ގިބްލީ އިފެކްޓާއެކު ޗެޓްޖީޕީޓީގެ ބޭނުންކުރުން ރެކޯޑް އަދަދަކަށް އިތުރުވެއްޖެ

ގިބްލީ ސްޓައިލްގެ ފޮޓޯތައް ސޯޝަލް މީޑިއާގައި ވަނީ ވައިރަލް ވެފައި --

ގިބްލީ ސްޓައިލްގެ ފޮޓޯތައް ސޯޝަލް މީޑިއާގައި ވަނީ ވައިރަލް ވެފައި --

އޯޕަން އޭއައި ކުންފުނިން ތައާރަފުކޮށްފައިވާ ޗެޓްޖީޕީޓީގެ އާ ފީޗާއެއް ކަމަށްވާ ގިބްލީ ސްޓައިލް އާޓް އުފެއްދުމުގެ ފީޗާ ވައިރަލްވުމާ ގުޅިގެން، މި ހަފުތާގައި ޗެޓްޖީޕީޓީ ބޭނުންކުރާ މީހުންގެ އަދަދު ރެކޯޑް އަދަދަކަށް އިތުރުވެއްޖެއެވެ.

ޖަޕާނުގެ މަޝްހޫރު އެނިމޭޝަން ސްޓޫޑިއޯއެއް ކަމަށްވާ "ސްޓޫޑިއޯ ގިބްލީ"ގެ ސްޓައިލްގައި އާޓް އުފެއްދުމުގެ ފީޗާ ތައާރަފުކުރުމާ ގުޅިގެން، ދުނިޔޭގެ އެކި ކަންކޮޅުތަކުން ގިނަ އަދަދެއްގެ ޔޫޒަރުން މި ފީޗާ ބޭނުންކޮށްގެން އުފައްދާފައިވާ އާޓްތައް ސޯޝަލް މީޑިއާގައި ޝެއާ ކޮށްފައިވެ އެވެ. މިކަމާ ގުޅިގެން ޗެޓްޖީޕީޓީގެ ސާވަތަކަށް ބުރަ ބޮޑުވެ، ވަގުތީ ގޮތުން މި ފީޗާގެ ބޭނުންކުރުން މަޑުޖައްސާލަން ވެސް ޖެހުނެވެ.

މާކެޓް ރިސާޗް ކުންފުންޏެއް ކަމަށްވާ ސިމިލާވެބްގެ ތަފާސްހިސާބުތަކުން ދައްކާގޮތުގައި، މިއަހަރު ފުރަތަމަ ފަހަރަށް ޗެޓްޖީޕީޓީގެ ހަފުތާއަކު އެކްޓިވްކޮށް ބޭނުންކުރާ މީހުންގެ އަދަދު 150 މިލިއަނަށް އަރާފައިވެ އެވެ. އަދި އޯޕަން އޭއައިގެ ސީއީއޯ ސެމް އޯލްޓްމަން ވިދާޅުވެފައިވަނީ އެންމެ ގަޑިއިރެއްގެ ތެރޭގައި އެއް މިލިއަން ޔޫޒަރުން އިތުރުވެފައިވާ ކަމަށެވެ.

Advertisement

ސެންސަ ޓަވަރުގެ ތަފާސްހިސާބުތަކުން ދައްކާ ގޮތުގައި، ޗެޓްޖީޕީޓީގެ އެޕް ޑައުންލޯޑްކުރާ މީހުންގެ އަދަދާއި، އެޕް ބޭނުންކުރާ މީހުންގެ އަދަދު، އަދި އިން-އެޕް ސަބްސްކްރިޕްޝަން ރެވެނިއު ވެސް މިދިޔަ ހަފްތާގައި އޮފް ޓައިމް ހައިއަކަށް އަރާފައިވެ އެވެ. މިއީ އޯޕަން އޭއައިން ޖީޕީޓީ-4 މޮޑެލްއަށް ގެނެސްފައިވާ އަޕްޑޭޓްތަކާ ގުޅިގެން ވީ ކަމެއް ކަމަށް ބެލެވެއެވެ.

ނަމަވެސް، ޗެޓްޖީޕީޓީގެ އިމޭޖް ޖެނެރޭޓިން ފީޗާގެ މަގުބޫލުކަން ބޮޑުވުމާ ގުޅިގެން، ވޭތުވެދިޔަ ހަފުތާގައި ޗެޓްބޮޓަށް އެކި ވަރުގެ މައްސަލަތަކާއި އައުޓޭޖްތައް ކުރިމަތިވެފައިވާކަން ފާހަގަކުރެވެ އެވެ.

އޯޕަން އޭއައިގެ މުއައްސިސް އަންގާރަ ދުވަހު ވިދާޅުވެފައިވަނީ، ކުންފުނިން ކަންކަން ކޮންޓްރޯލްކުރަމުންދާ ކަމަށާއި، ނަމަވެސް އޯޕަން އޭއައިން ނެރޭ އައު އަޕްޑޭޓްތައް ލަސްވުމާއި، ބައެއް ހިދުމަތްތައް ހުއްޓުމާއި، އަދި ބައެއް ފަހަރު ސާވިސް ލަސްވެދާނެ ކަމަށެވެ. މިއީ ކެޕޭސިޓީގެ ގޮންޖެހުންތަކާ ކުރިމަތިލާންޖެހޭތީ ދިމާވާ މައްސަލަތަކެއް ކަމަށް އޭނާ ވިދާޅުވިއެވެ.

ގިބްލީ އިފެކްޓް އުފެއްދުމަށް އޭއައި ޓޫލް ފުޅާ ދާއިރާއެއްގައި ބޭނުންކުރަމުންދިއުމާ ގުޅިގެން، ކޮޕީރައިޓް ގާނޫނާ ހިލާފުވެދާނެ ކަމުގެ ސުވާލުތައް ވެސް އުފެދިފައިވެ އެވެ. ނީލް އެންޑް މެކްޑެވިޓް ލޯ ފާމްގެ ޕާޓްނަރު އީވަން ބްރައުން ވިދާޅުވެފައިވަނީ، ސްޓޫޑިއޯ ގިބްލީގެ ވަކި ސްޓައިލް ކޮޕީކޮށްގެން އޭއައި މެދުވެރިކޮށް އުފައްދާ އިމޭޖްތަކުގެ ޤާނޫނީ ހައިސިއްޔަތު އަދިވެސް ސާފުނޫން ކަމަށެވެ. އާންމު ގޮތެއްގައި ކޮޕީރައިޓް ޤާނޫނުން ހިމާޔަތްކުރަނީ ވަކި އުފެއްދުންތައް ކަމަށާއި، އާޓިސްޓިކް ސްޓައިލްތައް ނޫން ކަމަށް އޭނާ ވިދާޅުވި އެވެ.

މި ޓްރެންޑް ވައިރަލްވުމާ ގުޅިގެން، ސްޓޫޑިއޯ ގިބްލީގެ ވެރިޔާ ހަޔާއޮ މިޔަޒަކީ 2016 ވަނަ އަހަރު އޭއައި މެދުވެރިކޮށް އުފައްދާފައިވާ އިމޭޖްތަކާ ގުޅޭގޮތުން ދެއްކެވި ވާހަކަފުޅުތައް އަލުން ފެތުރިފައިވެއެވެ. އޭރު މިޔަޒަކީ ވިދާޅުވެފައިވަނީ އޭއައި މެދުވެރިކޮށް އުފައްދާފައިވާ އިމޭޖެއް ދެއްކުމުން އެކަމާ ވަރަށް ބޮޑަށް ނަފްރަތު ކުރައްވާ ކަމަށާއި، އެފަދަ ޓެކްނޮލޮޖީއެއް އެއްވެސް ހާލެއްގައި އޭނާގެ މަސައްކަތުގައި ބޭނުންކުރައްވަން ބޭނުންފުޅުނުވާ ކަމަށެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox