ޒިއުރިކް (ފެބްރުއަރީ 15) - މިދިިޔަ އަހަރު ތެރޭ ދެ ފަހަރެއްގެ މަތިން މަނާބޭހަށް ޕޮޒިޓިވްވި، ދުނިޔޭގެ އެއް ވަނަ ޓެނިސް ތަަރި، އިޓަލީގެ ޖަނިކް ސިނާއާ ދެކޮޅަށް ވޯލްޑް އެންޓި ޑޯޕިން އެޖެންސީ (ވާޑާ) އިން އިން ހުށަހެޅި މައްސަލައިގައި، ސިނާ އިއުތިރާފުވުމުން، އޭނާ ތިން މަހަށް ސަސްޕެންޑްކުރުމަށް ނިންމައިފި އެވެ.
މިދިޔަ އަހަރު ތެރޭ، ދެ ފަހަރެއްގެ މަތިން ވެސް ސިނާ، 23، ގެ ސާމްޕަލެއް މަނާބޭހަށް ޕޮޒިިޓިވްވެފައިވާއިރު، މި ކަން ބަލާފައިވަނީ އެންމެ ރަނގަޅަށް ނޫން ކަމަށް ބުނެ، ވާޑާ އިން ވަނީ އެކަން ކާސް އަށް ހުށަހަޅައިފަ އެވެ.
މި ކަމުގައި، އަވަހަށް ގޮތެއް ނިންމަން އެދި، ސިނާ ވެސް ޕްރެޝަރު ކުރުުމުން، މިއަދު، ވާޑާ އިން ނިންމާފައިވަނީ، ސިނާ ބޭނުންކުރި މަނާބޭހުގެ ސަބަބުން އޭނާގެ ކުޅުމަށް އޭގެއިން އަަސަރެއް ކޮށްފައިވޭތޯ ބެލުމަށްޓަކައި، އިތުރު ތަހުގީގެއް ކުރެވުނު ކަމަށެވެ. އަދި އޭގެއިން ޔަގީންވީ، ސިނާގެ ކުޅުމަަށް އަސަރެއް ކުރާފަދަ ކަމެއް އޭނާ ބޭނުންކުރި މަނާބޭހުގެ ސަބަބުން ކުރިމަތިވެފައި ނެތް ކަމަށެވެ. އެހެންކަމުން، ސިނާ އަށް ދޭން ޖެހޭ އަދަބަކީ، ސަމާލުވާންވީ މިންވަރަށް ނުބަލައި، މަނާބޭހެއް ބޭނުން ކުރުމުން އަންނަން ޖެހޭ ސަސްޕެންޝަނެއް ކަމަށް ވާޑާ އިން ކަނޑައެޅި އެވެ.
އެއާ އެކު، ސިނާގެ ވަކީލުން އެއްބަސްވެފައިވަނީ، މި މައްސަލަ އިތުރަށް ދިގުލައި ނުގެންގޮސް ކުރިއަށްދާނެ ގޮތަކަށް، ވާޑާއާ އެކު ކުރިއަށްދިއުމަށެވެ. އެހެންވެ، ތިން މަހުގެ ސަސްޕެންޝަން ބަލައިގަންނަން ނިންމީ އެވެ.
މިދިޔަ މަހު އޮސްޓްރޭލިއަން އޯޕަން ޓެނިސް މުބާރާތް ކާމިޔާބުކުރި، ސިނާގެ ސަސްޕެންޝަންގެ މުއްދަތު އޮތީ، މި މަހު 9 އިން މެއި މަހުގެ 4 ވަނަ ދުވަހަށެވެ. ސަސްޕެންޝަންގެ މުއްދަތު ހަމަވާއިރު، ފިޓްކޮށް ހުރުމުގެ ގޮތުން، އަންނަ އޭޕްރީލް މަހުގެ 13 ގައި، ސިނާ އަށް ރަސްމީ ޕްރެކްޓިސްތައް ފެށޭނެ އެވެ.
މި ސަސްޕެންޝަންގެ ސަބަބުން، ސިނާ އަށް މެއި މަހު ފަށާ އަހަރުގެ ދެ ވަނަ ގްރޭންޑް ސްލޭމް، ފްރެންޗް އޯޕަންގެ ކުރިން އޮންނަ މުބާރާތްތައް ގެއްލޭނެ އެވެ. ސިނާ އަކީ، ގްރޭންޑް ސްލޭމް ތިން މުބާރާތް ކާމިޔާބުކުރި އިޓަލީ އަށް އުފަން ފުރަތަމަ ކުޅުންތެރިޔާ އެވެ.
