ރިސޯޓް ލީގު 2025 ގެ ދ. އަތޮޅު ޒޯނުގެ ފައިނަލުގައި ސެއިންޓް ރެޖިސް ވޮއްމުލީގެ މައްޗަށް ކުރިހޯދާ އަންގްސަނާ ވެލާވަރުން ޗެމްޕިއަންކަން ހޯދައިފި އެވެ.
މި ޒޯނުގެ މެޗުތައް ކުޅެފައިވަނީ ނިޔާމަ ޕްރައިވެޓް އައިލަންޑްގަ އެވެ. ފައިނަލުގައި ވޮއްމުލީގެ މައްޗަށް ވެލާވަރުން ކުރިހޯދީ 6-2 ގެ ނަތީޖާ އަކުންނެވެ.
މި މެޗު ފަށައިގެން ހަވަނަ މިނެޓްގައި ވެލާވަރުގެ އަލީ ޝާނިއު ވަނީ ގޯލު ޖަހައި އެ ޓީމަށް ލީޑު ނަގައިދީފަ އެވެ. އަދި މެޗުގެ 14 ވަނަ މިނެޓްގައި ޝާނިއު ވަނީ އިތުރު ގޯލެއް ޖަހައި ލީޑު ފުޅާކޮށްފަ އެވެ.
އެކަމަކު އޭގެ ހަތަރު މިނެޓް ފަހުން ވޮއްމުލީގެ ޝަފީއު ހަސަން ވަނީ ގޯލު ޖަހައި ފަރަގު ކުޑަކޮށްފަ އެވެ.
ދެވަނަ ހާފު ފަށައިގެން ހަވަނަ މިނެޓްގައި ވެލާވަރުގެ މުހައްމަދު ޝާހް ވަނީ ގޯލެއް ޖަހައި އަލުން ލީޑު ފުޅާކޮށްފަ އެވެ. އަދި އޭގެ ފަސް މިނެޓް ފަހުން ޝާހު ވަނީ ވޮއްމުލީގެ ހަތަރުވަނަ ގޯލު ޖަހައިފަ އެވެ. އެކަމަކު މެޗު ނިމެން ތިން މިނެޓަށް ވެފައި ވަނިކޮށް ވޮއްމުލީގެ ހަސަން ހުޝާމް އަބްދުالله ވަނީ ގޯލު ޖަހައި ފަރަގު ކޮޑަކޮށްފަ އެވެ. އެކަމަކު އޭގެ ދެ މިނެޓް ފަހުން ޝާނިއު ވަނީ އިތުރު ގޯލެއް ޖަހައި އޭނާގެ ހެޓްރިކް ފުރިހަމަ ކޮށްފަ އެވެ.
ވެލާވަރުގެ ފަހު ގޯލު މެޗުގެ ފަހު މިނެޓްގައި އެ ޓީމަށް ޖަހައިދިނީ އީލާފް އަހުމަދު އެވެ.
މި ފަހަރުގެ މުބާރާތުގެ ދ. ޒޯނުގެ އެންމެ ގިނަ ލަނޑު ޖެހި ކުޅުންތެރިޔާގެ މަގާމު ލިބުނީ 10 ގޯލު ޖެހި ވެލާވަރުގެ ޝާހު އަށެވެ.
ދ. ޒޯނުގެ އެންމެ މޮޅު ފަސް ކުޅުންތެރިންނަކީ ވެލާވަރުގެ ޝާނިއު، ޝާހް، އީލާފް އަހުމަދު ، އަހުމަދު ނާޖިލްގެ އިތުރުން ވޮއްމުލީގެ އަމިލް އަލީ އެވެ. މި ޒޯނުގެ އެންމެ މޮޅު ކޯޗަކީ ވެލާވަރުގެ ކޯޗު ވިޝާހް ޝަރީފް އެވެ.
