަރެކެވެ. އިސްމާއީލް ރަޝީދުގެ ކެރެކްޓަރު، އޭނާ ލައިގެން ހުރި ޓީޝާޓް ބާލައެވެ. އެއްވެސް ރަހުމެއް ނެތްކަން ހާމަވާ ފަދައިންނެވެ. ކަނބުލޮ އާދޭސްކުރަމުން ބުނަނީ، "އަހަރެންނަކީ ކުޑަކުއްޖެއް" ބިރުވެރިކަމާއި ހިތާމައިގެ ދެމެދުގައި އޭނާގެ އަޑު ތުރުތުރުއަޅައެވެ.

އަނދިރިކަން އިތުރަށް ފުންވެގެންދެ އެވެ. ކަނބުލޮއަށް މަންމައެއްފަދަ ޝަކީލާގެ ކެރެކްޓަރު މަޑުމައިތިރި، ވޭނުން ފުރިގެންވާ އަޑަކުން އަހަނީ، "މާޔާއަށް ތި ހާލު ޖެއްސީ ކާކު؟" އެވެ. އެ ސުވާލުގެ ޖަވާބުގައި ކަނބުލޮއަށް ކޮށްފައިވާ އަސަރު އޭނާގެ ހަޅޭކުން ހިތްފަޅައިގެން ދެ އެވެ. ޖެހިގެން އަންނަ މަންޒަރުން އަހްމަދު ނިމާލުގެ ނުރައްކާތެރި ޖަވާބު އިވިގެންދެއެވެ، "އުމަރު ނޫނީ ކާކު؟" އެވެ.

ކަނބުލޮ، ވިހެއުމުގެ ވޭނުގައި، ހަޅޭއްލަވަމުންދާއިރު ޝަކީލާގެ ކެރެކްޓަރު ނާއުންމީދުކަމާއެކު އޭނާއަށް އެހީތެރިވެދެއެވެ. ތުއްތު ކުއްޖެއްގެ ރުއިމުގެ އަޑުން އިތުރަށް ފިތްކަނޑުވާލައެވެ. އެ އަޑަށް ކެތްނުކުރެވޭ ވަރުކޮށް ފިލްމުގެ ނަން، "ކަނބުލޮ" ގެ ތެރެއަށް ފަނޑުވެގެން ދެ އެވެ.

ފިލްމުގެ ނަން އެރުމަށް ފަހު އަންނަ މަންޒަރުން އިތުރަށް ހިތްދަތިކަން ގެނެސްދެއެވެ. ކަނބުލޮ، ހަލާކުވެ، ރޮމުން، ފަހަތުގައި ހުރި އުމަރާ ދިމާއަށް ގޮވަމުން ބުނަނީ، "އަހަރެން ފާފައެއް ނުކުރާނަން" އެ ވޭނީ ބަސްކޮޅު އަދިވެސް ކަންފަތުގައި ގުގުމަމަ އެވެ.

މަހުދީ އަހުމަދު ސްކްރީން ޕްލޭ ލިޔެފައިވާ މި ފިލްމުގެ ޑައިރެކްޓަރަކީ ހުސެން މުނައްވަރު އެވެ މިއީ މަހުދީގެ ސްކްރީން ޕްލޭގެ މައްޗަށް މުނައްވަރު ޑައިރެކްޓްކުރާ ހަތަރުވަނަ ފިލްމެވެ. ފިލްމުގެ ޕްރޮޑިސަރަކީ ކަމަނަ ފިލްމުގެ އެއް ޕްރޮޑިއުސާ އަލީ ޝާނިޒް މުހައްމަދު އެވެ.

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox