އެމެރިކާގެ ބޮން އަޅާ ބޯޓުތައް ޑިއެގޯ ގާސިއާއަށް

ޑިއެގޯ ގާސިއާގައި ހުންނަ އެމެރިކާގެ އަސްކަރީ މަރުކަޒުގައި އެ ގައުމުގެ ބީ-2 ބޯޓުތަކެއް ---- ފޮޓޯ: ދަ ޓެލެގްރާފް / ޕްލެނެޓް ލެބްސް

ޑިއެގޯ ގާސިއާގައި ހުންނަ އެމެރިކާގެ އަސްކަރީ މަރުކަޒުގައި އެ ގައުމުގެ ބީ-2 ބޯޓުތަކެއް ---- ފޮޓޯ: ދަ ޓެލެގްރާފް / ޕްލެނެޓް ލެބްސް

އެމެރިކާގެ އެންމެ ފަހުގެ ބޮން އަޅާ ބޯޓުތައް، އެ ގައުމުގެ އަސްކަރީ ބޭހެއްގެ ގޮތުގައި ބޭނުންކުރާ ފޯޅަވަހި (ޑިއެގޯ ގާސިއާ) އަށް ފޮނުވައިފި އެވެ.

އިނގިރޭސިވިލާތުގެ ދަ ޓެލެގްރާފް ނޫހުން ރިޕޯޓުކޮށްފައިވާ ގޮތުގައި އެމެރިކާ އަސްކަރިއްޔާގެ ބީ-2 ބޯޓުތައް ޑިއެގޯ ގާސިއާއަށް ފުރަތަމަ ފޮނުވީ މާޗު، 27 ގަ އެވެ. އޭރު އެ މަރުކަޒުގައި ތިން ބޯޓު އޮތެވެ.

ސެޓްލައިޓު ފޮޓޯތަކަށް ބަލައިގެން ޓެލެގްރާފުން އެންމެ ފަހުން ރިޕޯޓުކޮށްފައިވާ ގޮތުގައި އެ މަރުކާގެ އިތުރު ބޯޓުތަކެއް ޑިއެގޯ ގާސިއާއަށް ފޮނުވާފައި ހުއްޓެވެ.

އެމެރިކާއިން ޔަމަނުގެ ހޫތީންނާ ދެކޮޅަށް ދޭ ހަމަލާތަކަށް މި މަރުކަޒު ބޭނުންކުރާކަމަށް މީގެ ކުރިން ވެސް އެކި ފަރާތްތަކުން ތުހުމަތު ކޮށްފައިވެ އެވެ.

އަދަދުގެ ޓީމުން ހޯދި ހޯމަ ދުވަހުގެ ސެޓްލައިޓު ފޮޓޯތަކުން ފެންނަ ގޮތުގައި، އެ ދުވަހު ޑިއެގޯ ގާސިއާގައި ފަސް ބީ-2 ބޯޓު އޮތެވެ.

ރާއްޖޭގެ ދެކުނުން އޮންނަ ޑިއެގޯ ގާސީއައަށް މި ބޯޓުތައް ގެނެސްފައި މިވަނީ އިރާނުގެ ނިއުކްލިއާ ހަތިޔާރު އުފެއްދުމުގެ މަޝްރޫއު ހުއްޓާލުމަށް އެމެރިކާއިން ހުށަހަޅާފައިވާ އެއްބަސްވުމަށް ތަބާނުވެއްޖެނަމަ އިރާނަށް ހަމަލާ ދޭނެ ކަމުގެ އިންޒާރު އެމެރިކާގެ ރައީސް ޑޮނަލްޑު ޓްރަމް ދެއްވާފައިވަނިކޮށެވެ.

ޓްރަމްޕުގެ އިންޒާރުގެ ރައްދުގައި ޑިއެގޯ ގާސިއާއަށް ހަމަލާދޭނެ ކަަމަށް އިރާނުން ވެސް ވަނީ ބުނެފަ އެވެ.

އީރާނާއި ޑިއެގޯ ގާސިއާއާ ދެމެދު 2،390 މޭލުގެ ދުރުމިނެއް ހުރެ އެވެ.

އިރާނުގެ ދައުލަތުގެ މީޑިއާއިން ބުނާ ގޮތުގައި އެ ގައުމުގެ އަސްކަރިއްޔާއިން ބޭނުންކުރާ ހޮރަމްޝަހްރު މިސައިލް އަދި ޝަހީދު-136ބީ ޑްރޯން ބޭނުންކޮށްގެން ޑިއެގޯ ގާސިއާއަށް ހަމަލާ ދެވޭނެ އެވެ. ޝަހީދު ޑްރޯންގެ ރޭންޖަކީ 2،485 މޭލެވެ.

އިނާރުން ގަބޫލުކުރާ ގޮތުގައި އެ ގައުމަށް ހަމަލާދޭން އެމެރިކާއިން ބޭނުންކުރާނީ ޑިއެގޯ ގާސިއާގެ އަސްކަރީ މަރުކަޒެވެ.

ޑިއެގޯ ގާސިއާގައި އެމެރިކާ އަދި އިނގިރޭސިވިލާތުގެ ޖުމްލަ 4،000 އެއްހާ ސިފައިން މަރުކަޒުވެގެން ތިބޭ ކަމަށް ރިޕޯޓުތައް ބުނެ އެވެ.

މި މަރުކަޒުގެ އިތުރުން އޭޝިއާ އަދި މެދުއިރުމަތީގައި ހުރި އެމެރިކާގެ އެހެން އަސްކަރީ މަރުކަޒުތަކަށްވެސް އީރާނުން ރައްދު ހަމަލާއެއް ދީފާނެ ކަމަށް އެ ގައުމުން ބުނެފައިވެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox